रोमी 2:4 - मध्‍य पुरविया थारू

⁴ या कि तु परमेस्‍वरके महान किरपा, सहनसिलता आ धिरजके तुच्‍छ सम्‍झैचिही? परमेस्‍वर आपन किरपासे तोरा पापसे पस्‍चाताप करैके मौका देनेछौ से बात कि तोरा थाह नै छै?

रोमी 2:4 Referans Kwoze

२ पतरुस 3:9

कोइ कोइ यि बिचार करैछै कि परमपरभु आपन करल परतिग्‍या पुरा करैले देर करैछै, महज कोइ नास नै हेबे बरु सबलोक आपन-आपन पापसे पस्‍चाताप करे कैहके उ धिरजसे असियालछै।

एफिसी 1:18

हम एहो परथना करैचियौ कि, तोरासबके हिरदयके आँख खुले आ कोन आसाके लेल उ तोरासबके बोलेल्‍कौ आ पबितर जनसबमे ओकर महिमीत उतराधिकारके सम्‍पैत कि चियै, से तुसब जानैले सक।

एफिसी 2:7

यि काम परमेस्‍वर अपनासबके येसु खिरिस्‍टमे करल असिम अनुगरह कतेक महान छै कैहके आबैबला सब दिनमे देखाइके लेल करल्‍कै।

एफिसी 1:7

ओकर महान अनुगरह अनुसार खिरिस्‍ट आपन लहु बहेलासे अपनासब उधार आ पाप छमा पाबनेचियै।

रोमी 3:25

परमेस्‍वर येसु खिरिस्‍टके अपनासबके पापके दन्‍डसे छुटकरा दैकेलेल बलिके रुपमे अइ सन्‍सारमे पठेल्‍कै। अपनासबके लेल येसु खिरिस्‍ट आपन लहु बहेल्‍कै कैहके बिस्‍बास करैबला लोकसब धरमी ठहरैछै। यि काम परमेस्‍वर आपन धारमिकता देखाबैके लेल करल्‍कै, कथिलेत उ आपनसबके पहिने करल पापके धियान नै देल्‍कै, कारन उ बहुत धिरजी छै।

२ पतरुस 3:15

परभु लोकसबके पापसबसे मुक्‍ती पाबे कैहके मौका दैले चाहैछै, ओहैसे उ कतहेक धिरजी चियै कैहके धियान दहै। अपनासबके पिरिय भाइ पावल सेहो परमेस्‍वरसे पाबने बुइधसे एह्‍या बातसब तोरासबके लिखने छेलौ।

रोमी 11:33

आहा! परमेस्‍वरके धन, ग्‍यान आ बुधि कतहेक महान छै! ओकर निरनय करल बातके बखान कोइ नै करैले सकैछै। ओकर काम करैबला तरिका कोइ नै बुझैले सकैछै।

रोमी 11:22

परमेस्‍वर कतहेक दयालु आ कठोर छै से दुनुबात बिचार कर। उ बिस्‍बास नै करैबलासबके लेल कठोर हैछै महज तुसब ओकर अनुगरहमे सरन लेब्‍ही त उ तोरासबके दया देखाइतौ। नै त तोरासब काइटके फेकल ठाइर जखा हेब्‍ही।

एफिसी 2:4

महज परमेस्‍वर जे किरपामे धनिक छै, उ अपनासबके बहौत परेम करल्‍कै आ महान दया देखाइल्‍कै।

२ पतरुस 3:3

सबसे पहिने तोरासबके यि बुझैले परतौ कि, अन्‍तके दिनमे अधलाह लोक आपन स्‍वारथ चाहना बाहेक औरो किछो नै सोच्‍तै। उसब तोरासबके खिसी करैत कहतौ,

१ पतरुस 3:20

उ आत्‍मासब पहिने परमेस्‍वरके आग्‍यापालन नै करल्‍कै जहिया नोआ पानी जहाद बनाबै छेलै। उसब आपन पापसे फिरतै कि कैहके धिरजकेसाथ परमेस्‍वर असियाल छेलै। जहादमे कमे लोक, अरथात आठ गोरे मातरे जल परलयसे बचल छेलै।

१ तिमोथी 6:17

अइ सन्‍सारमे धनिक भेल लोकसबके घमन्‍डी नै बन कैहके आग्‍या दहै। अनिस्‍चीत धन सम्‍पैतमे नै महज सब चिज परसस्‍तसे आपनसबके भोग करैले दैबला परमेस्‍वरमे भरोसा कर कैहके ओइसबके आग्‍या दहै।

फिलिप्‍पी 4:19

हमर परमेस्‍वर तोरासबके सब आबसेक्‍तासब पुरा कैरदेतौ। खिरिस्‍ट येसुमे भेल असिम भन्‍डारसे तोरासबके आबसेक्‍ता परल सबचिज पुरा कैरदेतौ।

परकास 3:20

देख, हम केबारके देहरीमे ठार भ्‍याके ढकढकाइबौ। कोइ हमर सोर सुनके केबार खोइलदेतै त, हम ओकर कते भितर एबै आ ओकरसङे भोजन खेबै आ उ हमरसङे भोजन खेतै।

१ तिमोथी 1:16

अहैकारनसे उ हमरा दया करल्‍कै आ पापीसबमेसे मुख पापी भेलापरभी हमरमे खिरिस्‍ट येसु आपन महान धिरज देखेल्‍कै ताकि पछा ओकरा बिस्‍बास करैबला आ अनन्‍त जिबन पाबैबलाके लेल हम एकटा उदाहरन बनी।

कलस्‍सी 1:27

यि महान रहसके बात गैर-यहुदीयो लोकसब बुझे कैहके परमेस्‍वरके योजना चियै। यि रहसके बात एह्‍या चियै, खिरिस्‍ट तोरासबमे बास करैछौ, जे गौरबके आसा चियौ।

रोमी 6:15

माइनले हमसब बेबस्‍थाके अधिनमे नै चियै, महज परमेस्‍वरके अनुगरहके अधिनमे चियै त, कि पाप करबै? कदापी नै।

रोमी 6:1

परमेस्‍वर अपनासबके पापसब छमा करैछै आ अपनासबके उपर अनुगरह देखाबैछै। तैल्‍याके अपनासब पाप कैरते रह कहबै त?

कलस्‍सी 2:2

हम अनङ करनेचियै ताकी ओइसबके हिरदयमे साहस मिले आ परेममे सङे जुरल रहे। अनङ हेतै त उसब आत्‍मिक रुपसे एकदमसे धनिक भ्‍याके परमेस्‍वरके रहसके ग्‍यान जे येसु खिरिस्‍ट चियै ओकरा पुरा रुपसे बुझैले सक्‍तै।

एफिसी 3:16

ओकर महान सम्‍पैत आ आत्‍मासे तोरासबके सक्‍ती मिले। उ सक्‍ती तोरासबके आत्‍म बल बरहैत जाए कैहके हम परमेस्‍वरसङे परथना करैचियौ।

एफिसी 3:8

खिरिस्‍टके पबितर जनसबमेसे हम सबसे तुच्‍छ चियै तैयो खिरिस्‍टके महान सम्‍पतीके सुसमाचार गैर-यहुदीसबके सुनाइबला बरदान परमेस्‍वर हमरा देल्‍कै।

रोमी 10:12

यहुदी आ गैर-यहुदी जातीमे कोनो फरक नै छै। उसबके एके परभु चियै आ ओकरा पुकारैबलासबके उ परसस्‍त कैरके आसिस दैछै।

२ कोरन्‍थी 8:2

उसब एकदम संकटके परिक्‍छामे रहितोपरभी परसस्‍त आनन्‍दित भेलै आ गरिबीमे सेहो उसब उदार चितसे भेटी देल्‍कै।

२ पतरुस 1:11

तब अपनासबके परभु आ मुक्‍ती दैबला येसु खिरिस्‍टके अनन्‍त राजमे तोरासबके धुम-धामसे स्‍वागत हेतौ।

परकास 2:21

हम ओकरा पस्‍चाताप करैले समय देलियै महज उ आपन बेबिचारसे पस्‍चाताप करैले इन्‍कार करल्‍कै।