रोमी 2:27 - मध्‍य पुरविया थारू

²⁷ तु यहुदीसबसङे लिखल बेबस्‍थाछौ आ तोरासबके खतना भेलछौ तैयो तुसब बेबस्‍था पालन नै करैचिही महज गैर-यहुदीसब खतनो नै कैरके बेबस्‍था पालन करैछै त तुसब स्‍वतह दोसी ठहरल जेब्‍ही।

रोमी 2:27 Referans Kwoze

२ कोरन्‍थी 3:6

ओह्‍या हमरासबके लया करारके सेबकसब बनैके लेल योग्‍य बनेल्‍कै। यि करार लिखीत बेबस्‍थाके नै महज पबितर आत्‍माके करार चियै। कथिलेकी पुरन्‍का लिखल बेबस्‍थाके करार त मिरतु लाबैछै, महज लया करारमे पबितर आत्‍मा त जिबन दैछै।

रोमी 8:4

बेबस्‍थाके कहल अनुसार हमसब चलैले सकी कैहके परमेस्‍वर अनङ करल्‍कै। आब हमसब आपन इक्‍छा अनुसार नै, महज पबितर आत्‍माके इक्‍छा अनुसार चलैचियै।

रोमी 2:29

साँचो यहुदी त हिरदयके भितरसे परमेस्‍वरके अगा सत ठहरैले परतै। तब साँचो खतना त देहके बाहरमे लगाइबला खतना नै महज परमेस्‍वरके आत्‍मा पाइबके हिरदय भितरेसे परिबरतन होनाइ चियै। एहेन लोक, लोकसबसे नै महज परमेस्‍वरसे आदर पाबैछै।

हिबरु 11:3

हमसब बिस्‍बास दुवारा यि बात बुझैले सकैचियै कि, सन्‍सारके सब बात परमेस्‍वरके बचनसे सिरिस्‍टी करल्‍कै आ जे देखल बातछै से अनदेखल चिजसे बन्‍लै।

गलाती 5:14

कथिलेत सब बेबस्‍थाके निचोर एकेटा आग्‍यामे पुरा हैछै, “आपन परोसियासबके आपने जखा परेम कर।”

रोमी 13:10

परेम करैबला आपन परोसियाके खराबी नै करैछै। तैखातिर परेम करनाइके मतलब बेबस्‍था पुरा करनाइ चियै।

रोमी 2:20

तुसब मुरुख लोकसबके सल्‍लाहकार तब परमेस्‍वरके बारेमे किछो नै जानैबलासबके सिक्‍छक चियै कैहके सोचैचिही, कथिलेत बेबस्‍थामे भेल सब बुइध आ सत बात पाबनेचियै कैहके दाबी करैचिही।

परेरित 13:22

तब साउलके हटाके परमेस्‍वर दाउदके रजा बनाइल्‍कै। दाउदके बारेमे परमेस्‍वर यि बात कहने रहै, ‘यिसैके बेटा दाउद हमर मन पसनके लोक चियै। उ हमर सब इक्‍छा पुरा करैछै।’

मतीके लिखल सुसमाचार 3:15

तब येसु युहन्‍नाके कहल्‍कै, “अखुन अहिनङे हेबे दियौ। कथिलेत अपनासबके खातिर एह्‍या उचित छै जे अहिनङे सब धारमिकताके पुरा करे परतै।” तब युहन्‍ना ओकर बात मानैले राजी भेलै।

रोमी 2:15

ओकरासबके हिरदयमे बेबस्‍थाके बातसब लिखलछै कैहके ओकरासबके चालचलनसे देखाबैछै। कथिलेत ओकरासबके बिबेकसे कोनोबेर आपनेके दोख लगाबैछै त कोनोबेर ठिक छै कहैछै।

रोमी 2:25

यदि तुसब बेबस्‍था पालन करैचिही त खतना करल फाइदा हेतौ। महज तुसब बेबस्‍था पालन नै करैचिही त, तुसब खतना नै करैबला लोकसब जखा चिही।

रोमी 2:26

यदि खतना नै करैबला लोक बेबस्‍था पालन करैछै त कि ओकरासबके खतना करल लोकसबके जखा परमेस्‍वर नै मान्‍तै से?

रोमी 3:30

कथिलेत परमेस्‍वर एकेटा छै। उ यहुदी आ गैर-यहुदी दुनुके बिस्‍बास दुवारा धरमी ठहराइछै।

१ कोरन्‍थी 7:19

कथिलेत खतना करनाइ या नै करनाइ बरका बात नै चियै, महज परमेस्‍वरके आग्‍यापालन करनाइ सबसे बरका बात चियै।

एफिसी 2:11

एक समय तुसब केहेन छेल्‍ही, से याद कर। तुसब गैर-यहुदी परिबारमे जलमल छेल्‍ही आ देहमे खतना भेल यहुदीसब तोरासबके खतना नै करल गैर-यहुदी लोक कहैछेलौ।

२ तिमोथी 3:15

तु छोटेसे पबितर धरमसास्‍तरमे लिखल बचनसे परिचीत चिही। ओहै बातसबसे खिरिस्‍ट येसुमे बिस्‍बास कैरके मुक्‍ती पाबैले ग्‍यान दैछौ।