रोमी 5:9 - मध्‍य पुरविया थारू

⁹ खिरिस्‍ट बलिदान भ्‍याके आपन लहुसे अपनासबके परमेस्‍वरके अगा धरमी ठहरेनेछै। ओहैसे खिरिस्‍ट दुवारा औरो बेसिसे अपनासबके परमेस्‍वरके करोधसे बचेतै।

रोमी 5:9 Referans Kwoze

१ थेसलोनिकी 1:10

तुसब त परमेस्‍वरके बेटा येसु जे स्‍वरगसे एतै कैहके बाट ताइकरहलचिही, जकरा परमेस्‍वर मरलसे जियाइल्‍कै उ येसु चियै। परमेस्‍वरसे आबैबला करोधसे अपनासबके बचाइबला ओह्‍या चियै।

रोमी 8:1

ओहैसे जेसब येसु खिरिस्‍टमे बिस्‍बास करैछै, तकरासबके परमेस्‍वर दन्‍ड नै दैछै।

एफिसी 2:13

महज तुसब, जे ओइ बखत परमेस्‍वरसे दुर छेल्‍ही, आब खिरिस्‍ट कुरूसमे बह्‍याल लहुसे नजदिक भेलचिही।

युहन्‍ना 5:24

“हम साँचोके तोरासबके कहैचियौ, जे हमर बचन सुनैछै आ हमरा पठाइबलाके उपर बिस्‍बास करैछै, ओकरसङे अनन्‍त जिबन छै। उ नियाइमे नै परतै, महज मिरतुसे पार भ्‍याके उ जिबनमे परबेस करने छै।

रोमी 5:1

ओहैसे हमसब खिरिस्‍टमे बिस्‍बास करलाके कारन परमेस्‍वरके अगा धरमी ठहरलचियै आ अपनासबके परभु येसु खिरिस्‍ट दुवारा परमेस्‍वरसङे अपनासबके मिलाप भेलछै।

रोमी 1:18

परमेस्‍वर स्‍वरगसे आपन करोध पाप आ दुस्‍ट काम करैबला लोकसबके उपरमे परलछै। जेसब आपन दुस्‍ट कामसे सतके दबाके राखनेछै।

हिबरु 9:22

बास्‍तममे बेबस्‍थाके कहल अनुसार बली चरह्‍याल लहुसे अक्‍सरहा सब चिजके सुध करैछै आ लहु बहाइने बिना पापके छमा नै हैछै।

हिबरु 9:14

खिरिस्‍टके लहुसे औरो कतेक बेसीसे तोरासबके बिबेकके मरल कामसबसे सुध करतौ ताकि तुसब जिबित परमेस्‍वरके सेबा करैले सक। कथिलेत उ अनन्‍त आत्‍मासे आपनेके दाग नै लागल बलिके रुपमे परमेस्‍वरके अरपन करल्‍कै।

रोमी 8:30

जकरा जकरा परमेस्‍वर पहिनेसे चुनल्‍कै, उ ओकरासबके बोलेबो करल्‍कै। जकरा बोलेल्‍कै ओकरासबके आपन नजरमे धरमी ठहरेल्‍कै। जकरा जकरा धरमी ठहरेल्‍कै, ओकरासबके आपन महिमामे सहभागी सेहो करेल्‍कै।

१ युहन्‍ना 1:7

महज परमेस्‍वर जहिनङ इजोतमे रहैछै तहिनङ हमसब इजोतमे चलैचियै त अपनासबके संगती एक दोसरसङे हैछै आ ओकर बेटा येसुके लहुसे अपनासबके सब पापसे सुध करैछै।

रोमी 5:10

कथिलेत अपनासब परमेस्‍वरके सतरु भेल बखत ओकर बेटाके मिरतु दुवारा अपनासबके आपनसङे मिलापमे आनल्‍कै। अपनासब ओकर सङी भेलाके कारनसे उ आपन बेटाके जिबनसे अपनासबके बचाइतै।

एफिसी 2:3

अपनोसब एक समयमे ओहैसब जखा आपन देहके आ मनके इक्‍छा पुरा करैमे लागल छेलियै आ औरो लोकसब जखा अपनोसब परमेस्‍वरके दन्‍ड पाबैबला छेलियै।