रोमी 3:21 - मध्‍य पुरविया थारू

²¹ महज अखुन बेबस्‍था पालन नै कैरके परमेस्‍वर लोकसबके धरमी ठहराइबला बाट देखाइनेछै। अकर बारेमे बेबस्‍थाके किताब आ अगमबक्‍तासब गबाही देनेछै।

रोमी 3:21 Referans Kwoze

परेरित 10:43

सब अगमबक्‍तासब येसुके बारेमे गबाही देनेछै, जे कोइ ओकर उपर बिस्‍बास करतै ओइसबके पाप ओकर नाममे छमा हेतै।”

फिलिप्‍पी 3:9

ताकी पुरा रुपसे हम ओकरमे एक भ्‍यासकी। बेबस्‍था पालन कैरके परमेस्‍वरके अगा हम धरमी हैले नै सक्‍बै महज आब खिरिस्‍टमे बिस्‍बास करलासे परमेस्‍वरे हमरा धरमी ठहराइल्‍कै। यि धारमिकता बिस्‍बासमे अरल छै।

गलाती 3:8

परमेस्‍वर अबराहमके कहल्‍कै, “तोरेसे पिरथिबीके सब जातिके लोकसब आसिस पाबतै।” अनङ परमेस्‍वर गैर-यहुदीसबके बिस्‍बाससे धरमी ठहराइतै कैहके पबितर धरमसास्‍तर पहिनेसे असल समाचार सुनाइने छेलै।

रोमी 5:19

एकटा लोक आदमके आग्‍यापालन नै करलाके चल्‍ते बहुतो लोक पापी भेलै, तहिनङे एकटा लोक खिरिस्‍टके आग्‍या पालनके चल्‍ते बहुतो गोरा परमेस्‍वरके अगा धरमी ठहरतै।

रोमी 1:17

कथिलेत सुसमाचारसे लोकके परमेस्‍वर कनङके धरमी बनाइतै से बात परकट करने छै। परमेस्‍वरके अगा धरमी ठहरैबला बात बिस्‍बाससे सुरु हैछै आ बिस्‍बासेमे पुरा हैछै। जनङ कि पबितर धरमसास्‍तरमे लिखलछै, “जे लोक बिस्‍बास दुवारा परमेस्‍वरके अगा धरमी ठहरतै, उ लोक जिबन पाबतै।”

रोमी 1:2

जे सुसमाचार बहुत बरिस पहिने परमेस्‍वर देबै कैहके परतिग्‍या करने छेलै। अकरे बारेमे ओकर अगमबक्‍तासब पबितर धरमसास्‍तरमे लिखने छेलै।

परेरित 15:11

महज हमसब बिस्‍बास करैचियै कि परभु येसुके किरपासे अपनासबके मुक्‍ती मिलल छै, जनङ उसबके मिलल छै।”

लुका 24:44

आ कहल्‍कै, “तोरासबसङे रहैतकाल हमर बोलल्‍हा बचन एहा चियै, अरथात मोसाके बेबस्‍था, अगमबक्‍ताके किताबसब आ भजनसङगरहके किताबमे हमर बारेमे लिखलाहा सबबातसब पुरा हैए परतै।”

२ पतरुस 1:1

हम सिमोन पतरुस, येसु खिरिस्‍टके दास आ परेरितके तरफसे अपनासबके परमेस्‍वर आ मुक्‍ती दैबला येसु खिरिस्‍टके धारमिकतासे अपनेसब जखा अनमोल बिस्‍बास पाबैबलासबके लेल यि चिठी लिखरहल चियै।

१ पतरुस 1:10

तोरासबके मिलल यि मुक्‍तीके बारेमे अगमबक्‍तासब बहौत निकसे खोज-तलास करने रहौ। परमेस्‍वर तोरासबके दैबला अनुगरहके बारेमे पहिनेसे अगमबानी करने छेलौ।

गलाती 5:5

महज हमसब खिरिस्‍टमे बिस्‍बास करलासे पबितर आत्‍मा अपनासबके परमेस्‍वरके अगा धरमी ठहरैबला आसाके बाट ताकैले लगाइतौ।

रोमी 16:26

अकर बारेमे अनन्‍त परमेस्‍वरके आग्‍या अनुसार अगमबक्‍तासबके लिखल बात सब जातिके लोकसब लग अखुन परकट भेल छै ताकी उसब बिस्‍बास करे आ ओकर आग्‍या पालन करे।

परेरित 26:22

महज आइके दिनतक हम परमेस्‍वरसे सहायता पाइबिये रहलचियै। अहै खातिर हम अते ठार भ्‍याके छोटका-बरका सबके गबाही दैचियै। अगमबक्‍तासब आ मोसाके कहल बचन अबस्‍य पुरा हेतै से बातसबके अलाबा हम कोनो बात बेसीसे नै कहनेचियै।

युहन्‍ना 1:45

तकरबाद फिलिप नथानेलके भेटके कहल्‍कै, “हमरासबके उ भेटलै जकर बारे धरमसास्‍तरमे मोसाके बेबस्‍था आ अगमबक्‍तासब सेहो लिखने छेलै। उ योसेफके बेटा नासरतके येसु चियै।”

२ कोरन्‍थी 5:21

येसु खिरिस्‍टमे पाप नै छेलै, तैयो परमेस्‍वर अपनासबके खिरिस्‍टमे धरमी ठहराबैके लेल अपनासबके पाप खिरिस्‍टमे राइखदेल्‍कै।

१ कोरन्‍थी 1:30

परमेस्‍वरके कारन तुसब खिरिस्‍ट येसुमे चिही, परमेस्‍वर खिरिस्‍ट येसुके अपनासबके लेल बुधि, धरमी, पबितर आ पापसे छुटकरा दैबला बनाइल्‍कै।

रोमी 9:30

हमर कहैके बात यि चियै कि, गैर-यहुदीसब बेबस्‍था पालन कैरके परमेस्‍वरके नजरमे धरमी ठहरैले कोसिस नै करल्‍कै तैयो बिस्‍बास दुवारा धरमी ठहरलै।

रोमी 5:21

पहिने पापके सक्‍ती सब लोकसबके पाप करैले लगेल्‍कै आ मरलै। आब परमेस्‍वरके दयासे हमसब ओकर अगा धरमी ठहरैचियै आ अपनासबके परभु येसु खिरिस्‍ट दुवारा अनन्‍त जिबन पाबैछै।

परेरित 28:23

तकरबाद उसब पावलके बात सुनैके लेल दिनके निस्‍चित करल्‍कै आ उ निस्‍चित करलाहा दिनमे पहिनेके दिनसे बेसी लोक पावल रहल ठाममे भेटैले एलै। उ ओइसबके अनगुतसे ल्‍याके साँझ पहरतक बतेल्‍कै आ परमेस्‍वरके राजके बारेमे गबाही देल्‍कै आ मोसाके बेबस्‍था आ अगमबक्‍ताके किताबसे येसुके बारेमे कैहके बिस्‍बासमे लाबैके कोसिस करल्‍कै।

रोमी 3:28

बेबस्‍था पालन कैरके नै महज खिरिस्‍टमे बिस्‍बास कैरके मातरे परमेस्‍वरके अगा धरमी ठहराबैछै से बात हमसब जानैचियै।

२ कोरन्‍थी 3:9

जब दोसी ठहराबैबला बेबस्‍था महिमामय छेलै त कि धरमी ठहराबैबला काम ओइसे बेसी महिमामय नै हेतै?