रोमी 12:8 - मध्‍य पुरविया थारू

⁸ जकरसङे अरति-उपदेस दैबला बरदान छै त, अरति-उपदेस दैबला काम करे, दान दैबला बरदान पाबलहासब खाचोमे परलहासबके उदार-चितसे दान देबे, अगुवाइ करैबला पुरा मन लग्‍याके अगुवाइ करे, दया करैबला खुसिसाथ लोकसबके दया करे।

रोमी 12:8 Referans Kwoze

२ कोरन्‍थी 9:7

ओहैसे हरेक लोक आपन मनमे सङकल्‍प करल बमौजी देबे। मन दुख्‍याके यात करकापसे नै दहै, कथिलेकी खुसिसे दैबलाके परमेस्‍वर परेम करैछै।

१ तिमोथी 5:17

असलसे मन्‍डलीके देख-भाल करैबला अगुवासबके दोबर आदरके योग्‍य हैछै आ बिसेस कैरके जे अगुवासब बचन परचार आ सिखाबैबला काममे मेहनत करैछै।

१ कोरन्‍थी 12:28

परमेस्‍वर मन्‍डलीमे सबसे पहिने परेरितसब, दोसर अगमबक्‍तासब, तेसर गुरुसब, तब अचमके काम करैबलासब, बिमारसबके निक करैबलासब, दोसरके सहायता करैबलासब, परसासन चलाइबलासब आ आन भसा बोलैबलासबके नियुक्‍त करने छै।

हिबरु 13:17

तोरासबके अगुवासबके कहल बात तुसब मान आ ओकरासबके अधिनमे रह। आपन कामके लेखा परमेस्‍वरके दैलेपरतै कैहके उसब तोरासबके आत्‍मामे देखभाल करतौ। ओकरासबके कहल बात मानबिही त उसब आपन काम खुसिसे करतौ। यदि दुख माइनके करबिही त तोरासबके कुछो फाइदा नै हेतौ।

परेरित 15:32

यहुदा आ सिलास ओहोसब परमेस्‍वरके तरफसे बोलैबला अगमबक्‍तासब रहै। उसब परभुमे बिस्‍बास करैबला भाइ-भैयारीसबके बिस्‍बासमे मजगुत करैत उत्‍साह देल्‍कै।

परेरित 13:15

मोसाके देल बेबस्‍था आ अगमबक्‍तासबके लिखल किताब पढ़लाके बाद, सभाघरके अगुवासब पावल आ बरनाबासके बोल्‍याके कहल्‍कै, “हे यौ भैयारीसब! यदी अहाँसबसे लोकसबके साहसके खातिर कुछो कहैले चाहैचियै त, कहु।”

हिबरु 13:24

मन्‍डलीके सब अगुवा आ सब परभुके जनसबके हमरासबके तरफसे गोरलगी सुनादहै। इटालिया देसमे भेल्‍हा भाइसब तोरासबके सेहो गोरलगी पठाइनेछौ।

हिबरु 13:22

हे हमर पिरिय भाइ-भैयासब, हम तोरासबके बिन्‍ती करैचियौ कि, हमर अरती देल बातके मान, कथिलेकी हम तोरासबके यि चिठी छोटमे लिखने चियै।

हिबरु 13:7

तोरासबके सुरुमे परमेस्‍वरके बचन सिखाइबला अगुवासबके नै बिसर। ओकरासबके जिबनमे एल असल परिनामके बिचार कर आ परमेस्‍वरमे ओकरासबके जखा भरोसा कर।

हिबरु 10:25

कतहेक लोकके सङगतीमे जाइके बानी नै रहैछै, महज अपनासब एकसाथ भेला हैले नै छोर। महज तुसब परभु आबैबला दिन नजदिक आइबरहल देखलाके कारनसे एक-दोसरके औरो हौसला दहै।

२ कोरन्‍थी 8:12

यदि तोरासबके दैके इक्‍छा छौ त, तोरासबसङे जे छौ, ओहैमेसे देल परमेस्‍वर सुइकार करैछै, महज तोरासबसङे नै भेल चिज परमेस्‍वर नै माङैछै।

१ कोरन्‍थी 14:3

महज जे अगमबानी बोलैछै, उ दोसर लोकसबके आत्‍मिक रुपमे बौकार बनाबैछै, हौसला दैछै आ सान्‍तबना दैछै।

परेरित 20:28

तैल्‍याके तोरासबके आपनो आ आपन पुरे जेरके रेखदेख करैतरह। पबितर आत्‍मा तोरासबके ओइसबके चरबाहा बनाइनेछौ कि तोरासबके परमेस्‍वरके मन्‍डलीके रेखदेख कर, जकरा परमेस्‍वर आपन बेटाके लहुसे किन्‍नेछै।

परेरित 20:2

ओइ इलाकामे पुग्‍लाकेबाद ओतेका बिस्‍बासीसबके उत्‍साह द्‍याके फेनो ओतेसे उ गिरिस देसमे गेलै।

१ तिमोथी 4:13

हम नै आबैतक बिस्‍बासीसबके तु पबितर धरमसास्‍तर पैढके सुना, साहस दहै आ सिक्‍छासब देबेमे लागल रह।

१ थेसलोनिकी 2:8

हमसब तोरासबके बेसी परेम करलाके कारन परमेस्‍वरके सुसमाचार मातरे नै बल्‍की आपन परानो तक दैले तयार भेलियै। कथिलेकी तुसब हमरासबके लेल कतेक पिरिय भेल छेल्‍ही।

१ थेसलोनिकी 2:3

कथिलेकी जे सुसमाचारमे बिस्‍बास कर कैहके आगरह करलियौ उ कोनो खराब वा असुध बिचारसे नै आ नै त कोनो छल-कपटसे छै।

कलस्‍सी 3:22

हे दाससब, तुसब आपन मालिकसबके कहल सब बातसब मान। मालिकसबके खुसी करेके बिचारसे आँखके अगा मातरे नै महज परभुके डर राइखके सोझ मनसे काम कर।

एफिसी 6:5

हे नोकर-चाकरसब, जनङ खिरिस्‍टके सेबा करैचिही तैहनङे इमान्‍दारी साथ तुसब यि सन्‍सारके मालिकसबके आदर कर आ डर राइखके ओकरासबके कहलहा बात मान।

२ कोरन्‍थी 11:3

जनङ सैतान साँपके रुप ल्‍याके चलाकिसे हब्‍बाके ठगल्‍कै, ओहिनङ खिरिस्‍ट परती तोरासबके इमान्‍दारी आ सुध भक्‍तीसे तोरासबके मन बहकतौ कि हमरा तकर डर लागैये।

२ कोरन्‍थी 9:13

तुसब खिरिस्‍टके सुसमाचारमे बिस्‍बास कैरके आग्‍याकारी भेल बात आ तोरासबके खुल्‍ला हिरदयसे देल दानसे परमेस्‍वरके महिमा हेतै। यि सेबाके कामसे तुसब केहेन चिही कैहके लोकसबके परमानित हेतौ।

२ कोरन्‍थी 9:11

तुसब हर बखत खुसी मनसे औरोके दैले सक कैहके परमेस्‍वर तोरासबके धनिक बनाइतौ। तोरासबके देल दान हमसब औरो मन्‍डलीसबमे बाटैके कारन बहुतो लोक परमेस्‍वरके धन्‍यबाद देतै।

२ कोरन्‍थी 1:12

अइ बातमे हमसब गर्‌भ करैचियै आ हमरासबके बिबेक सेहो साक्‍छी दैछै कि, अइ सन्‍सारमे बिसेस कैरके ओइसबसङे समबन्‍धमे हमसब इमान्‍दार आ परमेस्‍वरमे पबितर जिबन बितेलियै। यि हमसब सन्‍सारके ग्‍यानसे नै महज परमेस्‍वरके अनुगरहसे पाबनेचियै।

रोमी 13:6

ओहैसे तुसब कर तिरैचिही, कथिलेत सासकसब आपन जिम्‍मेबारी पुरा करैले परमेस्‍वरके सेबाके काममे लागल रहैछै।

रोमी 12:13

खिरिस्‍टके पबितर जनसबके खाचोमे मदत कर आ घरमे एल मेजमानसबके सेबा-सत्‍कार कर।

मतीके लिखल सुसमाचार 25:40

तैपर रजा ओइसबके जबाफ देतै, ‘साँचे हम तोरासबके कहैचियौ कि, जे कुछो तुसब यि भाइसबमेसे सबसे छोटके लेल करलिही, उ हमरे करलिही।’

परेरित 13:12

तब बडा-हाकिम यि घटना देखके परभु येसुके बिस्‍बास करल्‍कै। उ परभुके सिक्‍छासे छक परल रहै।

परेरित 4:36

जनङ साइपरस देसके लेबी खानदानके योसेफ, जकरा परेरितसब बरनाबास कैहके नाम राखनेरहै (जकर अरथ उत्‍साह दैबला लोक हैछै)।

परेरित 11:23

बरनाबास ओते एलै आ परमेस्‍वर ओइसबके मन्‍डली उपर करल किरपा देखके खुसी भेलै। तुसब पुरा हिरदयसे परभुके बिस्‍बासमे बरहैत रह कैहके उत्‍साह देल्‍कै।

१ तिमोथी 6:18

आन लोकके भलाइ करैले, असल काममे धनिक हैले, खाचोमे परलहा लोकसबके सहायता करैले आ आपनसङे भेल चिज औरोसबके दैले ओइसबके कह।