परकास 8:3 - मध्‍य पुरविया थारू

³ सोनाके धुपदानी बोक्‍ने दोसर एकटा स्‍वरगदुत आइबके बेदीके कातमे ठार भेलै। सिंहासनके अगा भेल सोनाके बेदीमे परमेस्‍वरके जनसबके परथनासङे चरहाबैके लेल ओकरा बहुत गमकैबला धुप देल्‍कै।

परकास 8:3 Referans Kwoze

परकास 5:8

तकरबाद उ चारटा जिबित परानीसब आ चौबिसटा धरमगुरुसब अगा आइबके निहुक गेलै। सबके हाथमे एक-एकटा बजाबैबला बिना आ धुप गमकसे भरल सोनाके बाटी छेलै, उ धुपके गमक त परमेस्‍वरके लोकसबके चरहाल बिन्‍ती परथना चियै।

परकास 8:4

परमेस्‍वरके अगा ठारभेल स्‍वरगदुतके हाथसे धुपके धुवाँ परमेस्‍वरके जनसबके परथनासङे उपर दिसन गेलै।

लुका 1:10

धुप बारै बखत लोकसबके भिर बाहरमे परथना कैर रहल छेलै।

परकास 9:13

तकरबाद छठम स्‍वरगदुत आपन तुरही फुकल्‍कै त हम परमेस्‍वरके अगा भेल सोनाके बेदीके चार सिंङसे निकलल एकटा अबाज सुनलियै।

हिबरु 9:4

ओते धुप बारैबला सोनाके बेदी आ सोनाके पतरसे सजल करारके सन्‍दुक छेलै। जै सन्‍दुकमे मन्‍न खाइबला चिज सोनाके भरियामे राखल छेलै। कोरही एल हारुनके लाठी आ परमेस्‍वरके लिखल दस आग्‍याके दुइटा पथलके सिलेटसब छेलै।

हिबरु 7:25

अहैलेल येसुमे बिस्‍बास कैरके परमेस्‍वरके लग आबैबलासबके उ सबदिन उधार करैले सकैछै, कथिलेत ओइसबके लेल परमेस्‍वरसङे परथना करैले सबदिन जिबितछै।

रोमी 8:34

तब के अपनासबके दन्‍ड दैले सक्‍तै? कोइ नै सक्‍तै, कथिलेत येसु खिरिस्‍ट अपनासबके लेल मरलै। ओतबे नै, परमेस्‍वर ओकरा मरलसे जियेल्‍कै आ अखुन परमेस्‍वरके दहिनाकात बैठलछै आ अपनासबके लेल परमेस्‍वरसे बिन्‍ती कैररहलछै।

परकास 7:2

जिबित परमेस्‍वरके लाहट लेके एकटा स्‍वरगदुत पुरुबसे उपर दिसन आबैत हम देखलियै। पिरथिबी आ समुन्‍दरके नोक्‍सान करैबला अधिकार पाबलहा चारटा स्‍वरगदुतसबके उ जोरसे अनङ कहल्‍कै,

परकास 6:9

तकरबाद थुमा पाँचम लाहटके तोरल्‍कै, तब बेदीके निचा हम ओइसबके आत्‍मासबके देखलियै, जकरा परमेस्‍वरके बचन सुनेलाके खातिर आ ओकर बारेमे गबाही देलाके खतिर काइटके मुवाइने छेलै।

परकास 10:1

तकरबाद हम दोसर सक्‍तिसाली स्‍वरगदुतके स्‍वरगसे निचा उतरैत देखलियै। ओकर देह बादलसे झापल छेलै आ मुरी उपर पैनसोका छेलै। ओकर चेहरा सुरुजके जखा आ ओकर टाङसब आइगके खम्‍हा जखा छेलै।

परकास 8:5

तकरबाद उ स्‍वरगदुत धुपदानी लेके ओइमे बेदीके आइग भरल्‍कै आ पिरथिबीमे फेकल्‍कै त मेघ गरजनके आबाज एलै, बिजली चमैक उठलै आ भुमकौन गेलै।

परकास 14:18

तब बेदीसे दोसर स्‍वरगदुत एलै, जकरा आइग उपर अधिकार देलगेल छेलै। तब उ चोख हसुवा लैबला स्‍वरगदुतके जोरसे अनङ कहल्‍कै, “तोहर चोख हसुवा चला आ पिरथिबीमे भेल अङगुरके झोखासब जम्‍मा कर, कथिलेकी पिरथिबीके सब अङगुर पाइकगेलछै।”