परकास 3:15 - मध्‍य पुरविया थारू

¹⁵ तोरासबके काम हमरा थाहछै। तुसब नै त जुर चिही नै त गरम चिही। कि त तुसब जुर कि त गरम रहतिही त असल हेतियै।

परकास 3:15 Referans Kwoze

रोमी 12:11

करैबला काममे कोरहिया नै बन महज पबितर आत्‍मामे जोसगर हो आ परभुके सेबा करैतरह।

मतीके लिखल सुसमाचार 6:24

“दुइटा मालिकके सेबा कोइ नै करे सकैछै। कथिलेत उ एकटाके घिरना करतै आ दोसरसे परेम करतै। उ एकटाके मान-दान करतै आ दोसरके खराब समझतै। तुसब परमेस्‍वर आ धन दुनुके सेबा करे नै सकबिही।

याकुब 1:8

ओहेन लोक घुचपिचिया हैछै आ ओइसबके चालचलन अस्‍थिर नै रहैछै।

परकास 2:4

महज तोरासबके बिरोधमे हम यि कहैचियौ कि, तुसब हमरा पहिनेके करल परेम जखा अखैन करैले छोरने चिही।

मतीके लिखल सुसमाचार 24:12

“जते-तते पाप बढलाके कारन लोकसबके एक दोसरके परेममे फिका पैरजेतै।

१ पतरुस 1:22

आब तुसब सतके माइनके आपन मन सुध कैरलेने चिही तहैलेल एक दोसर कोनो छलकपट नै कैरके भाइ-भैया आ दिदी-बहिन जखा परेम कर। हिरदयसे एक दोसरके परेम कर।

फिलिप्‍पी 1:9

हमर परथना एह्‍या चियै, कि तुसब परेम आ ठिक-बेठिक छुटयाबैबला बुइधमे झन-झन परसस्‍त कैरके बैढते जाय,

२ कोरन्‍थी 12:20

कथिलेत हम तोरासबलग भेट करैले एबौ त हमर आस करल जखा नै हेबौ आ तोरासबके आस करल जखा हम नै हेबौ कि से हमरा डर लागल छै। तोरासबके बिचमे झगरा करैबला, डाह करैबला, रिस करैबला, आपने भलाइ चाहैबला, बदनाम करैबला, घमन्‍ड आ गोलमाल करैबलासब भेटतै कि कैहके हमरा डर लागल छै।

मतीके लिखल सुसमाचार 10:37

जे कोइ हमरा परेम करैसे बेसी आपन माँ-बाबुके परेम करतै, उ हमर चेला बने नै सक्‍तै। तहिनङे जे कोइ हमरा परेम करैसे बेसी आपन धियापुताके परेम करतै सेहो हमर चेला बनैले नै सक्‍तै।

परकास 3:1

“सारडिसके मन्‍डलीके देख-भाल करैबला दुतके यि बात लिख: ‘जरकसङे सातटा तरा आ परमेस्‍वरके सातटा आत्‍माछै, उ अनङ कहैछै। तोहर काम हमरा थाहछै, तुसब आत्‍मामे जिबित चिही कैहके नाम त चललछौ, महज बास्‍तममे तुसब आत्‍मामे कमजोर भ्‍याके मरल चिही।

परकास 2:2

तोहर करल मेहनतके काम आ तोहर धिरज हमरा थाहछै। तु दुस्‍ट लोकसबके सहन करैले नै सकैचिही कैहके हमरा सेहो थाहछै। परेरित नै चियै तैयो आपनके परेरित कहैबलासबके तु जाँच कैरके झुठ साँच पता लगाइनेचिही सेहो थाहछै।

२ थेसलोनिकी 1:3

भाइ-भैयासब, तोरासबके खातिर हरदम परमेस्‍वरके धन्‍यबाद देनाइ जरुरी छै। यि फेर योग्‍यकेभी चियै, कथिलेत तोरासबके बिस्‍बास परसस्‍त बरहैत ज्‍यारहलछौ आ तोरासबके परेम एक-दोसरमे बैढरहल छौ।

१ कोरन्‍थी 16:22

कोइ परभुके परेम नै करतै त उ सरापित हेबे। हे अपनासबके परभु, आबु!

परकास 3:16

ओहैसे हम आपन मुहसे तोरासबके ओगैलदेबौ कथिलेकी तुसब नै त जुर चिही, नै त गरम चिही महज सुसमाहुर चिही।