रोमी 1:11 - मध्‍य पुरविया थारू

¹¹ पबितर आत्‍मासे मिलल आसिस तोरासबसङे बाइटके बिस्‍बासमे बलगर बनाइले सकी कैहके तोरासबसे भेटैके खुब इक्‍छाछै।

रोमी 1:11 Referans Kwoze

२ पतरुस 1:12

तुसब यि सब बात जान्‍बे करैचिही आ तोरासबके सिख्‍याल सत बातमे अस्‍थिर चिही तैयो हम यि सब बात तोरासबके हरदम याद दिलाइते रहबौ।

रोमी 16:25

आब अपनासबके परमेस्‍वरके आदर आ सम्‍मान हेबे। हमर करल खिरिस्‍टके सुसमाचार परचारसे उ तोरासबके बिस्‍बासमे बलगर बनाइले सकलछै। येसु खिरिस्‍टके बारेमे हमर करल परचार, जे जुगो-जुगसे घोसाइरके राखल छेलै, आब परकट भेलछै।

२ थेसलोनिकी 3:3

महज परभु बिस्‍बास योग्‍य छै आ उ तोरासबके बौकार बनेतौ आ सैतानसे बचेतौ।

रोमी 15:29

जब हम तोरासबलग एबौ, तब येसु खिरिस्‍टके देल भरपुर आसिस ल्‍याके एबौ।

१ पतरुस 5:12

हम यि छोट चिठी बिस्‍बासयोग्‍य भाइ सिलाससे लिखाबैचियौ। हम तोरासबके साहस दैकेलेल आ तोरासबके जे भ्‍यारहलछौ उ परमेस्‍वरके सच्‍चा अनुगरह चियै कैहके गबाही दैचियौ। यि अनुगरहमे अस्‍थिर भ्‍याके रह।

१ पतरुस 5:10

तुसब कुछ समय कस्‍ट भोग्‍लाके बाद, अनुगरहसे भरल अपनासबके परमेस्‍वर, जे तोरासबके खिरिस्‍टमे अनन्‍त महिमामे सहभागी हैकेलेल बोलाइनेछौ। उ आपनेसे तोरासबके फेनसे अस्‍थापना करतौ, सिध करतौ, बलगर बनाके अस्‍थिर कराइतौ।

२ थेसलोनिकी 2:17

तोरासबके ओकरेसबसे सब असल काममे साहस आ बचनमे सक्‍ती मिले।

परेरित 19:6

जब पावल उसबके उपरमे आपन हाथ राखल्‍कै तब उसब उपर पबितर आत्‍मा एलै। तब उसब दोसर भसामे बोले लाग्‍लै आ अगमबानी करे लाग्‍लै।

परेरित 16:5

अहिनङे मन्‍डलीके लोकसब बिस्‍बासमे मजगुत हैतगेलै आ दिन-दिने बिस्‍बास करैबला लोकसब बरहैत गेलै।

१ थेसलोनिकी 3:13

ओकर परेमसे तोरासबके मन नै डगमगाबे ताकि जब अपनासबके परभु येसु जहिया आपन पबितर जन सङे एतै तै बखत आपन परमेस्‍वर आ पिताके सामने तुसब पबितर आ निरदोस पाबे से हमरासबके परथना चियै।

१ थेसलोनिकी 3:2

आ तिमोथीके तोरासबलग पठेलियौ। उ हमरासबके भाइ आ परमेस्‍वरके सेबक चियै आ खिरिस्‍टके बारेमे सुसमाचार परचार करैछै। तोरासबके बिस्‍बासमे बलगर हैले आ हौसला दैकेलेल हमसब तोरासबलग ओकरा पठेलियौ।

फिलिप्‍पी 4:1

अहैलेल हे हमर पिरिय भाइ-भैयासब, तुहिसब हमर लेल पिरिय चिही। हम तोरासबके कतहेक याद करैत रहैचियौ। तुसब हमर आनन्‍द आ मुकुट चिही। हे हमर पिरियसब, अहिनङे तुसब परभुमे अस्‍थिर रह।

फिलिप्‍पी 2:26

तोरासबके भेटैके ओकर एकदम इक्‍छाछै। उ बिमार परल बात तुसब सुनलासे उ एकदम चिन्‍ता कैररहलछै।

फिलिप्‍पी 1:8

खिरिस्‍ट येसुवे जखा हम्‍हु तोरासबके परेम करलासे तोरासबके भेटैके एकदम इक्‍छा करनेचियै से परमेस्‍वर जानैछै।

२ कोरन्‍थी 9:14

परमेस्‍वरके परसस्‍त अनुगरह तोरासबमे भेलाके कारनसे उसब मन खोइलके तोरासबके लेल परथना करतौ।

२ कोरन्‍थी 1:21

परमेस्‍वरे हमरासबके आ तोरासबके खिरिस्‍ट येसुमे अस्‍थिर बनाइनेछै आ अपनासबके नियुक्‍त करने छै।

रोमी 15:32

यदि परमेस्‍वरके इक्‍छा हेतै त हम खुसीसे तोरासबलग एबौ आ तोरासबसङे संगती कैरके आनन्‍द मनाइबौ।

रोमी 15:23

महज यि ठामसबमे हम परचारके काम पुरा कैरलेने चियै। बहुतो बरिससे तोरासबके भेटैले हमर उतकट इक्‍छाछै।

परेरित 19:21

तकरबाद पावल पबितर आत्‍माके अगुवाइमे माकेडोनिया आ अखैया इलाका हैत यरुसलेम जाइके निरनय करल्‍कै। उ कहल्‍कै, “ओते पुग्‍लाकेबाद हमरा रोम सहरमे जाइए परतै।”

हिबरु 13:9

अनेक किसिमके अचमके सिक्‍छाके भरममे नै पर। खाइ पियैबला नियमसे नै महज परमेस्‍वरके अनुगरहसे हिरदय बौकार भेल असल चियै। ओहेन बिधी पालन कैरके ककरो उपकार नै भेलछै।

२ कोरन्‍थी 11:4

यदि कोनो लोक आइबके हमरासबके करल येसुके परचार बाहेक दोसर येसुके परचार करतै त, तोरासबके भेटल आत्‍मासे दोसरे आत्‍मा तुसब गरहन करबिही त, या तोरासबके भेटल सुसमाचारसे कोनो दोसर सुसमाचार गरहन करबिही त, तुसब यि सबके अगा सहजे झुकैचिही।

रोमी 1:12

हमर बिस्‍बाससे तोरासबके आ तोरासबके बिस्‍बाससे हमरा उत्‍साह मिले कैहके हमर इक्‍छाछै।

२ कोरन्‍थी 1:15

हमरा यि बातके पुरा भरोसा भेलाके कारन, तोरासबलग पहिने आबैके इक्‍छा करलियै ताकि तोरासबके दोबर फैदा हेबे।