33 सान्ती दैबला परमेस्वर तोरासबसङे रहे। आमेन।
अन्तमे हमर पिरिय भाइ-भैयासब, आब हम बिदा हैत बेर, तोरासबके यि कहैले चाहैचियौ, कि जीजानसे सिध हैले कोसिस कर। हमर बिन्ती सुन, एक-दोसरके बात सुन आ सान्तीमे रह। सान्ती आ परेम दैबला परमेस्वर तोरासबसङे रहे।
तुसब जे बात हमरसे सिखलिही, गरहन करलिही, सुनलिही आ हमरमे देखलिही, ओहिनङे कर तब सान्तीके परमेस्वर तोरासबसङे रहतौ।
अपनासबके सान्ती दैबला परमेस्वर आपनेसे हरतरहसे तोरासबके पबितर राखे आ अपनासबके परभु येसु खिरिस्ट नै आबैतक तोरासबके आत्मा, परान, देह निरदोस रहे से हमर आसा चियै।
भेंरासबके महान चरबाहा अपनासबके परभु येसु आपन लहु बहाके सबदिन रहैबला करार बान्हनेछै। ओहै लहुके आधारमे सान्ती दैबला परमेस्वर ओकरा मिरतुसे फेनसे जियाइल्कै।
आब सान्ती दैबला परभु आपनेसे हरघरी आ हरतरहसे तोरासबके सान्ती देबे। परभु तोरासबगोरा सङे रहे।
सान्ती दैबला परमेस्वर जल्दिए सैतानके तोरासबके टाङके तरमे मिसरेतौ। अपनासबके परभु येसु खिरिस्टके अनुगरह तोरासबसङे रहे।
परभु येसु खिरिस्टके अनुगहर, परमेस्वर पिताके परेम आ पबितर आत्माके संगति तोरासबके सङे हैतरहे।
कथिलेत परमेस्वर गोलमालके परमेस्वर नै चियै, महज सान्तीके परमेस्वर चियै। जनङ सब मन्डलीमे भेल्हा सन्तसबके तौरतरिका अनुसार परमेस्वरके बिस्बासीसबमे छै।
परभु तोहर आत्मामे बास करैत रहे। तोरासबके उपर परमेस्वरके अनुगरह बनल रहे।
हमरा आ पुरे मन्डलीके आपन घरमे स्वागत करैबला गायस सेहो तोरासबके गोरलगी कहनेछौ। यि सहरके कोसाध्यक्छ इरास्तस आ अपनासबके भाइ क्वारटस सेहो तोरासबके गोरलगी पठाइनेछौ।
हम तोरासबके आग्या करल सब बात मानैले ओकरासबके सिखा। देख, हम युगके अन्ततक सबदिन तोरासबके सङे चियौ।”
“देख, कुमाइर छौरीके देहभारी हेतौ आ उ एकटा बेटा जलमाइतौ आ ओकर नाम इम्मानुएल राखल जेतै” जकर अरथ हैछै, “परमेस्वर हमरासबसङे छै।”
सब बिस्बासी भाइ-भैयारीसबके परमेस्वर पिता आ अपनासबके परभु येसु खिरिस्ट सान्ती, परेम आ बिस्बास देबे।
