परकास 6:2 - मध्‍य पुरविया थारू

² हमर अगा एकटा उजर घोरा देखा परलै आ ओकर उपर सबार भेल लोक एकटा धनुस लेने छेलै, तकरबाद परमेस्‍वर ओकरा एकटा मुकुट देल्‍कै तब उ दोसरके जितैके लेल अगा बरहलै।

परकास 6:2 Referans Kwoze

परकास 3:21

जे जित्‍तै, हम ओकरा हमर सिंहासनमे हमरसङे बैठैले हक देबै, जनङ हम जितलियै आ आपन पितासङे ओकर सिंहासनमे बैठल चियै।’

परकास 14:14

तब हम एकटा उजर बादल आ ओइ बादलमे मानबके बेटा जखा एकटा लोक बैठल देखलियै। जकर मुरीमे सोनाके मुकुट छेलै आ हाथमे एकटा चोख हसुवा छेलै।

परकास 11:15

सातम स्‍वरगदुत आपन तुरही फुकल्‍कै त स्‍वरगमे बरका अबाज एहेन कहल्‍कै, “पिरथिबीमे राज करैके अधिकार आबसे अपनासबके परभु आ ओकर खिरिस्‍टके चियै आ उ जुगो-जुगतक राज करतै।”

परकास 17:14

उसब थुमाके बिरोधमे लराइ करतै महज थुमा आपनसङे बोल्‍याल, छानल आ बिस्‍बास योग्‍यसबके ल्‍याके ओकरासबके जित्‍तै कथिलेत उ परभुसबके परभु आ रजासबके रजा चियै।

परकास 15:2

हम आइगसङे मिलल सिसाके समुन्‍दर जखा देखलियै। ओते जानबर, ओकर मुरतिमे आ ओकर नामके सङख्‍यामे बिजय पाबैबला लोकसब छेलै। उसब आपन हाथमे परमेस्‍वरके देल बिना लके सिसाके समुन्‍दरके कातमे ठारभेल छेलै।

परकास 11:18

जाती जातीके लोकसब करोधसे भरलछै, महज आब अहाँके आपन करोध देखाबैबला समय एलछै, मरलहासबके नियाय करैबला समय एलछै आ अहाँके सेबकसब, अगमबक्‍तासब आ पबितर जनसब आ अहाँके डर मानैबला छोट-बरका सबके इनाम दैबला समय आ पिरथिबीके बिनास करैबलासबके नास करैके समय एलछै।”

१ कोरन्‍थी 15:25

कथिलेत खिरिस्‍ट आपन सब दुस्‍मनसबके आपन टाङके तरमे नै राखैतलिक ओकरा राज करैये परतै।

परकास 19:14

स्‍वरगके सिपाहीसब सफा उजर आ मलमलके बस्‍तर लग्‍याके उजर घोरासबमे चहैरके ओकर पछा-पछा गेलै।

मतीके लिखल सुसमाचार 28:18

तखने येसु ओइसबलग आइबके कहल्‍कै, “स्‍वरगके आ पिरथिबीके सब अधिकार हमरा देल गेल छै।

परकास 9:7

उ फैनगासब लराइमे जाइके लेल तयार भेल घोरासब जखा छेलै। ओकरासबके कपारमे सोनाके मुकुट जखा कुछ चिज छेलै आ ओइसबके चेहरा लोकसबके चेहरा जखा छेलै।