रोमी 12:13 - मध्‍य पुरविया थारू

¹³ खिरिस्‍टके पबितर जनसबके खाचोमे मदत कर आ घरमे एल मेजमानसबके सेबा-सत्‍कार कर।

रोमी 12:13 Referans Kwoze

हिबरु 13:16

एक दोसरके भलाइ करैले आ आपनसङे भेल चिज बाटचुट करैले नै भुल, कथिलेत अहिनङे बलीसबमे परमेस्‍वर परसन्‍न हैछै।

२ कोरन्‍थी 9:12

तोरासबके देल दानसे परमेस्‍वरके जनके खाँचो पुरा मातरे नै, महज यि कामसे उ लोकसब परमेस्‍वरके एकदमे धन्‍यबाद देतै।

१ युहन्‍ना 3:17

जे लोकसङे सन्‍सारके धन-सम्‍पैत छै, महज आपन भाइके घटि-कमीमे देखभाल करैले मन कठोर करैछै त वेहन लोक परमेस्‍वरके कनङ परेम करे सक्‍तै?

हिबरु 6:10

तुसब परमेस्‍वरके लोकसबके सेबा कैरते परमेस्‍वर परती आपन परेम देखाइनेचिही आ अखुनो अहिनङ सेबा करैत आइबरहलचिही। परमेस्‍वर अनियाय नै करैछै। तोरासबके करल यि सेबा आ परेमके उ कहियो नै बिसरतै।

१ पतरुस 4:9

एक दोसरके आपन-आपन घरमे बिना कच-कच सेबा-सत्‍कार कर।

गलाती 6:10

तैखातिर मौका भेटैत मातर सबकोइके भलाइ कैरते चल, खास कैरके खिरिस्‍टमे बिस्‍बास करल परिबारसबके।

हिबरु 13:2

परदेसीसबके सेबा-सत्‍कार करैले नै बिसर, कथिलेकी अहिनङ कैरके कोइ कोइ थाहे नै पाइबके स्‍वरगदुतसबके अथिती सत्‍कार करने छै।

१ तिमोथी 3:2

तै खातिर मन्‍डलीके एकटा अगुवा हैकेलेल यि जरुरी छै जे उ दोस बिनाके हैकेचाही, ओकरा एकेटा घरबाली हैकेचाही, उ धिरजी, सम्‍झदार, भलादमी, मेजमानसबके मान-दान आ लोकसबके असलसे सिखाइबला हैकेचाही।

१ तिमोथी 5:10

अतबे नै उ असल काम करलाके खातिर सब दिसनसे आदर पावलके हैकेचाही। उ आपन बेटा-बेटीके निक जखा लालन-पालन करने आ मेजमानसबके सेबा-सत्‍कार करने रहल हैकेचाही। उ परमेस्‍वरके पबितर जनसबके टाङ धुवाइने आ दुखमे परलहासबके मदत करने रहल हैकेचाही। अहिने औरो असल असल काम करने रहल हैकेचाही।

मतीके लिखल सुसमाचार 25:35

कथिलेत हम भुख्‍याल छेलियै, तुसब हमरा खाइले देल्‍ही। हम पियासल छेलियै, तुसब हमरा पियैले देल्‍ही। हम परदेसी छेलियै, तुसब हमरा आपन घरमे सेबा सत्‍कार करलिही।

फिलेमोन 1:7

हे हमर भाइ, तोहर परेमसे हम बहौत आनन्‍द आ सानत्‍वना पाबनेचियै, कथिलेकी तोहरसे परमेस्‍वरके जनसबके हिरदय फेनसे तजा भेल छै।

तितस 1:8

महज उ लोक मेजवानके स्‍वागत-सत्‍कार करैबला, भलाइके काममे मन लगाइबला, ग्‍यानी, इमान्‍दार, पबितर आ आपनके बसमे राखैबला हैकेचाही।

२ कोरन्‍थी 9:1

यहुदियामे रहल बिस्‍बासीसबके लेल पठेल्‍हा भेटीके बारेमे तोरासबके लिखैले कोनो आबसेक नै छै।

परेरित 10:4

करनेलियस स्‍वरगदुत दिसन डेरा-डेराके ताकल्‍कै आ कहल्‍कै, “कहु परभु” स्‍वरगदुत कहल्‍कै, “तोहर परथना आ गरिबसबके उपर देख्‍याल दयाके कामसब परमेस्‍वर देख्‍ने छौ। परमेस्‍वर तोहर सब असल कामके भेटीके रुपमे सुइकार करनेछौ।

परेरित 4:35

आ परेरितसबके चरनमे राख दैछेलै, जकरा-जकरा जे-जे चिजके जरुरत परैछेलै से सब कोइके बाइट दैछेलै।

१ कोरन्‍थी 16:15

भाइसब तोरासबके थाहे छौ, कि स्‍तिफनासके परिबार अखैयामे बिस्‍बास करैबलासबमेसे पहिल्‍का चियै। उसब परमेस्‍वरके जनसबके सेबामे अपनाके अरपन करने छै।

रोमी 12:8

जकरसङे अरति-उपदेस दैबला बरदान छै त, अरति-उपदेस दैबला काम करे, दान दैबला बरदान पाबलहासब खाचोमे परलहासबके उदार-चितसे दान देबे, अगुवाइ करैबला पुरा मन लग्‍याके अगुवाइ करे, दया करैबला खुसिसाथ लोकसबके दया करे।

तितस 3:14

आपन लोकसब असल काममे लागल रहे, ताकी आवसयक परल समयमे सहायता देबे सके आ बेरथमे जिबन नै जिये।

३ युहन्‍ना 1:5

पिरिय सङि, बिस्‍बासी भाइसबके आ खास कैरके अनचिन्‍हार बिस्‍बासी लोकसबके लेल जे कुछ कैररहल चिही, तु एकटा सच्‍चा बिस्‍बास योग्‍य भ्‍याके कैर रहलचिही।