रोमी 2:15 - मध्‍य पुरविया थारू

¹⁵ ओकरासबके हिरदयमे बेबस्‍थाके बातसब लिखलछै कैहके ओकरासबके चालचलनसे देखाबैछै। कथिलेत ओकरासबके बिबेकसे कोनोबेर आपनेके दोख लगाबैछै त कोनोबेर ठिक छै कहैछै।

रोमी 2:15 Referans Kwoze

२ कोरन्‍थी 5:11

परभुके डर कथि चियै कैहके हमरासबके थाहछै, ओहैसे हमसब लोकसबके सम्‍झाबैके कोसिस करैचियै। हमसब के चियै कैहके परमेस्‍वरके निकसे थाहछै आ हमर जिबन तोरासबके अगा खुलस्‍तछौ कैहके हम आस करैचियै।

तितस 1:15

सुध मन भेल लोकसबके लेल सब चिज सुध रहैछै। महज पतित आ अबिस्‍बासीसबके लेल कोनोभी चिज सुध नै रहैछै, कथिलेकी ओइसबके मन आ सोचबिचार असुध रहैछै।

२ कोरन्‍थी 1:12

अइ बातमे हमसब गर्‌भ करैचियै आ हमरासबके बिबेक सेहो साक्‍छी दैछै कि, अइ सन्‍सारमे बिसेस कैरके ओइसबसङे समबन्‍धमे हमसब इमान्‍दार आ परमेस्‍वरमे पबितर जिबन बितेलियै। यि हमसब सन्‍सारके ग्‍यानसे नै महज परमेस्‍वरके अनुगरहसे पाबनेचियै।

१ तिमोथी 4:2

एहेन सिक्‍छा झुठ बोलैबला कपटी लोकसबसे आबैछै। ओइसबके बुइध धिपल लोहासे दागल रहैछै।

रोमी 9:1

हमर कहल बात सत छै, झुठ नै, कथिलेत हम खिरिस्‍टके लोक चियै। पबितर आत्‍माके अधिनमे रहल हमर बिबेक हम झुठ नै बोलैचियै कैहके साक्‍छी दैछै।

परेरित 24:16

तै खातिर परमेस्‍वर आ लोकसबके नजरमे हम निरदोस रहैले चाहैचियै।

परेरित 23:1

तब पावल महासभा दिसन एकटक लग्‍याके ताकल्‍कै आ कहल्‍कै, “हौ भैयारीसब, हम आपन सुध मनसे परमेस्‍वरके नजरमे आइके दिनतक निरदोस जिबन बिताइने चियै।”

युहन्‍ना 8:9

ओकर यि बात सुइनके पहिने बुढवासबसे ल्‍याके छोटकातक एक-एक कैरके ओतेसे चैलगेलै। अन्‍तमे ओते येसु असगरे रैहगेलै आ उ जनी ओकर अगा ठार भ्‍याल रहलै।

रोमी 2:14

गैर-यहुदीसबसङे बेबस्‍था नै छै महज उसब आपने बिबेकसे बेबस्‍था अनुसार करैछै। अइसे यि देखाबैछै कि ओकरासबके हिरदयमे बेबस्‍था छै।

रोमी 2:27

तु यहुदीसबसङे लिखल बेबस्‍थाछौ आ तोरासबके खतना भेलछौ तैयो तुसब बेबस्‍था पालन नै करैचिही महज गैर-यहुदीसब खतनो नै कैरके बेबस्‍था पालन करैछै त तुसब स्‍वतह दोसी ठहरल जेब्‍ही।