परकास 4:4 - मध्‍य पुरविया थारू

⁴ उ सिंहासनके चारुओर चौबिसटा सिंहासनसब छेलै आ मुरमे सोनाके मुकुट आ उजर बस्‍तर पहिरने चौबिस गोरा धरमगुरुसब उ सिंहासनमे बैठल छेलै।

परकास 4:4 Referans Kwoze

परकास 11:16

तब परमेस्‍वरके अगा आपन आपन सिंहासनमे बैठैबला उ चौबिस धरमगुरुसब भुइयामे निहैकके एहेन कहैत आराधना करल्‍कै,

मतीके लिखल सुसमाचार 19:28

येसु उसबके कहल्‍कै, “साँचेके हम तोरासबके कहैचियौ, नया सिरिस्‍टीमे जहिया मानबके पुतर आपन महिमाके सिंहासनमे बैठतै, तहिया तुहुसब बारह सिंहासनमे बैठबही आ इजराएलके बारह कुलके नियाइ करबिही।

परकास 4:10

उसब गित गाबैतरहैत बेरमे सबदिन जिबित आ सिंहासनमे बिराजमान रहैबलाके अगा उ चौबिसटा धरमगुरुसब गोरलागल्‍कै आ आपन-आपन मुकुट ओकर सिंहासनके अगा राइखके अनङ कहल्‍कै,

परकास 7:11

सिंहासन, धरमगुरु आ चार जिबित परानीके चारुकात स्‍वरगदुतसब ठारभेल छेलै। उसब सिंहासनके अगा निहुकके अनङ कैहके परमेस्‍वरके आराधना करल्‍कै:

परकास 20:4

तब हम सिंहासनसब आ ओइमे बैठलसबके देखलियै, जकरा नियाइ करैके अधिकार परमेस्‍वर देनेछेलै। तकरबाद हम येसुके गबाही आ परमेस्‍वरके बचन परचार करलासे मुरी कटलहासबके आत्‍मासब देखलियै। उसब जानबर या मुरतिके पुजा नै करनेरहै, नै त आपन कपार या हाथमे ओकर चेन्‍हा बनाइनेरहै। उसब फेरसे जिबित भेलै आ खिरिस्‍टसङे एक हजार बरिसतक राज करल्‍कै।

परकास 5:14

तब उ चारु जिबित परानी कहल्‍कै, “आमेन” आ उ धरमगुरुसब निहैकके गोरलगी करल्‍कै।

परकास 5:8

तकरबाद उ चारटा जिबित परानीसब आ चौबिसटा धरमगुरुसब अगा आइबके निहुक गेलै। सबके हाथमे एक-एकटा बजाबैबला बिना आ धुप गमकसे भरल सोनाके बाटी छेलै, उ धुपके गमक त परमेस्‍वरके लोकसबके चरहाल बिन्‍ती परथना चियै।

लुका 22:30

तब तुसब हमर राजमे हमरे सङे-सङे खेबही, पिब्‍ही आ इजराएलके बारहो कुलके नियाइ करैले राज गद्‍दीमे बैठबिही।”

२ तिमोथी 4:8

आब त परमेस्‍वर हमर खातिर धारमिकताके मुकुट राखनेछै। जे पुरस्‍कार धारमिकताके नियाय करैबला परभु ओइ दिन हमरा देतै, उ हमरा मातरे नै महज जेसब तन-मनसे ओकर आबैबला बाट ताकैछै ओइसबके लग्‍यादेतै।

परकास 19:4

तब उ चौबिस धरमगुरु आ चार जिबित परानीसब ठेङहुनिया द्‍याके सिंहासनमे बैठल परमेस्‍वरके आराधना करल्‍कै आ एहैन कैहके जयजयकार करल्‍कै, “आमेन, हालेलुयाह।”

परकास 7:9

तकरबाद हम ताकलियै त कोइ नै गनैले सकैबला लोकसबके एकटा बरका भिर देखलियै। उसब हरेक जाती, हरेक कुल, हरेक देस आ हरेक भसाके लोक छेलै। उसब उजर बस्‍तर पिन्‍हके हाथमे खजुरके ठाइर लेके सिंहासन आ थुमाके अगा ठारभेल हम देखलियै।

परकास 19:14

स्‍वरगके सिपाहीसब सफा उजर आ मलमलके बस्‍तर लग्‍याके उजर घोरासबमे चहैरके ओकर पछा-पछा गेलै।

परकास 6:11

परमेस्‍वर ओइसब हरेकके एकटा-एकटा उजर बस्‍तर देल्‍कै आ ओकरासबके अनङ कहल्‍कै कि तोरासबके सङी सेबक आ भाइसबके तोरेसबके गन्‍ती जतहेक नै मारैतक बिसराम कर।

परकास 9:7

उ फैनगासब लराइमे जाइके लेल तयार भेल घोरासब जखा छेलै। ओकरासबके कपारमे सोनाके मुकुट जखा कुछ चिज छेलै आ ओइसबके चेहरा लोकसबके चेहरा जखा छेलै।

परकास 2:10

तोरा जे कस्‍ट परेबलाछौ ओइसे नै डरा। तोहर बिस्‍बास जाँचके लेल सैतान तोरासबमेसे कतेक लोकके जहलमे ढोकतौ। अहिनङ कैरके तोरासबके दस दिनतक कस्‍ट सहैले परतौ। तु मिरतु तक हमरमे बिस्‍बास करैले नै छोर। तब हम तोरा जिबनके मुकुट देबौ।’

परकास 3:18

अहैलेल हम तोरा यि सल्‍लाह दैचियौ कि, धनिक हैकेलेल आइगसे खारल निखुर सोना हमरसे किन। आपन नाङट आङके लाज झापैके लेल उजर बस्‍तर हमरसे किनके लगा आ आँखसे देखे सकैबला हैकेलेल हमरे मलहम किनके लगा।

परकास 4:6

सिंहासनके अगा समुन्‍दर जखा देखाइबला चिज छेलै। उ चिज सिसा जखा सफा देखाइछेलै। आँखे आँख भेल चारटा जिबित परानी सिंहासनके अगा आ पछा कैरके चारुकातसे घेरनेछेलै।

परकास 5:6

तकरबाद हम चारटा जिबित परानी आ धरमगुरुसबसे घेरल सिंहासनके बिचमे एकटा थुमा ठारभेल देखलियै। उ थुमा मारल जखा देखाइछेलै। ओकरा सातटा सिङ आ सातटा आँख छेलै। सातटा आँख पुरे पिरथिबीमे पठाल परमेस्‍वरके सात आत्‍मा चियै।

परकास 5:11

तब हम देखलियै त बहुतो स्‍वरगदुतसब गित गाबैत रहै, जेसब सिंहासन, चारु जिबित परानी आ धरमगुरुके चारुदिसन ठारभेल छेलै, जकर गन्‍ती लाखो-लाख आ करोरोमे छेलै।

परकास 14:3

वह्‍या एक लाख चौबालिस हजार लोकसब सिंहासनके अगा आ उ चार जिबित परानी आ धरमगुरुसबके अगा एकटा लया गित गाबैछेलै। ओइसबके पिरथिबीसे मोल तिरके छोरेने छेलै। ओइसबके बाहेक कोइ नै उ गित सिखैले सकैछेलै।