रोमी 2:8 - मध्‍य पुरविया थारू

⁸ महज आपनेके मातरे परेम करैबला, सत बातके पालन नै करैबला आ खराब बातमे लागल रहैबला लोकसबमे परमेस्‍वरके करोध आ दन्‍ड परतै।

रोमी 2:8 Referans Kwoze

परकास 16:19

तब उ सहर टुकरा-टुकरा भ्‍याके तिन भाग भेलै आ सब देसके सहरसब नास भेलै। परमेस्‍वरके महान बेबिलोनके याद एलै आ आपन करोधसे भरल मध बाटीसे ओकरा पियैले देल्‍कै।

१ पतरुस 4:17

नियाय हैबला समय आइबगेल छै आ यि नियाय परमेस्‍वरके आपने लोकसबसे सुरु हेतै। हमरासबके नियाय हैछै त, परमेस्‍वरके सुसमाचार कहियो नै बिस्‍बास करैबलाके दसा केहन हेतै?

२ थेसलोनिकी 1:8

तब परमेस्‍वरके नै चिन्‍हैबलासब आ परभु येसुके सुसमाचारके नै मानैबलासबके सजाय देतै।

परकास 14:10

तकरा परमेस्‍वरके करोधके बाटीमे बिना मिलाबटके तयार करल परमेस्‍वरके करोधके करा दाखमध पियैले परतै। उसब पबितर स्‍वरगदुतसब आ थुमाके अगा आइग आ गन्‍धकमे कस्‍ट भोग्‍तै।

हिबरु 11:8

बिस्‍बास दुवारा अबराहम परमेस्‍वरके कहल मानल्‍कै आ जो कैहके कहल ठामदिसन गेलै, जे ठाम परमेस्‍वर ओकरा देबौ कैहके परतिग्‍या करने छेलै। कते जेबै कैहके ओकरा थाहे नै छेलै तैयो उ आपन देस छोइरके गेलै।

हिबरु 10:27

महज पाप करैबलासब डराइते परमेस्‍वरके इन्‍साफके असियाल रहतै आ परमेस्‍वर आपन बिरोधीसबके जरैत आइगमे नास करतै।

हिबरु 5:9

अनङकैरके परमेस्‍वर ओकरा सिध बनेलाके बाद ओकर आग्‍यापालन करैबला सबके लेल उ अनन्‍ततक रहैबला मुक्‍तीके मुल बन्‍लै।

तितस 3:9

महज बेरथके बात, बंसाबली, फुट लाबैबला आ धरम-नियमके झगरासबसे दुरे रह। कथिलेत यि काम नै लागैबला आ बेरथके बात चियै।

१ कोरन्‍थी 11:16

यदि कोइ अकर बारेमे बिबाद करैले चाहैछै त, हमरासबसङे यि बाहेक कोनो चलन नै छै, नै त परमेस्‍वरके मन्‍डलीसबमे छै।

रोमी 15:18

येसु खिरिस्‍ट हमर जिबनसे करल कामके बारेमे मातरे हम बोलैले साहस करैचियै। उ हमर काम आ परचारसे गैर-यहुदीसब परमेस्‍वरके आग्‍यापालन करैले सिखनेछै।

रोमी 10:16

महज सुनैबला लोकसब सुसमाचारके सुइकार नै करल्‍कै, कथिलेत यसैया अगमबक्‍ता कहैछै, “हे परभु, हमरासबके परचार करल सुसमाचारमे के बिस्‍बास करने छै से?”

रोमी 9:22

तहिनङे लोकसबसङे कनङ बेबहार करबै कहैबला बात त परमेस्‍वरके आपन इक्‍छाके बात चियै। आपन रिस आ सक्‍ती देखाइके ओकर आपन इक्‍छाके बात हैतोपरभी, उ नासके लेल तैयार करल लोकसबके सङे एकदम धिरज कैरके रहलै।

रोमी 6:17

परमेस्‍वरके धन्‍यबाद हेबे, तुसब एकचोटी पापके दास छेल्‍ही महज तुसब अखुन आपन परमेस्‍वरसे सिखाल सिक्‍छा हिरदयसे पालन करैचिही।

रोमी 1:18

परमेस्‍वर स्‍वरगसे आपन करोध पाप आ दुस्‍ट काम करैबला लोकसबके उपरमे परलछै। जेसब आपन दुस्‍ट कामसे सतके दबाके राखनेछै।

१ पतरुस 3:1

घरबालीसब, तुसब आपन-आपन घरबलासबके अधिनमे रह। एहेन करबिही त परमेस्‍वरके बचनमे बिस्‍बास नै करैबला घरबालासब तोरासबके असल चालचलन देखके बिस्‍बास करतौ। तोरासबके कुछो नै कहे परतौ,

२ कोरन्‍थी 12:20

कथिलेत हम तोरासबलग भेट करैले एबौ त हमर आस करल जखा नै हेबौ आ तोरासबके आस करल जखा हम नै हेबौ कि से हमरा डर लागल छै। तोरासबके बिचमे झगरा करैबला, डाह करैबला, रिस करैबला, आपने भलाइ चाहैबला, बदनाम करैबला, घमन्‍ड आ गोलमाल करैबलासब भेटतै कि कैहके हमरा डर लागल छै।

गलाती 5:20

मुरतिपुजा, जादु-टोना, दुस्‍मनी, झै-झगरा, रिस, आरिस, आपने भलाइ नै सोच, मनमोटाब, गुटबन्‍दी,

फिलिप्‍पी 1:17

डाह करैबलासब सुध मनसे नै महज हमरा जहलमे औरो दुख दैकेलेल स्‍वारथ बिचारसे खिरिस्‍टके परचार करैछै।

फिलिप्‍पी 2:3

आपन मातरे भलाइ नै खोज आ अहङकारमे कुछ नै कर, महज नमर्‌तामे एक दोसरके आपनसे बरका ठान।

याकुब 3:14

महज यदि तोरासबके मनमे जरनी आ स्‍वारथ छौ त आपन बुइधमे घमन्‍ड नै कर आ सतके झुठ नै बना।

याकुब 3:16

जते डाह आ स्‍वारथ छै, ओते गन्‍जागोल आ सब परकारके दुस्‍ट कामसब हैछै।