रोमी 3:25 - मध्‍य पुरविया थारू

²⁵ परमेस्‍वर येसु खिरिस्‍टके अपनासबके पापके दन्‍डसे छुटकरा दैकेलेल बलिके रुपमे अइ सन्‍सारमे पठेल्‍कै। अपनासबके लेल येसु खिरिस्‍ट आपन लहु बहेल्‍कै कैहके बिस्‍बास करैबला लोकसब धरमी ठहरैछै। यि काम परमेस्‍वर आपन धारमिकता देखाबैके लेल करल्‍कै, कथिलेत उ आपनसबके पहिने करल पापके धियान नै देल्‍कै, कारन उ बहुत धिरजी छै।

रोमी 3:25 Referans Kwoze

१ युहन्‍ना 4:10

साँचो परेम यि चियै कि, हमसब परमेस्‍वरके परेम नै करलियै महज तैयो परमेस्‍वर अपनासबके परेम करल्‍कै आ अपनासबके पापके बलिहैके लेल आपन बेटाके पठाइल्‍कै।

१ युहन्‍ना 2:2

उ अपनासबके पापके दन्‍डसे बचाइके खातिर बलिदान भेलछै आ अपनेसबके खातिर मातरे नै, महज सन्‍सारमे भेल सबलोकके पापके खातिर भेलछै।

रोमी 5:9

खिरिस्‍ट बलिदान भ्‍याके आपन लहुसे अपनासबके परमेस्‍वरके अगा धरमी ठहरेनेछै। ओहैसे खिरिस्‍ट दुवारा औरो बेसिसे अपनासबके परमेस्‍वरके करोधसे बचेतै।

परेरित 17:30

अहैले पहिने अनजानमे करल कामके परमेस्‍वर धियान नै दैछै। महज आब परमेस्‍वर सब ठामके लोकसबके ‘आपन-आपन पाप माइनके पस्‍चाताव करै’ कैहके आग्‍या देने छै।

हिबरु 10:4

कथिलेत बछा आ छागरसबके लहुसे पाप मेटाइले नै सक्‍तै।

परकास 13:8

मारलगेल थुमाके जिबनके किताबमे सन्‍सारके सिरिस्‍टी हैसे पहिने नाम लिखल लोकसब बाहेक पिरथिबीमे रहैबला सबकोइ ओइ जानबरके पुजा करतै।

हिबरु 11:7

बिस्‍बास करलाके कारनसे नोआ परमेस्‍वरके चेतावनीके सुनल्‍कै। कहियो नै देखल महज पाछु आबैबला घटनाके बारेमे परमेस्‍वर ओकरा कहने छेलै। नोआ परमेस्‍वरके बात माइनके काठके एकटा बरका पानी जहाज बनेल्‍कै आ ओइमे ढुइकके आपन परिबारके बचेल्‍कै। आपन बिस्‍बास दुवारा नोआ सन्‍सार गलत छेलै कैहके देखेल्‍कै तब उ बिस्‍बास दुवारा अपना धरमी लोक ठहरलै।

रोमी 5:1

ओहैसे हमसब खिरिस्‍टमे बिस्‍बास करलाके कारन परमेस्‍वरके अगा धरमी ठहरलचियै आ अपनासबके परभु येसु खिरिस्‍ट दुवारा परमेस्‍वरसङे अपनासबके मिलाप भेलछै।

परकास 20:15

जकर-जकर नाम जिबनके किताबमे लिखल नै भेटलै, ओकरासबके आइगके भठिमे फेकदेल्‍कै।

परकास 5:9

उसब अनङ कहैत एकटा लया गित गाबल्‍कै, “यि कागतके मुठा लैले आ अकर लाहटके तोरेके योग्‍य अहाँ मातरे चियै, अहाँ मारल गेलियै आ आपन लहुसे अहाँ परमेस्‍वरके लेल सब कुल, भसा, जाती आ देसके लोकसबके छुटकरा देलियै।

हिबरु 11:14

एहैन बात कहैबला लोकसब आपन लेल एकटा देस खोइजरहलछै कैहके परस्‍ट हैछै।

१ युहन्‍ना 1:10

यदि हमसब कोनो पाप नै करनेचियै कहैचिही त परमेस्‍वरके झुठा ठहराइचिही आ ओकर बचन अपनासबमे नै रहतौ।

हिबरु 11:17

परमेस्‍वर अबराहमके जाँच करैबेर बिस्‍बासके भरमे अबराहम आपन बेटा इसहाकके बली चरहाइके लेल तयार भेलै। अबराहम परतिग्‍या करल चिज त पाबने छेलै, तैयो उ आपन एकलौता बेटाके बली चरहाइके लेल तयार भेलै।

हिबरु 9:5

ओइ सन्‍दुकमे परमेस्‍वर ओते छै कैहके देखाबैके लेल ओइ सन्‍दुकके ढकनी उपर करुबसब छेलै। उ ढकनी उपर किरपा आसनमे करुबसब डेन पसारने छेलै। महज यि सबके बिसयमे अखुन बयान करैले नै सकैचियै।

१ तिमोथी 1:15

यि बात सत चियै आ सुइकार योग्‍य छै कि येसु खिरिस्‍ट पापीसबके बचाइके लेल अइ सन्‍सारमे एलै। ओइ पापीसबसे बेसी पापी हम चियै।

रोमी 5:11

अतबेक नै, महज अपनासबके परभु खिरिस्‍ट दुवारा अपनासब परमेस्‍वरमे आनन्‍द मनाबैचियै कथिलेत ओकरे दुवारा अपनासबके परमेस्‍वरसङे मिलाप भेलछै।

रोमी 3:26

महज अखुन्‍का समयमे परमेस्‍वर उसबके पापके लेखा लैछै कथिलेत उ आपने धरमी छै आ येसुमे बिस्‍बास करैबलासबके धरमी ठहराबैछै कैहके उ साबित करैछै।

रोमी 2:4

या कि तु परमेस्‍वरके महान किरपा, सहनसिलता आ धिरजके तुच्‍छ सम्‍झैचिही? परमेस्‍वर आपन किरपासे तोरा पापसे पस्‍चाताप करैके मौका देनेछौ से बात कि तोरा थाह नै छै?

परेरित 4:28

ओह्‍यासब करैले अहाँ आपन सक्‍तिसे आ आपन योजना अनुसार निस्‍चित करने रहिहे।

परेरित 3:18

तहिनङ येसुके दुख काटे परतै कैहके परमेस्‍वर अगमबक्‍ताके मुहसे करल अगमबानी पुरा करल्‍कै।

परेरित 15:18

“यि बात परमपरभु कहैछै, जे सिरिस्‍टीके सुरुवेसे यि बातसबके जानकारी कराइत एलछै।

परेरित 2:23

परमेस्‍वरके आपन निस्‍चित योजना आ ग्‍यान अनुसार पकरल गेलै। एह्‍या येसुके अधरमी लोकसबके हाथसे तुसब कुरूसमे किल्‍ला ठोइकके मारलिही।

युहन्‍ना 6:47

“साँचोके हम तोरासबके कहैचियौ, जे बिस्‍बास करैछै, ओकरसङे अनन्‍त जिबन छै।

परेरित 14:16

बितलहा पुस्‍तामे सब जातीसबके अपने-आपके रितमे चलैले देल्‍कै।

रोमी 5:18

अहिनङ कैरके हमसब देखैचियै कि, जनङ आदमके एकेटा पापसे सब लोकसब मिरतुदन्‍डके भागिदार भेलै, ओहिनङे खिरिस्‍टके एकेटा धारमिक कामसे परमेस्‍वरके सामने सबलोक धरमी ठहरतै आ जिबन पाबतै।

१ कोरन्‍थी 5:7

तोरासबके बिचसे पुरन्‍का खमिर हटा, तब तुसब खमिर बिनाके सुध अँटा हेब्‍ही। कथिलेत अपनासबके निस्‍तार पाबैनके थुमा, खिरिस्‍ट बली भ्‍याचुकल छै।

२ कोरन्‍थी 5:21

येसु खिरिस्‍टमे पाप नै छेलै, तैयो परमेस्‍वर अपनासबके खिरिस्‍टमे धरमी ठहराबैके लेल अपनासबके पाप खिरिस्‍टमे राइखदेल्‍कै।

एफिसी 1:7

ओकर महान अनुगरह अनुसार खिरिस्‍ट आपन लहु बहेलासे अपनासब उधार आ पाप छमा पाबनेचियै।

एफिसी 2:13

महज तुसब, जे ओइ बखत परमेस्‍वरसे दुर छेल्‍ही, आब खिरिस्‍ट कुरूसमे बह्‍याल लहुसे नजदिक भेलचिही।

हिबरु 9:28

ओहिनङे बहुतो लोकके पाप छमाके लेल खिरिस्‍ट एकेबेर बली भेलै। उ दोसर बेर एतै त, ओइ बखत पाप छमाके लेल नै एतै, महज ओकरासबके मुक्‍तीके लेल एतै जेसब ओकर बाट ताकैत असियाल रहतै।

परकास 1:5

बिस्‍बास योग्‍य साक्‍छी आ मिरतुसे सबसे पहिन्‍का बेर जिबित भेल सन्‍सारके रजा सबके रजा, येसु खिरिस्‍टके तरफसे तोरासबके अनुगरह आ सान्‍ती मिले। उ अपनासबके परेम करैछै आ आपन लहुसे अपनासबके पापसे छुटकरा देनेछै।