रोमी 11:25 - मध्‍य पुरविया थारू

²⁵ हे हमर भाइ-भैयासब, हम तोरासबके एकटा रहसके बात थाह हेबे कैहके चाहैचियौ। उ बात तोरासबके थाह हेतौ त तुसब आपनेके बुधिमान ठाइनके घमन्‍ड नै करबिही। उ रहसके बात यि चियै कि, खिरिस्‍टमे आबैबला गैर-यहुदीसब बिस्‍बास नै करैतक बहुतो इजराएलीसबके हिरदय कठोर हेतै।

रोमी 11:25 Referans Kwoze

लुका 21:24

दुस्‍मनसब ओइसबके तरबारसे काइटके मारतौ। ओकरा बन्‍दी बनाके देस-देसमे ल्‍याजेतौ। तब आन जातसे समय पुरा नै छै तक उसब यरुसलेमके टाङके तरमे दाइबके राख्‍तौ।”

रोमी 16:25

आब अपनासबके परमेस्‍वरके आदर आ सम्‍मान हेबे। हमर करल खिरिस्‍टके सुसमाचार परचारसे उ तोरासबके बिस्‍बासमे बलगर बनाइले सकलछै। येसु खिरिस्‍टके बारेमे हमर करल परचार, जे जुगो-जुगसे घोसाइरके राखल छेलै, आब परकट भेलछै।

रोमी 12:16

एक-दोसरसङे मिल-जुइलके रह, घमन्‍डी नै हो, महज साधारन लोकसबसङे सङहत कर। अपनाके बुधिमान नै ठान।

परकास 10:7

महज जब सातमा स्‍वरगदुत आपन तुरही फुक्‍तै तब परमेस्‍वर आपन सेबक अगमबक्‍तासबके कहल रहसके योजना पुरा हेतै।”

परकास 7:9

तकरबाद हम ताकलियै त कोइ नै गनैले सकैबला लोकसबके एकटा बरका भिर देखलियै। उसब हरेक जाती, हरेक कुल, हरेक देस आ हरेक भसाके लोक छेलै। उसब उजर बस्‍तर पिन्‍हके हाथमे खजुरके ठाइर लेके सिंहासन आ थुमाके अगा ठारभेल हम देखलियै।

एफिसी 3:9

सब चिजके सिरिस्‍टी करैबला परमेस्‍वरमे जुगो-जुगतक घोसाइरके राखल रहसके योजना कि चियै, से बात सबलोकके खुलस्‍त रुपमे बताइबला काम हमरा देने छै।

परकास 11:15

सातम स्‍वरगदुत आपन तुरही फुकल्‍कै त स्‍वरगमे बरका अबाज एहेन कहल्‍कै, “पिरथिबीमे राज करैके अधिकार आबसे अपनासबके परभु आ ओकर खिरिस्‍टके चियै आ उ जुगो-जुगतक राज करतै।”

२ पतरुस 3:8

महज पिरियसब, एकटा बात कहियो नै बिसराइहे कि, परभुके लेल एक दिन हजार बरिस जखा आ हजार बरिस एक दिन जखा चियै।

१ कोरन्‍थी 10:1

हे हमर भाइसब, मोसाके पछा लागैबला अपनासबके पुरखासबके कि भेल छेलै से बात हम तोरासबके याद दिलाबैचियौ। उसब सब गोरेके मिसर देससे बादल रस्‍ता देखाइत ल्‍यागेलै आ उसब समुन्‍दरके बिचसे पार भ्‍याकेगेलै।

रोमी 1:13

हे हमर भाइ-भैयासब, तोरासबके यि थाह हेबे कैहके हम चाहैचियौ कि, तोरासबके लग बहुतो बेर आबैले चाहलियै, महज कोनो न कोनो कारनबस अखुनतक आबैले नै सकल चियै। हम औरो ठामके गैर-यहुदीसबके खिरिस्‍टमे बौकार बन्‍याल जखा तोरोसबके बौकार बनाइले खुब इक्‍छाछै।

१ कोरन्‍थी 12:1

हे हमर पिरिय भाइ-भैयासब आब हम पबितर आत्‍माके बरदानके बारेमे तोरासबके बताइले चाहैचियौ। तुसब अकर बारेमे अन्‍जान नै रह कैहके हमर इक्‍छाछै।

मतीके लिखल सुसमाचार 13:11

उ आपन चेलासबके जबाफ देल्‍कै, “तोरासबके त स्‍वरगके राजके भितरी भेद जानैले देने छौ, महज ओकरासबके नै देने छै।

युहन्‍ना 10:16

हमर औरो भेंरासब छै जे अइ जेरके नै चियै। हमरा ओकरोसबके अइ जेरमे लाबैके जरुरी छै। उसब हमर बोली सुन्‍तै आ सब एके जेरमे हेतै आ उसबके एकेटा चरबाह हेतै।

रोमी 9:18

ओहैसे परमेस्‍वर जकरा दया करैले चाहैछै, तकरा दया करैछै आ जकर मनके कठोर बनाबैले चाहैछै, तकर मनके कठोर बनाइछै।

रोमी 11:12

इजराएलीसब पाप करलाके चल्‍ते सन्‍सारके लोकसब आसिस पाबल्‍कै। उसब मुक्‍तीके इन्‍कार करलाके चल्‍ते गैर-यहुदीसब मुक्‍ती पाबल्‍कै त सब इजराएलीसब पस्‍चाताप कैरके परमेस्‍वरमे बिस्‍बास करतै त औरो बेसिसे आसिस पाबतै।

रोमी 11:24

तु गैर-यहुदीसब जङगली जैतुनके गाछसे काटल ठाइरसब जखा चिही। तुसब परकिरती अनुसार नै मिलैबला भेलोपरभी असल जैतुनके गाछमे कलमी बान्‍हल चिही। इजराएलीसबके बारीमे रोपल जैतुनके ठाइर जखा चियै। ओइसबके फेरसे परमेस्‍वर कलमी बान्‍हैले सकैछै।

१ कोरन्‍थी 2:7

महज हमसब त परमेस्‍वरके गुप्‍त आ घोसारल ग्‍यानके परचार करैचियै, जे सिरिस्‍टी हैसे पैहनिए परमेस्‍वर अपनासबके महिमाके खातिर नियुक्‍त करने छेलै।

१ कोरन्‍थी 4:1

तुसब हमरासबके खिरिस्‍टके सेबकसब आ परमेस्‍वरके रहसके बात परकट करैबला सम्‍झैले परतौ।

एफिसी 1:9

ओकरे सब ग्‍यान आ बुइधमे परमेस्‍वर खिरिस्‍टमे पुरा करबै कैहके सोचलहा गुप्‍त योजनो अपनासबके देखाइल्‍कै।

एफिसी 4:18

ओइसबके हिरदय कठोरताके कारन अन्‍हारसे झापलछै आ परमेस्‍वरके दैबला जिबनसे दुरछै।

परकास 1:20

हमर दहिना हाथमे तोहर देखल यि सात तरासब आ सोनाके डैठके रहस यि चियै, सात तरासब सात मन्‍डलीके देख-भाल करैबला स्‍वरगदुतसब आ सातटा डैठ सातटा मन्‍डलीसब चियै।”