परकास 8:5 - मध्‍य पुरविया थारू

⁵ तकरबाद उ स्‍वरगदुत धुपदानी लेके ओइमे बेदीके आइग भरल्‍कै आ पिरथिबीमे फेकल्‍कै त मेघ गरजनके आबाज एलै, बिजली चमैक उठलै आ भुमकौन गेलै।

परकास 8:5 Referans Kwoze

परकास 11:19

तखन स्‍वरगमे परमेस्‍वरके मन्‍दिर खुल्‍लै आ ओकर मन्‍दिर भितर ओकर करारके सन्‍दुक देखापरलै। तब अकासमे बिजली चमैक उठलै। डरलागैबला अबाज सुनाइ देल्‍कै आ मेघके गरजन सुनेलै, भुमकौन गेलै आ बरका बरका पथल परलै।

परकास 4:5

सिंहासनसे बिजुलीसब चम्‍कैछेलै आ मेघके गर-गर आबाज आबैछेलै। सिंहासनके अगा आइगके सातटा दियासब बरैत रहलै। उ परमेस्‍वरके सात आत्‍मासब चियै।

परेरित 16:26

तहै बखत अचानक बरका भुमकौन भेलै। भुमकौनके धक्‍कासे जहलके खुट्‍टा खम्‍हा सब हिलगेलै। सब केबारसब आपने खुइलगेलै आ बान्‍हल घुरीसब खुलगेलै।

परकास 11:13

तखुन्‍ते एकटा बरका भुमकौन गेलै आ सहरके दस भाग खैसपरलै। उ भुमकौनसे सात हजार लोक मरलै। बाकी बचलहासब डरसे स्‍वरगके परमेस्‍वरके महिमा करल्‍कै।

परकास 6:12

जब थुमा छठमा लाहटके तोरल्‍कै, तब हम बरका भुमकौन गेल देखलियै। सुरुज अन्‍हार रात जखा करिया भेलै आ चान लहु जखा पुरे लाल भेलै।

परेरित 4:31

जब उसब परथना समापत करल्‍कै तब ओइठाम जते उसब जमा भेलरहै ओते सबकोइ थरकलै आ उ सबकोइ पबितर आत्‍मासे भरलै आ उसब साहसके साथ परमेस्‍वरके बचन परचार करे लाग्‍लै।

लुका 12:49

येसु कहल्‍कै, “हम यि धरतीमे आइग लगाइले एलचियै आ उ आइग पहिनेसे लाइगगेल रहतियै त निक हेतियै!

मतीके लिखल सुसमाचार 24:7

कथिलेत जातीके बिरोधमे जाती आ राजके बिरोधमे राज उठतै आ बहुतो ठामसबमे अकाल आ भुमकौन एतै।

परकास 8:3

सोनाके धुपदानी बोक्‍ने दोसर एकटा स्‍वरगदुत आइबके बेदीके कातमे ठार भेलै। सिंहासनके अगा भेल सोनाके बेदीमे परमेस्‍वरके जनसबके परथनासङे चरहाबैके लेल ओकरा बहुत गमकैबला धुप देल्‍कै।