रोमी 14:14 - मध्‍य पुरविया थारू

¹⁴ परभु येसुमे बिस्‍बास कैरके हम यि बात पक्‍का जानैचियै कि, खाइबला कोनो चिज आपनेमे असुध नै रहैछै। महज जे लोक असुध माइनके खाइछै, उ ओकरलेल असुधे हैछै।

रोमी 14:14 Referans Kwoze

तितस 1:15

सुध मन भेल लोकसबके लेल सब चिज सुध रहैछै। महज पतित आ अबिस्‍बासीसबके लेल कोनोभी चिज सुध नै रहैछै, कथिलेकी ओइसबके मन आ सोचबिचार असुध रहैछै।

रोमी 14:2

कोइ-कोइ बिस्‍बासी सबचिज खाइले हैछै कैहके बिस्‍बास करैछै, महज बिस्‍बासमे कमजोर भेल्‍हा लोक सागपात मातरे खाइले हैछै कैहके बिस्‍बास करैछै।

१ कोरन्‍थी 8:7

महज सब बिस्‍बासी लोकके यि ग्‍यान नै हैछै। ओकरासबके मुरतिपुजाके आदत भेलाके कारन अखुन्‍तो मुरुतिके चरह्‍याल चिज खाइछै त साँचोके मुरुतिके चरह्‍याल चिज खाइचियै कैहके ठानैछै। ओइसबके मनमे एहेन गलत बिचार भेलाके कारन उ खेलासे “हम असुध भेलियै” कैहके ठानैछै।

१ तिमोथी 4:4

परमेस्‍वरके सिरिस्‍टी करल सब चिज एकदम असल छै। अपनासब परमेस्‍वरके धन्‍यबाद द्‍याके लैचियै त इन्‍कार करैबला कोनो चिज नै छै।

१ कोरन्‍थी 8:10

यदि कोनो कमजोर बिस्‍बास भेल लोक तोरासब जखा ग्‍यान भेल लोकके मन्‍दिरमे मुरुतिके चरह्‍याल चिज खाइत देख्‍तौ त, ओकरा मुरुतिके चरह्‍याल चिज खाइले साहस मिल्‍तै महज ओकरा आपने मन दोख लगाइतै।

परेरित 10:28

पतरुस ओइसबके कहल्‍कै, “तोरासबके थाहे छौ कि, आन जातीसबसे सङहत करनाइ, ओइसबसङे भेटघाट करनाइ यहुदीके लेल अनुचित बात चियै। तैयो परमेस्‍वर हमरा कोनो लोकके अपबितर आ असुध नै बुझहैकेचाही से देखाइनेछै।

१ कोरन्‍थी 10:25

मासुके दोकानमे कथी बेचैछै, बिबेकके खातिर कोनो सबाल नै कैरके खो।

रोमी 14:23

महज जे कोइ सङका कैरके खाइछै त, उ दोसी ठहरैछै, कथिलेत बिस्‍बास बिनाके करल सबकाम पाप चियै।

रोमी 14:20

खाइबला चिजके कारन परमेस्‍वरके कामके नास नै कर। सब चिज खाइले हैछै महज औरो लोकके बाधा हैबला हिसाबसे खेनाइ खराब चियै।

मरकुस 7:2

तखुन्‍ते येसुके कुछ चेलासब असुध हाथ, अरथात नै धुवाल हाथसे भोजन करैत उसब देखल्‍कै।