रोमी 13:1 - मध्‍य पुरविया थारू

¹ सबलोक सासन करैबला सासकसबके अधिनमे रहैले परतौ, कथिलेत परमेस्‍वर ओइसबके सासन करैबला अधिकार देनेछै। ओइसबके परमेस्‍वरे छान्‍नेछै।

रोमी 13:1 Referans Kwoze

तितस 3:1

सासक आ अधिकारीसबके अधिनमे रैहके ओइसबके बात माने परैछै कैहके आपन बिस्‍बासीसबके सिखा। भलाइके सब काममे हरदम तैयार रहेपरैछै कैहके सम्‍झा-बुझ्‍हा।

युहन्‍ना 19:11

येसु जबाब देल्‍कै, “यदी परमेस्‍वर अहाँके कोनो अधिकार नै देने रहतियौ त हमर उपर अहाँके कोनो अधिकार नै रहतियै। तै खातिर हमरा तोहर हाथमे सोपै बलासब औरो बेसीसे पापके भागिदार हेतै।”

यहुदा 1:8

ओहिनङे तोरासबके बिचमे सामेल भेल्‍हासब ओहिनाइतेछै। उसब आपन सपनाके पछा लाइगके आपन देहके असुध बनाइछै, परमेस्‍वरके अधिकारके इन्‍कार करैछै, स्‍वरगके परानिसबके अपमान करैछै।

एफिसी 5:21

तुसब खिरिस्‍टके आदर करलाके कारनसे एक-दोसरके अधिनमे रह।

परकास 19:16

ओकर बस्‍तर आ जाङमे “रजासबके रजा आ परभुसबके परभु” कैहके लिखल छेलै।

परकास 1:5

बिस्‍बास योग्‍य साक्‍छी आ मिरतुसे सबसे पहिन्‍का बेर जिबित भेल सन्‍सारके रजा सबके रजा, येसु खिरिस्‍टके तरफसे तोरासबके अनुगरह आ सान्‍ती मिले। उ अपनासबके परेम करैछै आ आपन लहुसे अपनासबके पापसे छुटकरा देनेछै।

परकास 17:14

उसब थुमाके बिरोधमे लराइ करतै महज थुमा आपनसङे बोल्‍याल, छानल आ बिस्‍बास योग्‍यसबके ल्‍याके ओकरासबके जित्‍तै कथिलेत उ परभुसबके परभु आ रजासबके रजा चियै।

मतीके लिखल सुसमाचार 6:13

हमरासबके पापमे फसाइबला बातसबसे दुर राखु आ दुस्‍टसे बचाबु। [कथिलेत राज, पराकरम आ महिमा जुगो-जुग तक अहैके चियै, आमेन।’]

परेरित 2:41

तब जे-जे ओकर बातमे बिस्‍बास करल्‍कै, सेसब बप्‍तिस्‍मा लेल्‍कै आ ओहै दिन करिब तिन हजार लोक बिस्‍बासीसबके समुहमे थपेलै।

रोमी 12:21

खराब बातसे हार नै मान महज खराब बातके भलाइसे जित।

रोमी 13:2

तैल्‍याके जे सासकसबके बिरोध करतै उ परमेस्‍वरके बिरोध करतै। जे कोइ बिरोध करतै उसब दन्‍ड पाबतै।

१ तिमोथी 2:2

रजा आ हाकिमसबके लेल परथना कर ताकि हमसब सुख सान्‍तीसे परमेस्‍वरके भक्‍ति करे आ आदरके जिबन बिताबे सकी।