रोमी 1:14 - मध्‍य पुरविया थारू

¹⁴ कथिलेत सभ्‍य हेबे या असभ्‍य, सिक्‍छित हेबे या असिक्‍छित, सबके सुसमाचार सुनाबैले हमरा कर लागलछै।

रोमी 1:14 Referans Kwoze

कलस्‍सी 3:11

तैखातिर अते गिरिक या यहुदी, देहमे खतना करल आ नै करल, असभ्‍य, असिक्‍छित, दास या स्‍वतन्‍तर ककरो कोनो भेदभाव नै छै महज खिरिस्‍टे सब चिज चियै आ सबमे बास करैछै।

परेरित 9:15

महज परभु ओकरा कहल्‍कै, “जो, कथिलेकी साउल गैर-यहुदीसब, रजासब आ इजराएलीसबके सामने हमर नामके परचार करैबला उ हमर छानल लोक चियै,

परेरित 22:21

महज परभु हमरा कहल्‍कै, ‘तु जो, कथिलेत हम तोरा दुर-दुर गैर-यहुदीसबके बिचमे पठाइबौ।’”

रोमी 12:16

एक-दोसरसङे मिल-जुइलके रह, घमन्‍डी नै हो, महज साधारन लोकसबसङे सङहत कर। अपनाके बुधिमान नै ठान।

२ कोरन्‍थी 11:19

तुसब आपनके अतहेक बुधिमान ठानैचिही कि खुसिसे मुरखसबके बेबहारके सहैचिही।

रोमी 16:19

तुसब परमेस्‍वरके आग्‍यापालन करैचिही कैहके सब बिस्‍बासी जानैछै, तैल्‍याके हम एकदम खुस चियौ। महज तुसब असल काममे बुधिमान हो आ जे खराब छै, तैसे अलगे रह से हम चाहैचियौ।

रोमी 13:8

एक-दोसरके परेम करै बाहेक औरो कोनो चिजमे ककरो रिनी नै हो। कथिलेत जे आपन परोसियाके परेम करैछै उ बेबस्‍था पुरा करैछै।

रोमी 8:12

अहैलेल हे हमर भाइ-भैयासब, अपनासबके पाप स्‍वभाबके इक्‍छा अनुसार चलैले कोनो कर-काप नै छै।

रोमी 1:22

उसब आपनेके बुधियार ठानल्‍कै महज मुरुख भेलै।

तितस 3:3

कथिलेकी अपनोसब एकबेर मुरुख, ककरो कहल नै मानैबला आ भुलमे परल छेलियै। बहुतो तरहके देहके खराब इक्‍छासब आ भोगबिलासमे फसल छेलियै। अपनासब दुस्‍ट आ डाहके जिबन बिताबै छेलियै। अपनासब दोसरके घिरना करैत रहियै त उहोसब अपनासबके घिरना करैछेलै।

२ तिमोथी 2:10

तहैले परमेस्‍वरके चुनलहा लोकसबके खातिर हम सबचिज सहैचियै, ताकि ओहोसब येसु खिरिस्‍टके मुक्‍ती पाबे आ अनन्‍त महिमामे सहभागी हैलेसके।

२ कोरन्‍थी 10:12

आपनके बरका सम्‍झैबला लोकसबसङे हमसब आपनके एकेटा दरजामे या तुलना करैले साहस नै करैचियै, महज उसब आपने आपके एक-दोसरसङे नाइपके देखैछै या तुलना करैछै आ उसब मुरुख लोक जखा हैछै।

१ कोरन्‍थी 14:16

तुसब आत्‍मामे परमेस्‍वरके परसन्‍सा करबिही महज तोहर बात नै बुझैबला लोक तोहर बातमे सहमति जनाबैले कनङके “आमेन” कहतौ? कथिलेत उ तोहर कहल बात नै बुझैछौ।

१ कोरन्‍थी 14:11

यदि हम ककरो भसा नै बुझैचियै त, ओकरलेल हम परदेसी जखा हेबै आ उ हमर लेल परदेसी जखा हेतै।

१ कोरन्‍थी 3:18

कोइ आपनेके धोखा नै देबे। यदि कोइ अइ सन्‍सारके हिसाबसे आपनेके बुधिमान ठानैछै त, उ साँचेके बुधिमान हैले आपनेके मुरुख बनाबे।

१ कोरन्‍थी 2:13

जे बात हमसब परचार करैचियै, उ बातसब कोनो लोकके बुइधसे सिखेल्‍हा बातसब नै, महज पबितर आत्‍मासे सिख्‍याल बात बोलैचियै आ पबितर आत्‍मा पाबलहा लोकसबके आत्‍मिक सतके बातसबके अरथ खोइलदैचियै।

रोमी 11:25

हे हमर भाइ-भैयासब, हम तोरासबके एकटा रहसके बात थाह हेबे कैहके चाहैचियौ। उ बात तोरासबके थाह हेतौ त तुसब आपनेके बुधिमान ठाइनके घमन्‍ड नै करबिही। उ रहसके बात यि चियै कि, खिरिस्‍टमे आबैबला गैर-यहुदीसब बिस्‍बास नै करैतक बहुतो इजराएलीसबके हिरदय कठोर हेतै।

परेरित 28:4

ओतेका लोकसब पावलके हाथमे साँप ओझराल देखके एकदोसरसे कहेलाग्‍लै, “यि लोक पक्‍का हतियारा चियै, अइमे कोनो संखा नै छै। समुन्‍दरसे त बैचके चैलएलै महज नियाय निसाफसे दुर नै रहलै।”

परेरित 28:2

ओतेका निबासी लोकसब एकदम हमरासबके दया देखेल्‍कै। ओहै बखत पानी पैररहल छेलै आ जार हेबे लाग्‍लै, तब उसब हमरासबके लेल आइग बाइरके तापैले बोल्‍याके स्‍वागत करल्‍कै।

लुका 10:21

तहै बखत येसु पबितर आत्‍मामे खुसीसे भैरके कहल्‍कै, “हे परमेस्‍वर पिता, स्‍वरग आ पिरथिबीके मालिक, हम अहाँके धन्‍यबाद चरहाइचियै, कथिलेत अहाँ यि बातसब बुधिमान आ समझदारसे घोसाइरके राखल बात छोट बच्‍चासबमे परगट करलियै, कथिलेत पिता, अहिनङ करैले अहाँके इक्‍छा लागल।

मतीके लिखल सुसमाचार 11:25

ओहै बखत येसु कहल्‍कै, “हे पिता स्‍वरग आ पिरथिबीके मालिक, हम अहाँके धन्‍यबाद चरहाइचियै, कथिलेत यि बातसब अहाँ बातसब बुधिमान आ बिदवान सबसे घोसाइरके राखलियै, महज बच्‍चासबमे परगट करलियै।