रोमी 14:8 - मध्‍य पुरविया थारू

⁸ चाहे अपनासब जिबै त परभुवेके लेल जिबै आ चाहे मरबै त परभुवेके लेल मरबै। तैल्‍याके अपनासब जिबै आ मरबै परभुवेके लेल चियै।

रोमी 14:8 Referans Kwoze

फिलिप्‍पी 1:20

हमर उटकट इक्‍छा आ आसा यि चियै कि हम कहियो लज्‍जित नै हेबै महज हमरमे परसस्‍त साहस हेतै। चाहे हम बाच्‍बै या मरबै सबदिन जखा अखुनो हमर जिबनसे खिरिस्‍ट सम्‍मानित हेबे।

१ थेसलोनिकी 5:10

परभु येसु आपनसबके खातिर अइलेल मरलै कि उ फेनसे आबैबखत अपनासब जिते हेबे चाहे मरल हेबे ओकरेसङे जिबन जियैले सकब।

१ कोरन्‍थी 15:23

महज हरेक लोक आपन-आपन पालमे जीके उठतै। सबसे पहिने खिरिस्‍ट जीके उठतै, तकरबाद खिरिस्‍ट फेर एतै तखैन ओकरमे बिस्‍बास करैबला सबकोइ जीके उठतै।

परेरित 21:13

महज पावल कहल्‍कै, “तुसब कथिले काइनके हमर मनके तोरैचिही? हम त यरुसलेममे बन्‍हाइले मातर नै, महज हम त परभुके लेल मरैयोले तैयार चियै।”

परकास 14:13

तब स्‍वरगसे हम एकटा एहेन अबाज सुनलियै, “यि बात लिख: आबसे परभुके सेबा करैत-करैत मरैबला लोक धन्‍यके चियै।” पबितर आत्‍मा अनङ जबाफ देल्‍कै, “साँचेके! उसब आपन आपन मेहनतसे आराम पाबतै, कथिलेत उसब आपन करल काम अनुसार इनाम पाबतै।”

फिलिप्‍पी 2:17

यदि तोरासबके बिस्‍बाससाथ करल सेबाके कामके खातिर हमरा लहु बहाबैले परतै तैयो हम खुसिसे बहेबौ आ तोरेसबसङे आनन्‍द मनाइबौ।

परेरित 20:24

महज हम आपन जिबनके कोनो मोलके नै मानैचियै। अतबेहेक मातर चाहैचियै कि, परमेस्‍वर लोकसबके अनुगरह देने छै से सुसमाचार करैले हम अन्‍ततक दौरबरहा करी आ परभु येसुसे मिलल सेबाके काम पुरा करेसकी।

फिलिप्‍पी 2:30

कथिलेकी उ खिरिस्‍टके काम करैके लेल मिरतुके मुहमे परल छेलै। तुसब हमर लेल पुरा करैले नै सकल सेबा उ पुरा करल्‍कै।

परेरित 13:36

“यि बात दाउद उ आपने बारेमे नै कहने रहै, कथिलेत ओकर जिबनमे परमेस्‍वरके इक्‍छा अनुसार काम कैरके उ मरलै आ आपन पुरखासब जरे गारलगेलै आ ओकर देह सैर गेलै।

युहन्‍ना 21:19

(केहैन मिरतुसे उ परमेस्‍वरके महिमा करतै कैहके संङकेत करैत येसु यि बात कहल्‍कै।) अतहेक कहैत उ ओकरा कहल्‍कै, “हमर पछा चल।”

लुका 20:38

उ मरल लोकसबके परमेस्‍वर नै चियै, उ त जियलसबके परमेस्‍वर चियै, कथिलेत उ सबके लेल जियल छै।”