रोमी 13:7 - मध्‍य पुरविया थारू

⁷ तोरासबके तिरैबला चिज सबके तिरदहै। कर तिरैबलाके कर, महसुल तिरैबलाके महसुल, आदर करैबलाके आदर, इज्‍जत करैबलाके इज्‍जत कर।

रोमी 13:7 Referans Kwoze

लुका 20:25

तब येसु ओइसबके कहल्‍कै, “तै खातिर जे कैसरके चियौ, से कैसरके दहै आ जे परमेस्‍वरके चियौ से परमेस्‍वरके दहै।”

मतीके लिखल सुसमाचार 17:25

उ कहल्‍कै, “हँ, तिरैछै।” तकरबाद पतरुस घर भितर गेलै आ येसु ओकरा पुछल्‍कै, “हे सिमोन, तु कथी बिचार करैचिही? अइ सन्‍सारके रजासब ककरसे बटी उठाबैछै? आपने बेटासबसे कि औरो लोकसबसे?”

१ तिमोथी 5:17

असलसे मन्‍डलीके देख-भाल करैबला अगुवासबके दोबर आदरके योग्‍य हैछै आ बिसेस कैरके जे अगुवासब बचन परचार आ सिखाबैबला काममे मेहनत करैछै।

मतीके लिखल सुसमाचार 22:21

उसब येसुके कहल्‍कै, “यि त रोमी सरकारके चियै।” तब येसु कहल्‍कै, “तैखातिर जे सरकार के चियै से सरकारके दहै आ जे परमेस्‍वरके चियै से परमेस्‍वरके दहै।”

एफिसी 6:5

हे नोकर-चाकरसब, जनङ खिरिस्‍टके सेबा करैचिही तैहनङे इमान्‍दारी साथ तुसब यि सन्‍सारके मालिकसबके आदर कर आ डर राइखके ओकरासबके कहलहा बात मान।

१ पतरुस 3:7

तहिनङे घरबलासब, आपन-आपन घरबालीसबसङे बिचारसिल भ्‍याके रह आ ओइसबके अबला माइनके आदर कर। मनमे याद राख कि तोहरे जखा अनन्‍त जिबनके बरदानमे सहभागी छौ। अनङ करबिही त तोरासबके परथनामे कोनो किसिमके बाधा नै परतौ।

१ तिमोथी 6:1

मालिकके अधिनमे रहैबला सब दास आपन मालिकके पुरा आदर करैले परतै, ताकि कोइ नै परमेस्‍वरके नाम आ अपनासबके देल सिक्‍छाके बदनाम करे सक्‍तै।

एफिसी 5:33

चाहे जे हेबे, तुसब आपन-आपन घरबालीसबके आपने जखा परेम करे परतौ आ घरबालीयोसब आपन-आपन घरबलाके आदर करे परतौ।

लुका 23:2

उसब येसुके दोस लगाइत कहल्‍कै, “यि लोक आपनौरके रास्‍टके लोकसबके बहक्‍या रहल हमरासबके भेटलै। यि रोमी सरकारके बटी नै दहै आ उ आपनके हम खिरिस्‍ट आ रजा कहैछै।”

मरकुस 12:17

तब येसु उसबके कहल्‍कै, “तै खातिर जे कैसरके चियै से कैसरके दहै आ जे परमेस्‍वरके चियै से परमेस्‍वरके दहै।” यि बात सुइनके उसब आस्‍चरजमे परलै।

१ तिमोथी 5:13

उसब अङने-अङने चलैबला आदत पैरके कोरनी आ चुगली लगाइबाली हैछै। ओतबे नै उसब नै बाजैबला बातसब बतियाइछै आ दोसरके काममे टाङ अराबैबाली हैछै।

लुका 20:22

आब हमरासबके कहु, हमसब यहुदीके नियम अनुसार रोमी सरकार कैसरके कर तिरबै से उचित छै, कि नै?”

रोमी 12:10

एक-दोसरके आपने भाइ-भैया जखा परेम कर। अपनासे बेसी दोसरके आदर कर।

रोमी 13:6

ओहैसे तुसब कर तिरैचिही, कथिलेत सासकसब आपन जिम्‍मेबारी पुरा करैले परमेस्‍वरके सेबाके काममे लागल रहैछै।