परकास 3:18 - मध्‍य पुरविया थारू

¹⁸ अहैलेल हम तोरा यि सल्‍लाह दैचियौ कि, धनिक हैकेलेल आइगसे खारल निखुर सोना हमरसे किन। आपन नाङट आङके लाज झापैके लेल उजर बस्‍तर हमरसे किनके लगा आ आँखसे देखे सकैबला हैकेलेल हमरे मलहम किनके लगा।

परकास 3:18 Referans Kwoze

परकास 16:15

“देख, हम चोर जखा अनचेकेमे एबौ। उ लोक धैनके चियै, जे जागल रहैछै आ आपन बस्‍तरके जोग्‍याके राखैछै। उ लोकके नाङटे चले नै परतै आ लोकसबके बिचमे लाजमे नै परतै!”

१ पतरुस 1:7

नास हैबला सोनाके आइगमे खाइरके सुध करल जखा तोरासबके बिस्‍बास ओहौसे मुल्‍यबान छौ। अहै खातिर तोरासबके बिस्‍बास सच ठहरे आ येसु खिरिस्‍ट परगट हैबला दिनमे परसन्‍सा, महिमा आ आदरके योग्‍य बने।

परकास 19:8

ओकरा चमकदार आ साफ मलमलके बस्‍तर पिन्‍हैले देल्‍कै।” चमकदार मलमलके बस्‍तर त परमेस्‍वरके पबितर जनसबके धारमिक कामसब चियै।

परकास 7:13

तकरबाद एकटा धरमगुरु हमरा पुछल्‍कै, “यि उजर बस्‍तर लगाइबलासब के चियै आ कतेसे एलछै?”

मतीके लिखल सुसमाचार 13:44

“स्‍वरगके राज खेतमे गारल बहुत अनमोल धन जखा चियै, जे कोनो एकटा लोकके भेटैछै, ओकरा उ माइटके तरमे गाइरके राखैछै आ खुसी हैत जाइछै आ आपन सब धन-सम्‍पती बेचके ओहे खेत किनैछै।

याकुब 2:5

हे हमर पिरिय भाइ-भैयासब, सुन। कि परमेस्‍वर सन्‍सारके गरिबसबके बिस्‍बासमे धनिक बनाके ओइ राजके हकदार हैकेलेल नै चुन्‍ने छै? ओह्‍या राज ओकरा परेम करैबलासबके उ दैले परतिग्‍या करनेचियै नै?

परकास 3:17

हम धनिक चियै आ हमरा कोनो चिजके कमी नै छै कैहके कहैचिही महज तोरा आपने दसा थाहे नै छौ कि तु दुखी, दया लागैबला, गरिब, आन्‍हर आ नाङटे चिही।

परकास 2:9

हमरा तोहर कस्‍ट आ तोहर गरिबी थाहछै। महज बास्‍तममे तु धनिक चिही। हम ओकरासबके चिन्‍हैचियै, जे आपनके यहुदी त चियै कहैछै, महज बास्‍तममे नै चियै। उसब तोहर बिरोध करल निन्‍दा हम जानैचियै। उसब त सैतानके लोकसब चियै।

२ कोरन्‍थी 8:9

कथिलेकी अपनासबके परभु येसु खिरिस्‍टके अनुगरह तोरासबके थाहे छौ, उ धनिक छेलै तयौ तोरासबके लेल उ गरिब भेलै ताकि ओकर गरिबीसे तुसब धनिक बनैले सक।

२ कोरन्‍थी 5:3

कथिलेकी जब अपनासब स्‍वरगिय देह बस्‍तर जखा लगाइबै, तब अपनासब स्‍वरगमे आत्‍मा सहितके देह पाब्‍बै।

लुका 12:21

तब येसु फेनो ओकरा कहल्‍कै, “आपन खातिर कतबो धन समपैत जमा कैरले, महज परमेस्‍वरके नजरमे धनिक नै भेल लोकके दसा ऐहनङ हैछै।”

मतीके लिखल सुसमाचार 25:9

महज बुधिमती कनियासब उतर देल्‍कै, ‘हमरासब आ तोरासबके पुगैबला बेसी तेल नै छौ, बरु असल यि हेतौ कि दोकानमे ज्‍याके आपन लेल तेल किनके आइनले।’

१ तिमोथी 6:18

आन लोकके भलाइ करैले, असल काममे धनिक हैले, खाचोमे परलहा लोकसबके सहायता करैले आ आपनसङे भेल चिज औरोसबके दैले ओइसबके कह।

परकास 4:4

उ सिंहासनके चारुओर चौबिसटा सिंहासनसब छेलै आ मुरमे सोनाके मुकुट आ उजर बस्‍तर पहिरने चौबिस गोरा धरमगुरुसब उ सिंहासनमे बैठल छेलै।