रोमी 11:7 - मध्‍य पुरविया थारू

⁷ अकर मतलब सब इजराएलीसब परमेस्‍वरके अगा धरमी हैले चाहतो परभी नै भेलै महज परमेस्‍वरके छानल कुछ इजराएलीसब मातरे धरमी ठहरलै। औरो बाकी इजराएलीसब कठोर भेलै।

रोमी 11:7 Referans Kwoze

२ कोरन्‍थी 4:4

सैतान, जे अइ सन्‍सारके देबता चियै से महिमीत सुसमाचारके इजोतके नै देखे कैहके खिरिस्‍टमे बिस्‍बास नै करैबला लोकसबके बुझैबला सक्‍तीके आन्‍हर बन्‍यादेनेछै।

रोमी 9:18

ओहैसे परमेस्‍वर जकरा दया करैले चाहैछै, तकरा दया करैछै आ जकर मनके कठोर बनाबैले चाहैछै, तकर मनके कठोर बनाइछै।

रोमी 11:25

हे हमर भाइ-भैयासब, हम तोरासबके एकटा रहसके बात थाह हेबे कैहके चाहैचियौ। उ बात तोरासबके थाह हेतौ त तुसब आपनेके बुधिमान ठाइनके घमन्‍ड नै करबिही। उ रहसके बात यि चियै कि, खिरिस्‍टमे आबैबला गैर-यहुदीसब बिस्‍बास नै करैतक बहुतो इजराएलीसबके हिरदय कठोर हेतै।

रोमी 11:5

तहिनङे परमेस्‍वरके अनुगरहसे छानल कतहेक इजराएलीसब अखुन्‍तो बाकी छै।

एफिसी 1:4

उ सन्‍सार सिरिस्‍टी करैसे पैहनिए खिरिस्‍टमे अपनासबके आपन अगा पबितर आ निरदोस करैले छान्‍ने छेलै।

२ कोरन्‍थी 3:14

महज ओइसबके मन कठोर भेलासे आइतक उ पुरन्‍का करारमे भेल बेबस्‍था परहैछै त ओइसबके बुझैबला समझ झापल रहैछै, ओहैसे उसब सत बात बुझैले नै सकैछै। आब येसु खिरिस्‍टमे बिस्‍बास कैरके मातरे उ समझ उघरैछै।

रोमी 9:23

उ अहैलेल अनङ करल्‍कै कि आपन दया करल लोकसबके महान महिमा देखाइले चाहल्‍कै। ओकर दया करल आ महिमाके लेल सुरुवेसे तैयार करल लोकसब हमसब चियै।

फिलिप्‍पी 1:18

चाहे जे हेबे, असल मनसे हेबे या खराब मनसे हेबे जनङकेभी खिरिस्‍टके परचार हैतरहे। हम अहैमे खुसी चियै आ खुसी मनाबैत रहबै।

१ कोरन्‍थी 10:19

हम कि कहैले चाहैचियौ? कि मुरतिके चरह्‍याल चिजके कोनो महत्‍व छै? या कि मुरतिके कोनो महत्‍व छै?

रोमी 10:3

कथिलेत परमेस्‍वर लोकसबके आपन अगा धरमी ठहराबैबला तरिकाके उसब जान्‍बे नै करैछेलै, तैल्‍याके उसब धरमी ठहराबैबला तरिकाके असुइकार करल्‍कै। उसब आपने तरिकासे परमेस्‍वरके अगा धरमी ठहरैले ताकल्‍कै।

रोमी 6:15

माइनले हमसब बेबस्‍थाके अधिनमे नै चियै, महज परमेस्‍वरके अनुगरहके अधिनमे चियै त, कि पाप करबै? कदापी नै।

रोमी 3:9

ओहेन छै त, कि हम यहुदीसब औरोसे असल चियै त? कदापी नै चियै। यहुदी आ गैर-यहुदी दुनु समान रुपसे पापके अधिनमे छै कैहके हम पहिने देखाइने चियौ।

युहन्‍ना 12:40

“परमेस्‍वर ओइसबके आँख बन्‍द कैरदेनेछै आ ओकरासबके हिरदय कठोर बन्‍यादेनेछै। तैल्‍याके उसब आपन आँखसे नै देखे आ हिरदयसे नै बुझे, नै त उसब घुइमके एतै आ हम ओइसबके निक करतियै।”

लुका 13:24

“सकेत केबारसे ढुकैले आपन पुरा बल लगा। कथिलेत, हम तोरासबके कहैचियौ, बहुत लोकसब ढुकैले चाहतै, महज ढुके नै सक्‍तै।

१ पतरुस 1:2

परमेस्‍वर पिता आपन पहिनेके योजना अनुसार तोरासबके छानल्‍कौ आ आपने पबितर आत्‍मासे पबितर बनेल्‍कौ। येसु खिरिस्‍टके आग्‍यापालन करैले आ ओकर लहुके छिटकासे सुध हेबे कैहके उ तोरासबके छानल्‍कौ। परमेस्‍वरके अनुगरह आ सान्‍ती तोरासबमे परसस्‍त हेबे।

हिबरु 12:17

तोरासबके थाहेछौ कि, पाछुसे उ आपन बाबुसे आसिरबाद लैले चाहल्‍कै महज लेबे नै सक्‍लै। कथिलेकी पस्‍चाताप करैके मौका नै पाबल्‍कै तैयो उ लोर बहाके आसिरबाद लैले चाहल्‍कै।

मरकुस 6:52

कथिलेत उसब पाँच हजार लोकके रोटी खियाइने छेलै से घटनाके अरथ सब बुझने नै छेलै आ उसबके हिरदय कठोर भेल छेलै।

एफिसी 4:18

ओइसबके हिरदय कठोरताके कारन अन्‍हारसे झापलछै आ परमेस्‍वरके दैबला जिबनसे दुरछै।