रोमी 1:5 - मध्‍य पुरविया थारू

⁵ अपनासबके परभु येसु खिरिस्‍ट दुवारा परमेस्‍वर अपनासबके अनुगरह कैरके परेरित बनेल्‍कै। सब जातीके लोकसब बिस्‍बास करे आ ओकर कहल बात माने कैहके हमरा ओकर नाउमे पठाइनेछै।

रोमी 1:5 Referans Kwoze

परेरित 9:15

महज परभु ओकरा कहल्‍कै, “जो, कथिलेकी साउल गैर-यहुदीसब, रजासब आ इजराएलीसबके सामने हमर नामके परचार करैबला उ हमर छानल लोक चियै,

रोमी 16:26

अकर बारेमे अनन्‍त परमेस्‍वरके आग्‍या अनुसार अगमबक्‍तासबके लिखल बात सब जातिके लोकसब लग अखुन परकट भेल छै ताकी उसब बिस्‍बास करे आ ओकर आग्‍या पालन करे।

परेरित 6:7

अहिनङ परमेस्‍वरके बचन पसरैत गेलै। यरुसलेममे बिस्‍बासीसबके संख्‍या बरहैत गेलै। पुजारीसब मेसे बहुत गोरे बचनके सुइकार कैरके परभुमे बिस्‍बास करल्‍कै।

१ कोरन्‍थी 15:10

महज हम जे चियै, उ परमेस्‍वरके अनुगरहसे चियै आ हमर उपर करल ओकर अनुगरह बेकार नै भेलै। हम औरो परेरितसबसे बेसि मेहनत करलियै। बास्‍तममे काम करैबला हम नै, महज हमरसाथमे भेल परमेस्‍वरके अनुगरहसे काम करनेचियै।

हिबरु 5:9

अनङकैरके परमेस्‍वर ओकरा सिध बनेलाके बाद ओकर आग्‍यापालन करैबला सबके लेल उ अनन्‍ततक रहैबला मुक्‍तीके मुल बन्‍लै।

रोमी 12:3

परमेस्‍वरके देल अनुगरहसे हम तोरासबके चेताबनी दैचियौ कि, तुसब आपनके बरका नै समझ महज परमेस्‍वरके देल बिस्‍बासके नाप अनुसार तुसब जहिनङ चिही तहिनङे सोच।

परेरित 1:25

आ उ यि सेबाके काम आ परेरितके सेबाके काम कैर सके, जे सेबाके कामसे यहुदा भटैकके आपने ठाममे मरलै।”

१ कोरन्‍थी 9:2

हम औरो लोकसबके लेल परेरित नै चियै तैयो कमसेकम तोरासबके लेल त चियौ। कथिलेत हम परभुके एक परेरित चियै कैहके तुहेसब हमर गबाही चिही।

रोमी 3:29

कि परमेस्‍वर यहुदीसबके मातरे परमेस्‍वर चियै? कि परमेस्‍वर गैर-यहुदीसबके परमेस्‍वर नै चियै से? साँचे, उ त सबके परमेस्‍वर चियै।

युहन्‍ना 1:16

ओकरे अनुगरहसे उटुङ-टुटुङ भैरके आसिस उपर आसिस मिलरहल छै।

एफिसी 1:12

ताकी हम यहुदीसब खिरिस्‍टमे पहिनेसे भरोसा करलियै, परमेस्‍वर आपन परसन्‍साके खातिर छानल्‍कै।

एफिसी 1:6

अपनासब परमेस्‍वरके ओकर महिमामय अनुगरहके लेल धन्‍याबाद चरहा जे मङनिएमे आपन पिरिय बेटामे देनेछै।

परेरित 15:14

परमेस्‍वर कनङके गैर-यहुदीके दया कैरके ओकरासबके आपन लोक बनाइल्‍कै, से बात सिमोन अखुन्‍ते कहलक,