रोमी 4:16 - मध्‍य पुरविया थारू

¹⁶ ओहैसे परमेस्‍वरके परतिग्‍या बिस्‍बास दुवारा पाबैबलाके यि ओकर अनुगरहमे भर परैछै। यि परतिग्‍या बेबस्‍था पालन करैबला अबराहमके सन्‍तानसबके लेल मातरे नै महज अबराहम जखा बिस्‍बास कैरके जियैबलासबके लेल चियै, कथिलेत अबराहम सबके पुरखा चियै।

रोमी 4:16 Referans Kwoze

एफिसी 2:8

कथिलेकी परमेस्‍वरके अनुगरहसे तुसब बिस्‍बाससे बच्‍याल गेलचिही। तुसब आपनेसे कोसिस कैरके नै, यि त परमेस्‍वरके देल बरदान चियौ।

गलाती 3:22

महज येसु खिरिस्‍टमे बिस्‍बास करैबलासबके परमेस्‍वरके परतिग्‍याके आसिस पाबैले सके कैहके सबके पापके अधिनमे राखल छै कैहके धरमसास्‍तर कहैछै।

रोमी 9:8

अकर मतलब, अबराहमके सब सन्‍तान परमेस्‍वरके बेटा-बेटी नै चियै, महज परमेस्‍वर देबौ कैहके परतिग्‍या करल बेटा-बेटी मातरे अबराहमके सन्‍तान चियै।

तितस 3:7

जै कारन ओकर अनुगरहसे धरमी भ्‍याके अपनासब असा करल अनन्‍त जिबनके हकदार बैन सकी।

एफिसी 2:5

अपनासब अटेर कैरके आत्‍मिक तबरसे मरल छेलियै तैयो परमेस्‍वर खिरिस्‍टसङे अपनासबके जिबित करल्‍कौ। तुसब परमेस्‍वरेके अनुगरहसे बच्‍याल गेलचिही।

रोमी 15:8

हम तोरासबके यि बात कहैचियौ कि, परमेस्‍वर यहुदीसबके पिता-पुरखासबसङे करल परतिग्‍या सत छै से देखाबैले खिरिस्‍ट यहुदीसबके सेबक बन्‍लै।

रोमी 5:1

ओहैसे हमसब खिरिस्‍टमे बिस्‍बास करलाके कारन परमेस्‍वरके अगा धरमी ठहरलचियै आ अपनासबके परभु येसु खिरिस्‍ट दुवारा परमेस्‍वरसङे अपनासबके मिलाप भेलछै।

२ पतरुस 1:10

तैल्‍याके हे भाइसब, परमेस्‍वर तोरासबके बोलाइनेछौ आ चुन्‍ने छौ से बात आपन जिबनमे परमानित करैले एकदम कोसिस करैतरह। तुसब एहैन करबिही त, बिस्‍बाससे कहियो नै गिरबिही।

रोमी 4:11

ओकर खतना बिस्‍बास दुवारा धरमी ठहरल चेन्‍हा चियै। अहिनङ कैरके उ खतना नै करल महज परमेस्‍वरमे बिस्‍बास कैरके धरमी ठहरैबला लोकसबके आत्‍मिक पुरखा भेलै।

लुका 19:9

तब येसु ओकरा कहल्‍कै, “आइ यि घरमे उदार एलछै, कथिलेत जक्‍कैयो अबराहमेके बंसके चियै।

रोमी 3:22

अहिनङ कैरके, येसु खिरिस्‍टमे बिस्‍बास करैबला सबके परमेस्‍वर धरमी ठहराइनेछै, कथिलेत उ ककरो भेदभाव नै करैछै।

रोमी 3:30

कथिलेत परमेस्‍वर एकेटा छै। उ यहुदी आ गैर-यहुदी दुनुके बिस्‍बास दुवारा धरमी ठहराइछै।

गलाती 3:14

अहैसे अबराहमके देल आसिस खिरिस्‍ट येसुसे औरो जातीके लोकसबके मिलैछै आ परमेस्‍वरके परतिग्‍या करल पबितर आत्‍मा अपनासब बिस्‍बाससे पाबैले सकैचियै।

गलाती 3:16

परमेस्‍वर, अबराहम आ ओकर सन्‍तानसे करल परतिग्‍या अहिनङे छेलै। पबितर धरमसास्‍तरमे द्‍याल उ परतिग्‍या “बहुतो सन्‍तानसबके” लेल नै, महज “एक गोरेके” लेल मातरे छेलै आ उ दोसर कोइने चियै, उ त केबल खिरिस्‍ट चियै।