रोमी 14:1 - मध्‍य पुरविया थारू

¹ बिस्‍बासमे कमजोर भेल्‍हा लोकसबके सुइकार कर आ उसब जे बिचार करने छै, तैमे दोस लग्‍याके ओइसबसङे तरक नै कर।

रोमी 14:1 Referans Kwoze

रोमी 15:1

अपनासब बिस्‍बासमे बौकार भेल लोकसब आपने मातरे खुसी नै बल्‍की बिस्‍बासमे कमजोर भेल लोकसबके धिरजसाथ सहायता करैले परतौ।

१ कोरन्‍थी 9:22

हम कमजोर लोकसबके बिचमे काम करैबखत उसब खिरिस्‍टमे बिस्‍बास करे कैहके हम्‍हु कमजोर भेलियै। हम सबके लेल सबकुछ बैन गेलियै ताकि हरतरहसे लोकसबके खिरिस्‍टमे बचाबैले सकी।

रोमी 15:7

जहिनङ खिरिस्‍ट परमेस्‍वरके महिमाके खातिर तोरासबके सुइकार करनेछौ तहिनङे तुहुसब एक-दोसरके सुइकार कर।

रोमी 14:21

यदि तोहर भाइके तोहर खाइबला मासु, तोहर पियैबला निसा चिज या तोहर करैबला औरो कोनो कामसे समस्‍या लाबैछैत, तोरा ओइसबके छोरनाइ असल हेतौ।

२ युहन्‍ना 1:10

यदि कोनो लोक तोरासबलग आइबके एहैन सिक्‍छा नै सिखाइछौ त ओइसबके देहरीयोमे टपैले नै दहै आ गोरलगीयो नै कर।

रोमी 4:19

अबराहमके उमेर लगभग सय बरिस पुगल छेलै आ उ जानैत रहलै कि हमर यि देहसे आब किछो नै हेतै आ उ यिहो जानैछेलै कि साराके बच्‍चा जलमाइले असम्‍भवछै। तैयो उ बिस्‍बासमे कमजोर नै भेलै।

लुका 17:2

जे छोटसे-छोट लोकसबके पाप करैले लगाइछै तकर घेंचमे जाँत बाइन्‍हके समुन्‍दरमे फेक देनाइ ओकरलेल असल हेतै।

मतीके लिखल सुसमाचार 14:31

तब येसु तुरन्‍त आपन हाथ बरहाके पकैर लेल्‍कै आ कहल्‍कै, “हे बिस्‍बासमे कम भेल्‍हा, तु कथिले संखा करलिही?”

मतीके लिखल सुसमाचार 12:20

नै त उ सरल नरकटके तोरतै आ नै मिरी-मिरी बरैबला डिबियाके बुतेतै। अन्‍तमे उ नियाइके जितमे पुगेतै।

फिलिप्‍पी 2:29

परभुमे ओकरा भाइ समैझके खुसिसाथ स्‍वागत कर आ एहेन लोकसबके आदर करैले परैछै।

युहन्‍ना 13:20

साँचोके हम तोरासबके कहैचियौ, जे हमर पठेल्‍हा लोकके सुइकार करैछै, उ हमरा सुइकार करैछै आ जे हमरा सुइकार करैछै, उ हमरा पठाइबलाके सुइकार करैछै।”

मतीके लिखल सुसमाचार 18:10

“होसियार रह, यि छोट बच्‍चासबमेसे ककरो तुसब निच नै समझ। कथिलेत हम तोरासबके कहैचियौ, उसबके देखभाल करैबला स्‍वरगदुतसब स्‍वरगमे रहैबला हमर पिताके अगामे रहैछै।

मरकुस 7:19

उ त ओकर हिरदयमे नै महज पेटमे ज्‍याके बाहर निकैल जाइछै।” (अहिनङे येसु सब खाइबला खानाके सुध चियै कैहके समझेल्‍कै।)

परेरित 28:2

ओतेका निबासी लोकसब एकदम हमरासबके दया देखेल्‍कै। ओहै बखत पानी पैररहल छेलै आ जार हेबे लाग्‍लै, तब उसब हमरासबके लेल आइग बाइरके तापैले बोल्‍याके स्‍वागत करल्‍कै।

रोमी 11:15

कथिलेत इजराएलीसब परमेस्‍वरके असुइकार करलासे सन्‍सारके लोकसबके ओकरसङे मिलाप भेलै त, ओकरासबके आपन बनाइतै त झन कतहेक निक हेतै! यि त मरलसे जिबित भेल जखा हेतै।

रोमी 14:2

कोइ-कोइ बिस्‍बासी सबचिज खाइले हैछै कैहके बिस्‍बास करैछै, महज बिस्‍बासमे कमजोर भेल्‍हा लोक सागपात मातरे खाइले हैछै कैहके बिस्‍बास करैछै।

रोमी 14:3

जे लोक सब चिज खाइछै, उ सागपात खाइबलासबके घिरना नै करे। तहिनङे सागपात खाइबलासब नै खाइबलाके दोस नै लगाबे। कथिलेत परमेस्‍वर दुनुके सुइकार करने छै।

१ थेसलोनिकी 5:14

देख हमर भाइ-भैयासब, कोढिया लोकसबके चेताबनी दहै, हरेस खाल लोकसबके साहस दहै, कमजोर लोकसबके मदत कर आ सबगोरासे सैहके रह कहैके हमसब तोरासबके बिन्‍ती करैचियौ।

हिबरु 5:14

ठोस भोजन खाइबला परिपक्‍क लोक रहैछै। उसब दिमागके निरन्‍तर अभ्‍यास दुवारा असल आ खराब छुटियाबे सकैबला भेल रहैछै।