परकास 9:11 - मध्‍य पुरविया थारू

¹¹ नरकके दुत ओइसबके रजा छेलै। हिबरु भसामे ओकर नाम “एबाड्‍डोन” आ गिरीक भसामे ओकर नाम “अपोल्‍लियोन” चियै। जकर अरथ “नास करैबला” चियै।

परकास 9:11 Referans Kwoze

एफिसी 2:2

ओइ बखत तुसब सन्‍सारके पापी लोकसब जखा चलैछेल्‍ही आ अकासके सक्‍तीके मालिक, सैतानके मानैछेल्‍ही। जे परमेस्‍वरके नै मानैबला लोकसबके अखुन आपन बसमे राखनेछै।

२ कोरन्‍थी 4:4

सैतान, जे अइ सन्‍सारके देबता चियै से महिमीत सुसमाचारके इजोतके नै देखे कैहके खिरिस्‍टमे बिस्‍बास नै करैबला लोकसबके बुझैबला सक्‍तीके आन्‍हर बन्‍यादेनेछै।

युहन्‍ना 16:11

उ तोरासबके परमेस्‍वरके नियाइ कथी चियौ से देखादेतौ। कथिलेत यि सन्‍सारके रजा पहिने दोसी ठहैर गेलछै।”

युहन्‍ना 14:30

आब हम तोरासबसङे बहुत बात नै करबौ, कथिलेकी अइ सन्‍सारके सासक आइबरहल छै। हमर उपर ओकर कोनो अधिकार नै छै।

युहन्‍ना 8:44

तोरासबके पिता त सैतान चियौ आ तुसब आपन पिताके इक्‍छा पुरा करैले चाहैचिही। उ त सुरुवेसे हतियारा छौ, सत चिजसे ओकरा कोनो मतलब नै छै, कथिलेत ओकरमे कोनो सत नै छै। जब उ झुठ बोलैछै, उ आपन स्‍वभाब अनुसार बोलैछै, कथिलेकी उ झुठ चियै आ उ झुठके पिता चियै।

१ युहन्‍ना 5:19

हमसब परमेस्‍वरके बेटा-बेटी चियै आ पुरे सन्‍सार दुस्‍ट सैतानेके बन्‍धनमे छै कैहके अपनासब जानैचियै।

१ युहन्‍ना 4:4

हमर धियापुतासब, तुसब परमेस्‍वरके चिही आ तुसब झुठा अगमबक्‍तासबके जितनेचिही कथिलेत तोरासबमे रहल पबितर आत्‍मा सन्‍सारमे भेल आत्‍मासे सक्‍तिसाली छै।

युहन्‍ना 12:31

आब अइ सन्‍सारके नियाय हैबला समय चैल एलछै। अइ सन्‍सारके सासक बाहर निकालल जेतै।

परकास 12:9

अहिनङे उ अजेगर, जे पहिन्‍का साँप चियै, जकर नाम दुस्‍ट आत्‍मा आ सैतान सेहो चियै, जे पुरे सन्‍सारके भरमाके राखने छेलै, ओकरा आ ओकर दुतसबके सङे स्‍वरगसे पिरथिबीमे फेक्‍नेछेलै।

लुका 8:31

तब भुतसब येसुके बिन्‍ती करल्‍कै, “हमरासबके निक्‍ले नै सकैबला गैहर खाइधमे नै पठाबु।”

युहन्‍ना 5:2

यरुसलेम सहरमे भेरा-केबारके लगमे एकटा पोखैर छेलै। जकरा हिबरु भसामे बेथस्‍दा कहैछै, जकर चारुकात पाँचटा दलान छेलै।

परकास 16:16

तब हिबरु भसामे आर-मागेड्‍डोन कहैबला ठाउमे उ असुध आत्‍मासब रजासबके जमा करल्‍कै।