रोमी 12:6 - मध्‍य पुरविया थारू

⁶ परमेस्‍वरके अनुगरहसे अपनासबके फरक-फरक किसिमके बरदानसब देनेछै ओहै अनुसार काम करे। यदि जकरसङे अगमबानी बोलैबला बरदान छै त उ आपन बिस्‍बास अनुसार ओकर तरफसे अगमबानी बोले।

रोमी 12:6 Referans Kwoze

१ कोरन्‍थी 7:7

सबलोक हमरे जखा बियाह नै कैरके रहे से हमर इक्‍छाछै। महज कोनो लोक परमेस्‍वरसे बियाह करैबला बरदान पाबने छै त कोनो लोक नै करैबला।

रोमी 12:3

परमेस्‍वरके देल अनुगरहसे हम तोरासबके चेताबनी दैचियौ कि, तुसब आपनके बरका नै समझ महज परमेस्‍वरके देल बिस्‍बासके नाप अनुसार तुसब जहिनङ चिही तहिनङे सोच।

रोमी 1:11

पबितर आत्‍मासे मिलल आसिस तोरासबसङे बाइटके बिस्‍बासमे बलगर बनाइले सकी कैहके तोरासबसे भेटैके खुब इक्‍छाछै।

१ कोरन्‍थी 13:2

हमरसङे अगमबानी बोलैबला बरदान छै आ सब रहस आ सब किसिमके ग्‍यान बुझैले सक्‍बै आ पहार हटाबे सकैबला पुरा बिस्‍बास हमरसङे छै, महज हमरमे परेम नै छै त, हम किछो नै चियै।

एफिसी 4:11

वह्‍या ककरो आपन परेरितसब, ककरो अगमबक्‍तासब, ककरो परचारकसब, ककरो मन्‍डलीके देख-भाल करैबला पास्‍टरसब आ ककरो सिक्‍छकसब नियुक्‍त करल्‍कै।

१ कोरन्‍थी 14:1

परेम करैबला बातमे लागल रह आ आत्‍मिक बरदानसब पाबैके लेल उतकट इक्‍छा राख। खास कैरके अगमबानीके बरदानसब बोलैके लेल इक्‍छा कर।

२ कोरन्‍थी 8:12

यदि तोरासबके दैके इक्‍छा छौ त, तोरासबसङे जे छौ, ओहैमेसे देल परमेस्‍वर सुइकार करैछै, महज तोरासबसङे नै भेल चिज परमेस्‍वर नै माङैछै।

१ थेसलोनिकी 5:20

परमेस्‍वरके अगमबानीके तुच्‍छ नै ठान।

१ कोरन्‍थी 14:29

अगमबानी बोलैबला दुइ या तिन गोरा हेबे आ ओइसबके बोलल बात ठिक छै कि नै छै से औरोसब जाँच करे।

परेरित 15:32

यहुदा आ सिलास ओहोसब परमेस्‍वरके तरफसे बोलैबला अगमबक्‍तासब रहै। उसब परभुमे बिस्‍बास करैबला भाइ-भैयारीसबके बिस्‍बासमे मजगुत करैत उत्‍साह देल्‍कै।

परेरित 2:17

परमेस्‍वर कहैछै, ‘अन्‍तके दिनमे हमसब लोकसबके आपन आत्‍मा परसस्‍त कैरके देबै, तोहर बेटासब आ बेटीसब अगमबानी बोल्‍तौ आ तोरौरके जबानसब दरसन देख्‍तै आ बुढवासब सपना देख्‍तै।

फिलिप्‍पी 3:15

अपनासब आत्‍मिक रुपमे परिपक भेलसबके ओहिने बिचार करेपरतै। ककरो ककरोमे फरक बिचार छै त परमेस्‍वरे तोरासबके परकट कैरदेतौ।

एफिसी 3:5

पहिने यि रहसके बात औरो कोनो लोकके थाह नै देनेरहै, महज अखुन यि रहसके बात आपन पबितर परेरित आ अगमबक्‍तासबके परमेस्‍वर आपन पबितर आत्‍मासे परकट कैरदेनेछै।

परेरित 13:1

एन्‍टिओखिया सहरके मन्‍डलीमे अगमबक्‍तासब आ सिक्‍छा दैबला लोकसब रहै। उसब बरनाबास, करिया कहाइबला सिमियोन, कुरेनीमे रहैबला लुकियस, रजा हेरोदेसङे पालन-पोसन भेल मनेन आ साउल रहै।

लुका 11:49

अहै खातिर सबकुछ जानैबला परमेस्‍वर कहल्‍कै, ‘हम तोरासबके लगमे अगमबक्‍ता आ परेरितसबके पठाइबौ। महज ओइमेसे ककरो मारबिही त ककरो सताइबिही।’

मतीके लिखल सुसमाचार 23:34

ओहैसे हम तोरासबके लग अगमबक्‍तासब, बुधिमान लोकसब आ धरमगुरुसब पठेबौ। तोरासबमेसे कतहेक गोरा ओइसबके मारबिही आ कतहेकके कुरूसमे लटकेब्‍ही आ कतहेक गोरेके सभाघरमे कोरासे पिटबिही आ एक सहरसे दोसर सहर तक खिहारबिही।

१ कोरन्‍थी 14:24

महज सब गोरा अगमबानी करैबखत बिस्‍बास नै करैबला या मन्‍डली बाहरके लोक ओते एतौ त उ आपन भसामे बोलल बात सुन्‍लाके कारन आपन पाप थाह पाबतै आ आपनेसे जाँचैले सक्‍तै।

परेरित 21:9

ओकरा चारटा कुमाइरे बेटिसब छेलै। उसब अगमबानी बोलै छेलै।

१ कोरन्‍थी 3:5

अपोल्‍लोस के चियै? आ पावल के चियै? हमसब त परमेस्‍वरके खट्‍याल सेबकसब मातरे चियै, जकरसे तुसब बिस्‍बास करलिही। हमसब त परभुके खट्‍याल काम मातरे करैचियै।

१ कोरन्‍थी 12:18

महज परमेस्‍वर आपन इक्‍छा अनुसार देहके सब अङके मिल्‍याके राइखदेनेछै।

२ पतरुस 1:20

महज तोरासबके सबसे पहिने यि बात बुझे परतौ कि, पबितर धरमसास्‍तरके कोनोभी अगमबानी अगमबक्‍तासब आपने मनसे नै बोल्‍नेछै।

मतीके लिखल सुसमाचार 25:22

जे दुइटा सोनाके डरल पाबने छेलै सेहो आइबके कहल्‍कै, ‘मालिक, अहाँ हमरा दुइटा सोनाके डलर देने छेलियै, देखु, हम औरो दुइटा सोनाके डलर कमाइलियै।’