रोमी 15:30 - मध्‍य पुरविया थारू

³⁰ पिरिय भाइ-भैयासब, अपनासबके परभु येसु खिरिस्‍ट आ पबितर आत्‍माके देल परेमके कारन हमर दुखमे सहायता करैले हमरसङे परमेस्‍वरसे सबदिन परथना कर कैहके तोरासबसे बिन्‍ती करैचियौ।

रोमी 15:30 Referans Kwoze

कलस्‍सी 4:12

तोरासबके एकटा भाइ, खिरिस्‍ट येसुके दास इपाफरास सेहो गोरलगी पठाइनेछौ। उ तोरासबके खातिर हरदम जोरतोरसे परथनामे सम्‍झैत रहैछौ ताकी तुसब बलगर हो आ परमेस्‍वरके सब इक्‍छा पुरा रुपसे मानैले सक।

२ कोरन्‍थी 1:11

तुसब परथनासे हमरासबके सहायता करेपरतौ। अहिनङ बहौत लोकके परथनाके उतरके रुपमे हमसब जे आसिस पाबनेचियै, तकर लेल बहुतो लोक परमेस्‍वरके धन्‍यबाद चरहाइतै।

१ थेसलोनिकी 5:25

भाइसब, हमरोसबके लेल परथना करैतरह।

२ कोरन्‍थी 4:11

अपनासबके यि मरैबला देहमे येसुके जिबन देखा परे कैहके हमसब जिबित रहितो ओकरलेल सबदिन मिरतुके मुहमे परैत रहैचियै।

२ थेसलोनिकी 3:1

अन्‍तमे हमर भाइसब, हमरासबके लेल परथना करैतरह, ताकि परभुके बचन तोरासबके बिचमे फैलल जखा जल्‍दीसे फैले आ अकर आदरकेसाथ सुइकार हेबे।

फिलिप्‍पी 2:1

यदि खिरिस्‍टमे रहलाके कारन तुसब कुछ उत्‍साह पाबनेचिही, या ओकर परेमसे तुसब कुछ सानत्‍वना पाबनेचिही, या पबितर आत्‍माके संगती पाबनेचिही, या एक दोसरसङे परेम आ दया करैचिही त,

कलस्‍सी 2:1

हम तोरासबके लेल, लाउडिकियामे रहल मन्‍डलीके लेल आ हमर मुहो नै देखने बिस्‍बासीसबके लेल मैर-मैरके काम करनेचियै से बात तुसब जान कैहके हमर इक्‍छाछै।

२ कोरन्‍थी 4:5

हमसब आपने बारेमे परचार नै करैचियै, महज येसुके खातिर हमसब तोरासबके सेबक भ्‍याके, येसु खिरिस्‍टे परभु चियै कैहके परचार करैचियै।

२ तिमोथी 4:1

परमेस्‍वर आ खिरिस्‍ट येसुके अगा, जे आपन राज अस्‍थापना करैले एतै आ उ जियल आ मरल सबके नियाय करतै, तै बातके धियानमे राइखके हम तोरा करा आग्‍या दैत कहैचियौ कि

कलस्‍सी 1:8

पबितर आत्‍मा तोरासबके देल परेमके बारेमे इपाफरास हमरासबके सुनाइने छै।

एफिसी 6:19

हमरो खातिर परथना कर। जखुन हम बाजैके लेल आपन मुह खोल्‍बै तखुन परमेस्‍वर हमरा बचन देबे आ हम निडर भ्‍याके सुसमाचारके रहस दोसरके बुझ्‍हाबे सकी।

गलाती 5:22

महज पबितर आत्‍माके फलसब- परेम, आनन्‍द, सान्‍ती, धिरज, दया, भलाइ, बिस्‍वस्‍तता,

२ कोरन्‍थी 12:10

ओहैसे खिरिस्‍टके खातिर कमजोरीमे, बदनामीमे, कठिनाइमे, सताबटमे, आपत-बिपतमे हम सन्‍तुस्‍ट चियै। कथिलेकी जब हम कमजोर हैचियै, तब हम सक्‍तिसाली हैचियै।