परकास 9:21 - मध्‍य पुरविया थारू

²¹ उसब हतिया करैसे, जादु-टोना करैसे, बेबिचार करैसे आ चोरि-चकारी करैसे मन नै फिराइल्‍कै।

परकास 9:21 Referans Kwoze

परकास 21:8

महज डरपोकसब, बिस्‍बास नै करैबलासब, घिनलागैबला काम करैबलासब, हतियारासब, बेबिचारीसब, जादु-टोना करैबलासब, मुरती पुजा करैबलासब आ झुठ बोलैबलासबके ठाम त आइग आ गन्‍धक बरैबला भठिमे हेतै। यि दोसर मिरतु चियै।”

परकास 22:15

महज कुतासब जखा खराब लोकसब, जादु-टोना करैबलासब, बेबिचारीसब, हतियारासब, मुरती पुजा करैबलासब, झुठ मन पराइबला आ तै अनुसार जिबन बिताइबलासब सहरसे बाहरे रहतै।

परकास 17:5

ओकर कपारमे एक रहसमय नाम लिखल छेलै, “महान बेबिलोन, सन्‍सारके बेबिचारनी आ अधलाह काम करैबलासबके महताइर चियै।”

२ कोरन्‍थी 12:21

तोरासबके भेटैले फेर एबौ त परमेस्‍वर हमरा तोरासबके अगा निच बनाइतै कैहके हमरा डर लागैछै। जेसब पहिने पाप करने छेलै आ तोरासब आपनेसे करल असुध काम, बेबिचार, घिनलागैबला छाडा कामसे पस्‍चताप नै करनेचिही त हमरा निच बनैले परतै।

परकास 17:2

ओकरसङे सन्‍सारके रजासब बेबिचार करने छेलै आ सन्‍सारके लोकसब ओकर बेबिचारके नसासे मातल छेलै।”

परकास 18:3

कथिलेत सब जातीसबके लोकसब ओकर बेबिचारके मध पिके मातल छै आ सन्‍सारके रजासब ओकरसे बेबिचार करने छेलै आ सन्‍सारके बेपारियोसब ओकर बरका मोज-मज्‍जाके कारन धनिक भेल छेलै।”

परकास 16:6

कथिलेत उसब अहाँके पबितर जनसब आ अगमबक्‍तासबके लहु बहेनेछै तब ओकरासबके अहाँ लहुवे पियैले देलियै। ओइसबके अनङ सजाय पाबनाइ उचित छै।”

परकास 14:8

तकरबाद दोसर स्‍वरगदुत आइबके अनङ कहल्‍कै, “ओकर सब नास भेलै! महान सहर बेबिलोन नास भेलै। कथिलेत उ सहर आपन बेबिचारके मधसे जाती जातीके लोकसबके पियैले लगेल्‍कै।”

गलाती 5:20

मुरतिपुजा, जादु-टोना, दुस्‍मनी, झै-झगरा, रिस, आरिस, आपने भलाइ नै सोच, मनमोटाब, गुटबन्‍दी,

मतीके लिखल सुसमाचार 15:19

कथिलेत हिरदयेसे खराब बिचार, हतिया, पर-इस्‍तरी गमन, अनैतिक देहके समबन्‍ध, चोरी, झुठा गबाही आ निन्‍दा करैबला बातसब बाहर निकलैछै।

परकास 19:2

कथिलेत ओकर नियाइ सत आ ठिक छै। पुरे पिरथिबीके आपन बेबिचारसे बिगारैबाली नाम चलल बेबिचारनी जनीके ठिक सजाय देनेछै आ उ आपन सेबकसबके लहुके बदला ओहैसे लेनेछै।”

परकास 13:15

पहिन्‍का जानबरके मुरती बोले आ उ मुरतिके पुजा नै करैबला लोकसबके माइरदेबे कैहके ओइ जानबरके मुरतिमे साँस फुइकदैके अधिकार अजेगर दोसर जानबरके देल्‍कै।

परकास 13:13

यि दोसर जानबर अजगुत-अजगुतके चेन्‍हासब देखाइल्‍कै। सबलोकके अगा उ अकाससे पिरथिबीमे आइग बरसेल्‍कै।

परकास 13:7

उ परमेस्‍वरके लोकसबसङे लराइ करैके आ ओइसबके जितैके अधिकार पाबनेछेलै। सब कुल, देस, भसा आ जाति उपर अधिकार करैले देने छेलै।

परकास 9:20

उ बिपतसे बचलहा लोकसब आपन हाथके कामसबसे पस्‍चाताप नै करल्‍कै। उसब भुत-परेतसबके, देखैले नै सकैबला, सुनैले नै सकैबला आ चलै-फिरै नै सकैबला सोना, चानी, काँस, पथल आ काठके मुरतीसबके पुजैलै नै छोरल्‍कै।

परकास 17:4

उ जनी बैजनी आ लाल रङके बस्‍तर लगाइने छेलै आ सोना, बहुमुल्‍य रत्‍न आ मोतिसबके गहना-गुरियासे सिङगारल छेलै। ओकर हाथमे सोनाके एकटा बाटी छेलै आ ओइमे बेबिचारके घिनलागैबला असुध चिजसबसे भरल छेलै।