रोमी 10:12 - मध्‍य पुरविया थारू

¹² यहुदी आ गैर-यहुदी जातीमे कोनो फरक नै छै। उसबके एके परभु चियै आ ओकरा पुकारैबलासबके उ परसस्‍त कैरके आसिस दैछै।

रोमी 10:12 Referans Kwoze

फिलिप्‍पी 4:19

हमर परमेस्‍वर तोरासबके सब आबसेक्‍तासब पुरा कैरदेतौ। खिरिस्‍ट येसुमे भेल असिम भन्‍डारसे तोरासबके आबसेक्‍ता परल सबचिज पुरा कैरदेतौ।

परकास 17:14

उसब थुमाके बिरोधमे लराइ करतै महज थुमा आपनसङे बोल्‍याल, छानल आ बिस्‍बास योग्‍यसबके ल्‍याके ओकरासबके जित्‍तै कथिलेत उ परभुसबके परभु आ रजासबके रजा चियै।

रोमी 3:22

अहिनङ कैरके, येसु खिरिस्‍टमे बिस्‍बास करैबला सबके परमेस्‍वर धरमी ठहराइनेछै, कथिलेत उ ककरो भेदभाव नै करैछै।

गलाती 3:28

आबसे नै त यहुदी, नै त गैर-यहुदी, नै दास, नै स्‍वतन्‍तर, नै पुरुख, नै जनी छै, कथिलेत तुसब खिरिस्‍ट येसुमे सबकोइ एक चियै।

कलस्‍सी 3:11

तैखातिर अते गिरिक या यहुदी, देहमे खतना करल आ नै करल, असभ्‍य, असिक्‍छित, दास या स्‍वतन्‍तर ककरो कोनो भेदभाव नै छै महज खिरिस्‍टे सब चिज चियै आ सबमे बास करैछै।

१ तिमोथी 2:5

कथिलेकी परमेस्‍वर एकेटा छै। परमेस्‍वर आ लोकसबके बिचमे मिलाप कराइबला एकेटा लोक छै। उ लोक येसु खिरिस्‍ट चियै।

फिलिप्‍पी 2:11

सबकोइ परमेस्‍वर पिताके महिमाके लेल येसु खिरिस्‍टके परभु कैहके सुइकार करेपरतै।

एफिसी 3:6

उ रहसके बात एह्‍या चियै कि, गैर-यहुदीयोसब सुसमाचारसे परमेस्‍वरके आसिस पाबैले सक्‍तै। उसब एक देहके अङसब आ खिरिस्‍ट येसुमे परमेस्‍वरके करल परतिग्‍याके साझेदार भेल छै।

परकास 19:16

ओकर बस्‍तर आ जाङमे “रजासबके रजा आ परभुसबके परभु” कैहके लिखल छेलै।

एफिसी 1:7

ओकर महान अनुगरह अनुसार खिरिस्‍ट आपन लहु बहेलासे अपनासब उधार आ पाप छमा पाबनेचियै।

रोमी 14:9

ओहैसे येसु खिरिस्‍ट मरलै आ फेर जिबित भेलै ताकी मरलसब आ जिबीतसब दुनुके परभु हेबे।

रोमी 2:4

या कि तु परमेस्‍वरके महान किरपा, सहनसिलता आ धिरजके तुच्‍छ सम्‍झैचिही? परमेस्‍वर आपन किरपासे तोरा पापसे पस्‍चाताप करैके मौका देनेछौ से बात कि तोरा थाह नै छै?

कलस्‍सी 1:27

यि महान रहसके बात गैर-यहुदीयो लोकसब बुझे कैहके परमेस्‍वरके योजना चियै। यि रहसके बात एह्‍या चियै, खिरिस्‍ट तोरासबमे बास करैछौ, जे गौरबके आसा चियौ।

२ कोरन्‍थी 8:9

कथिलेकी अपनासबके परभु येसु खिरिस्‍टके अनुगरह तोरासबके थाहे छौ, उ धनिक छेलै तयौ तोरासबके लेल उ गरिब भेलै ताकि ओकर गरिबीसे तुसब धनिक बनैले सक।

१ कोरन्‍थी 15:47

पहिल्‍का लोक आदम पिरथिबीके माटीसे बन्‍याल छेलै, महज दोसर लोक खिरिस्‍ट स्‍वरगसे एलै।

१ कोरन्‍थी 1:2

कोरिन्‍थ सहरमे भेल परमेस्‍वरके मन्‍डलीके, जकरा खिरिस्‍ट येसुमे पबितर बनाइनेछै आ ओकर पबितर जन हैकेलेल बोलाइल्‍कै आ चारुदिसनसे जे परभु येसुके पुकरा करैछै। ओह्‍या ओइसबके आ अपनासबके परभु चियै।

एफिसी 2:7

यि काम परमेस्‍वर अपनासबके येसु खिरिस्‍टमे करल असिम अनुगरह कतेक महान छै कैहके आबैबला सब दिनमे देखाइके लेल करल्‍कै।

एफिसी 2:4

महज परमेस्‍वर जे किरपामे धनिक छै, उ अपनासबके बहौत परेम करल्‍कै आ महान दया देखाइल्‍कै।

रोमी 15:12

दोसर ठाममे यसैया अगमबक्‍ता फेर कहैछै, “यिसैके बंससे एक गोरे एतै, उ गैर-यहुदीसब उपर सासन करतै आ उसब ओकरेमे आसा राख्‍तै।”

परेरित 9:14

अतौ अहाँके चेलासबके पकरैके अधिकार मुल पुजारीसब ओकरा देने छै।”

एफिसी 3:16

ओकर महान सम्‍पैत आ आत्‍मासे तोरासबके सक्‍ती मिले। उ सक्‍ती तोरासबके आत्‍म बल बरहैत जाए कैहके हम परमेस्‍वरसङे परथना करैचियौ।

एफिसी 3:8

खिरिस्‍टके पबितर जनसबमेसे हम सबसे तुच्‍छ चियै तैयो खिरिस्‍टके महान सम्‍पतीके सुसमाचार गैर-यहुदीसबके सुनाइबला बरदान परमेस्‍वर हमरा देल्‍कै।

परेरित 7:59

जैहनङ उसब स्‍तिफनस उपर पथल मारैत खिना एहेन कहैत परथना करैतरहै, “हे परभु येसु, हमर आत्‍माके सुइकारु।”