रोमी 4:5 - मध्‍य पुरविया थारू

⁵ कोनो लोक धरम-करममे नै महज पापी लोकसबके छमादैबला परमेस्‍वरमे बिस्‍बास करैछै त वह्‍या बिस्‍बासके कारन परमेस्‍वर ओकरा धरमी ठहराइछै। यि त परमेस्‍वरके दान चियै।

रोमी 4:5 Referans Kwoze

फिलिप्‍पी 3:9

ताकी पुरा रुपसे हम ओकरमे एक भ्‍यासकी। बेबस्‍था पालन कैरके परमेस्‍वरके अगा हम धरमी हैले नै सक्‍बै महज आब खिरिस्‍टमे बिस्‍बास करलासे परमेस्‍वरे हमरा धरमी ठहराइल्‍कै। यि धारमिकता बिस्‍बासमे अरल छै।

रोमी 3:22

अहिनङ कैरके, येसु खिरिस्‍टमे बिस्‍बास करैबला सबके परमेस्‍वर धरमी ठहराइनेछै, कथिलेत उ ककरो भेदभाव नै करैछै।

रोमी 10:3

कथिलेत परमेस्‍वर लोकसबके आपन अगा धरमी ठहराबैबला तरिकाके उसब जान्‍बे नै करैछेलै, तैल्‍याके उसब धरमी ठहराबैबला तरिकाके असुइकार करल्‍कै। उसब आपने तरिकासे परमेस्‍वरके अगा धरमी ठहरैले ताकल्‍कै।

रोमी 4:24

महज अपनोसबके लेल लिखलगेल छै। जे कोइ अपनासबके परभु येसुके मरलसे जिबित करैबला परमेस्‍वरमे बिस्‍बास करैछै, ओकरा परमेस्‍वर धरमी ठहराइछै।

रोमी 4:3

कथिलेत पबितर धरमसास्‍तरमे लिखलछै, “अबराहम त परमेस्‍वरमे बिस्‍बास करल्‍कै आ ओकर बिस्‍बाससे परमेस्‍वर ओकरा धरमी ठहरेल्‍कै।”

युहन्‍ना 6:29

येसु ओइसबके जबाब देल्‍कै, “परमेस्‍वरके काम एह्‍या चियै, जे ओकरा पठाइने छै ओकर उपर बिस्‍बास कर।”

युहन्‍ना 5:24

“हम साँचोके तोरासबके कहैचियौ, जे हमर बचन सुनैछै आ हमरा पठाइबलाके उपर बिस्‍बास करैछै, ओकरसङे अनन्‍त जिबन छै। उ नियाइमे नै परतै, महज मिरतुसे पार भ्‍याके उ जिबनमे परबेस करने छै।

मरकुस 9:23

तब येसु ओकरा कहल्‍कै, “कथिले सक्‍बै कहैचिही? बिस्‍बास करैबलाके लेल सबकुछ सम्‍भब हैछै।”

रोमी 4:6

अहै तरहसे धरम करम बिना परमेस्‍वरके नजरमे धरमी ठहरल लोकके बारेमे रजा दाउद अनङ कहैछै,