रोमी 1:30 - मध्‍य पुरविया थारू

³⁰ उसब दोसरके निन्‍दा करैछै आ परमेस्‍वरके सेहो घिरना करैछै। ककरो आदर नै करैछै महज आपने घमन्‍डसे फुलल रहैछै आ बरका बारका धाख लगाइछै। खराब काम करैले लया लया उपाय रचैछै। उसब आपन बाप-महतारके कहल बात नै टेरैछै।

रोमी 1:30 Referans Kwoze

२ तिमोथी 3:2

कथिलेत लोक आपन स्‍वारथ मातर देखैबला, पैसा-कौरीके लोभ करैबला, आपनके बरका मानैबला, घमन्‍ड करैबला आ परमेस्‍वरके बिरोध करैबला हेतै। उसब आपन माँ-बापके बात नै मानैबला, असलो कामके खातिर धन्‍यबाद नै दैबला आ अपबितर हेतै।

यहुदा 1:16

एहेन लोकसब सन्‍तोखिया नै हैछै, हरदम दोसरके गल्‍ती निकालैछै आ अपना सेहो नै निक इक्‍छासबमे चलैछै, अपनेके बरका सम्‍झैछै आ आपन काम बनाइले दोसरके चापलुसी करैछै।

२ पतरुस 2:18

उसब घमन्‍डी आ मुरुख बात करैछै आ देहके लालसा देखाके भरखर खराब रस्‍तासे बाहर एलहा लया बिस्‍बासीसबके फसाबैछै।

याकुब 4:16

महज तुसब त घमन्‍डी भ्‍याके आपन बन्‍याल योजनामे खुब धाख लगाइचिही। एहेन घमन्‍ड करनाइ निक बात नै चियै।

याकुब 3:5

तहिनङे मुह देहके एकटा छोट अङ चियै, महज बरका-बरका बातमे घमन्‍ड करैछै। छोटसे छोट आइगके लुतीसे बरकासे बरका जङगलमे आइग लगादैछै।

तितस 3:3

कथिलेकी अपनोसब एकबेर मुरुख, ककरो कहल नै मानैबला आ भुलमे परल छेलियै। बहुतो तरहके देहके खराब इक्‍छासब आ भोगबिलासमे फसल छेलियै। अपनासब दुस्‍ट आ डाहके जिबन बिताबै छेलियै। अपनासब दोसरके घिरना करैत रहियै त उहोसब अपनासबके घिरना करैछेलै।

२ थेसलोनिकी 2:4

बेबस्‍था भङ करैबला लोक आपने बरका भ्‍याके लोकसब परमेस्‍वर मानैबला सब चिजसबके आ पुजा-पाठ करैबला सब चिजके बिरोध करतै। उ त परमेस्‍वरके मन्‍दिरमे बैठके उ आपनेके परमेस्‍वर चियै कहतौ।

२ कोरन्‍थी 10:15

हमसब सिमा नाइङहके दोसरके मेहनतमे घमन्‍ड नै करैचियै, महज हमरासबके आसा यि छै कि तोरासबके बिस्‍बास बढते जाइबखत तोरासबके बिचमे हमरासबके कामके सिमा औरो बेसिसे फैलते जाए।

रोमी 3:27

ओहेन छै त कथिके लेल घमन्‍ड करबै? घमन्‍ड करैबला बाते नै चियै। बेबस्‍था पालन कैरके लोक धरमी नै हैछै, महज खिरिस्‍टमे बिस्‍बास कैरके मातरे धरमी हैछै।

रोमी 2:23

मोसाके बेबस्‍था हमरासबसङे छै कैहके तुसब धाख लगाइचिही, महज ओकरा तुसब पालन नै कैरके कथिले परमेस्‍वरके अनादर करैचिही?

रोमी 2:17

महज तुसब आपनेके यहुदी चियै कैहके बेबस्‍थामे भर परैचिही आ परमेस्‍वरके चिन्‍हैचियै कैहके घमन्‍ड करैचिही।

परेरित 5:36

कथिलेत कुछ समय पैहने थुदास नामके लोक आपन परसन्‍साके दाबी करल्‍कै आ लगभग चार सय लोक ओकर पछा लाग्‍लै, महज उ मारल गेलाके बाद ओकर पछा लागैबलासब सब तितर-बितर भ्‍यागेलै आ सब बातसबके नाम निसान हरागेलै।

लुका 21:16

महज तोरासबके माँ-बाबु आ भाइ-भैयारीसब, कर-कुटुमसब आ साथी-भाइयोसब तोरासबके पकरादेतौ आ तोरेसबमेसे ककरो-ककरो माइरयोदेतौ।

मतीके लिखल सुसमाचार 16:21

ओह्‍या दिनसे येसु आपन चेलासबके खोइलके सब बात कहैले लाग्‍लै, “हम यरुसलेम जेबै आ ओते अगुवासब, मुल पुजारीसब आ धरमगुरुसबसे बहुत दुख भोग्‍बौ, मारल जेबौ आ तेसर दिनमे फेनो मिरतुसे जिके उठबौ।”

मतीके लिखल सुसमाचार 15:4

कथिलेत परमेस्‍वर कहनेछै, ‘आपन माँ-बाबुके आदर कर आ जे कोइ आपन माँ-बाबुके अनादर करतै तकरा मरैये परतै।’

युहन्‍ना 7:7

सन्‍सारके लोकसब तोरासबके घिरना नै करे सक्‍तौ, महज हमरा त घिरना करैछै, कथिलेत उसबके काम दुस्‍ट छै कैहके हम गबाही दैचियै।

२ कोरन्‍थी 12:20

कथिलेत हम तोरासबलग भेट करैले एबौ त हमर आस करल जखा नै हेबौ आ तोरासबके आस करल जखा हम नै हेबौ कि से हमरा डर लागल छै। तोरासबके बिचमे झगरा करैबला, डाह करैबला, रिस करैबला, आपने भलाइ चाहैबला, बदनाम करैबला, घमन्‍ड आ गोलमाल करैबलासब भेटतै कि कैहके हमरा डर लागल छै।