रोमी 13:12 - मध्‍य पुरविया थारू

¹² रात बितगेलै आ दिन नजदिक आइबगेल छै। तैल्‍याके अपनासब अन्‍हारमे करैबला खराब काम छोइरके इजोतमे करैबला असल काम करैले तैयार रह।

रोमी 13:12 Referans Kwoze

एफिसी 5:11

अन्‍हारमे काम नै लागैबला कामसबमे सहभागी नै हो। बरु उ काम खराब छै कैहके देख्‍यादहै।

२ कोरन्‍थी 6:7

सत खबर परचार कैरके परमेस्‍वरके सक्‍तीसे हमसब काम करैचियै। लराइ करैबला हाथ-हथियार देहना हाथमे आ आपनके रक्‍छा करैबला हाथ-हथियार बमा हाथमे बोकैचियै। उ एकेटा हाथ-हथियार धारमिकता चियै।

याकुब 1:21

अहै खातिर सब एहेन अधलाह आचरन आ नै निक बानी बेबहारसे अलग हो। नम्‌र भ्‍याके तोरौरके हिरदयमे राखल परमेस्‍वरके बचनके आपन बना कथिलेत ओहैसे तोरौरके उदार कैरसकैछौ।

एफिसी 4:22

तोरासबके पुरन्‍का जिबन आपने खराब इक्‍छाके कारनसे नस्‍ट हैतरहौ। तैखातिर तुसब आपन पुरन्‍का जिबन तियाइदहै।

रोमी 13:14

महज येसु खिरिस्‍टके स्‍वभाबके धारन कर आ पापी स्‍वभाबके इक्‍छा पुरा करैबला बातमे धियान नै दहै।

परकास 22:10

तब उ हमरा एहैन कहल्‍कै, “यि किताबके अगमबानीसब घोसाइरके नै राख, कथिलेत यि सब पुरा हैबला समय नजदिक चैलएल छै।

१ पतरुस 2:1

अहैलेल तुसब दुस्‍टतासे, छल-कपटसे, सब डाहसे आ सब निन्‍दासे दुरे रह।

परकास 1:3

उ धैनके चियै, जे अगमबानीके यि बचनसब जोरसे अबाज निकालके परहैछै, सुनैछै आ ओइमे लिखल बातके पालन करैछै, कथिलेकी यि बात पुरा हैबला समय लगचियागेलछै।

१ कोरन्‍थी 7:29

हे हमर भाइ-भैयासब, हमर कहैके मतलब यि चियै कि, समय एकदम कम छै। आबसे घरबाली हैबलासब घरबाली नै भेलसब जखा रहे।

१ कोरन्‍थी 10:11

यि सब घटनासब अपनासबके खातिर उदाहरन हेबे कैहके अपनासबके चेताबनीके लेल लिखल गेलै। आब हमसब अइ सन्‍सारके अन्‍तके समयमे आइबगेल चियै।

२ कोरन्‍थी 10:4

हमरासबके हाथ-हथियार त सन्‍सारके नै छै, महज हमरासबसङे परमेस्‍वरके सक्‍तिसाली हाथ-हथियार छै, जै हाथ-हथियारसे सैतानके सक्‍तिके खतम कैरदैछै आ बेकारके बाद-बिबादके नास कैरदैछै।

एफिसी 5:8

पहिने तुसब अन्‍हारमे छेल्‍ही महज आब परभुके लोक भेलाके कारन इजोतमे चिही। तैखातिर तुसब इजोतके धियापुतासब जखा बेबहार कर।

हिबरु 10:25

कतहेक लोकके सङगतीमे जाइके बानी नै रहैछै, महज अपनासब एकसाथ भेला हैले नै छोर। महज तुसब परभु आबैबला दिन नजदिक आइबरहल देखलाके कारनसे एक-दोसरके औरो हौसला दहै।

हिबरु 12:1

अहैलेल अतहेक बरका साक्‍छीके भिर अपनासबके चारुदिसन भेलाके कारनसे सब परकारके बाधा आ असान तरिकासे ओझराइबला पापसबके हटाके धिरजसाथ दौरैले परतै।

याकुब 5:8

तहिनङे तुहुसब धिरज राख, हिम्‍मत नै हार। कथिलेकी परभुके आबैबला दिन लगचिया गेलछै।

१ पतरुस 4:7

सब चिजके अन्‍त हैके समय चैल एलछै। ओहैसे तुसब आपन मनके सुध आ आपनेके बसमे राख ताकी तुसब असलसे परथना करे सक।

२ पतरुस 3:9

कोइ कोइ यि बिचार करैछै कि परमपरभु आपन करल परतिग्‍या पुरा करैले देर करैछै, महज कोइ नास नै हेबे बरु सबलोक आपन-आपन पापसे पस्‍चाताप करे कैहके उ धिरजसे असियालछै।

२ पतरुस 3:11

यि सब चिज अनङ नास हेबे लागलछै त, तुसब केहेन लोक हैकेचाही? तोरासबके जिबन पबितर आ परमेस्‍वरमे समरपित हेबे परतौ।

१ युहन्‍ना 2:18

हमर पिरिय धियापुतासब, यि अन्‍तिम घरी चियै। खिरिस्‍ट बिरोधी आबैबला छै से तुसब सुन्‍नेचिही। खिरिस्‍टके बहौत बिरोधीसब त आइबगेल छै। तहैसे अपनासब यि अन्‍तिम घरी चियै से बात जानैचियै।