परकास 21:8 - मध्‍य पुरविया थारू

⁸ महज डरपोकसब, बिस्‍बास नै करैबलासब, घिनलागैबला काम करैबलासब, हतियारासब, बेबिचारीसब, जादु-टोना करैबलासब, मुरती पुजा करैबलासब आ झुठ बोलैबलासबके ठाम त आइग आ गन्‍धक बरैबला भठिमे हेतै। यि दोसर मिरतु चियै।”

परकास 21:8 Referans Kwoze

परकास 2:11

‘जकरा कान छै, उ पबितर आत्‍मा मन्‍डलीसबके कथी कहैछै से बात सुने। जे जित्‍तै, ओकरा दोसर मिरतु किछो हानी नै करतै।’”

परकास 22:15

महज कुतासब जखा खराब लोकसब, जादु-टोना करैबलासब, बेबिचारीसब, हतियारासब, मुरती पुजा करैबलासब, झुठ मन पराइबला आ तै अनुसार जिबन बिताइबलासब सहरसे बाहरे रहतै।

१ युहन्‍ना 3:15

जे लोक आपन भाइके घिरना करैछै उ जानमारा चियै आ तुसब जानैचिही कि जानमारा लोकमे अनन्‍त जिबन नै रहैछै।

परकास 19:20

महज उ जानबर आ ओकर अगा अचमके चेन्‍हा देखाइबला झुठा अगमबक्‍ता दुनु पकराउमे परलै। एहैन अचमके कामसे झुठा अगमबक्‍ता ओइ जानबरके छाप लगाइबला आ मुरती पुजा करैबलासबके बहकाइने छेलै। दुनुके जिबिते आइगके धिधरामे फेक देल्‍कै।

हिबरु 13:4

सब लोकसबके बिचमे बियाह आदरनिय हेबे। घरबला आ घरबाली बिचके बैबाहिक जिबन बिस्‍बास योग्‍य हैकेचाही। कथिलेकी अनैतिक काम करैबला आ दोसरके घरबला या घरबालीसङे बिगरैबला सबके परमेस्‍वर दन्‍ड देतै।

१ तिमोथी 4:2

एहेन सिक्‍छा झुठ बोलैबला कपटी लोकसबसे आबैछै। ओइसबके बुइध धिपल लोहासे दागल रहैछै।

मतीके लिखल सुसमाचार 8:26

महज येसु ओकरासबके कहल्‍कै, “कथिले तुसब डेराइचिही? तोरासबके बिस्‍बास कते गेलौ?” तब येसु उइठके अन्‍हर-बिहाइर आ तालके हप्‍केल्‍कै आ अन्‍हर-बिहाइर एकदम सान्‍त भ्‍यागेलै।

परकास 9:21

उसब हतिया करैसे, जादु-टोना करैसे, बेबिचार करैसे आ चोरि-चकारी करैसे मन नै फिराइल्‍कै।

युहन्‍ना 8:44

तोरासबके पिता त सैतान चियौ आ तुसब आपन पिताके इक्‍छा पुरा करैले चाहैचिही। उ त सुरुवेसे हतियारा छौ, सत चिजसे ओकरा कोनो मतलब नै छै, कथिलेत ओकरमे कोनो सत नै छै। जब उ झुठ बोलैछै, उ आपन स्‍वभाब अनुसार बोलैछै, कथिलेकी उ झुठ चियै आ उ झुठके पिता चियै।

मतीके लिखल सुसमाचार 10:28

ओइसबसे नै डेरा जे देहके मातरे मारैछै, महज आत्‍माके नै मारे सकैछै। बरु ओकरेसङे डेरा जे आत्‍मा आ देह दुनुके नास कैरके नरकमे फेकैके सक्‍ती छै।

१ युहन्‍ना 2:22

तब झुठ के चियै त? झुठ वह्‍या चियै जे येसुवे खिरिस्‍ट चियै कहैले इन्‍कार करैछै। पिता आ बेटाके जे कोइ इन्‍कार करैछै वह्‍या खिरिस्‍ट बिरोधी चियै।

१ युहन्‍ना 5:10

जे कोइ परमेस्‍वरके बेटामे बिस्‍बास करैछै, ओकर हिरदयमे अइ बातके साक्‍छी रहैछै। परमेस्‍वरके बिस्‍बास नै करैबला ओकरा झुठा ठहराइछै, कथिलेकी परमेस्‍वर आपन बेटाके बारेमे देल साक्‍छीके उ बिस्‍बास नै करैछै।

परकास 2:2

तोहर करल मेहनतके काम आ तोहर धिरज हमरा थाहछै। तु दुस्‍ट लोकसबके सहन करैले नै सकैचिही कैहके हमरा सेहो थाहछै। परेरित नै चियै तैयो आपनके परेरित कहैबलासबके तु जाँच कैरके झुठ साँच पता लगाइनेचिही सेहो थाहछै।

२ थेसलोनिकी 2:9

उ ब्‍यबस्‍था भङ करैबला सैतानके सक्‍ती ल्‍याके एल रहैछै, तब सब तरहके झुठा चेन्‍हा आ अजगुत-अजगुतके कामसबके चेन्‍हा देखाइतौ।

हिबरु 12:24

तुसब त परमेस्‍वर आ लोकसबके बिचमे लबका करार बान्‍हैबला मध्‍यस्‍तकरता येसुलग एलचिही। तुसब हाबिलके लहुसे बेसी असल बातके परतिग्‍या करैबला येसुके लहुमे एल चिही।

तितस 1:16

उसब परमेस्‍वरके जानैछै कैहके दाबी करैछै महज ओइसबके बेबहारसे उसब परमेस्‍वरके इन्‍कार करैछै से बात देखाइछै। उसब घिनलागैबला आ अटेरी हैछै आ कोनो असल काम करे लाएकके नै छै।

परकास 9:17

हमर दरसनमे देखापरल घोरा आ घोरसबारसब एहेन छेलै, ओकरासबके छातिके कबच आइग जखा लाल, निल आ हरदी रङके छेलै। घोरासबके मुरी सिंहसबके मुरी जखा छेलै आ ओइसबके मुहसे आइग, धुवाँ आ गन्‍धक निकलैछेलै।

परकास 14:10

तकरा परमेस्‍वरके करोधके बाटीमे बिना मिलाबटके तयार करल परमेस्‍वरके करोधके करा दाखमध पियैले परतै। उसब पबितर स्‍वरगदुतसब आ थुमाके अगा आइग आ गन्‍धकमे कस्‍ट भोग्‍तै।

परकास 21:27

महज असुध चिज, घिरनित काम करैबला आ झुठ बोलैबलासब उ सहरके भितर जाइले नै पाबतै। थुमाके जिबनके किताबमे नाम लिखलहासब मातरे ओते जाइले पाबतै।

मतीके लिखल सुसमाचार 25:25

अहैलेल अहाँके डरके खातिर हम त अहाँके देल सोनाके डलर जमिन खुइनके घोसाइरके राखनेछेलियै। लिय अहाँके सोनाके डलर।’

मरकुस 9:44

[नरकमे नै त किरा मरैछै नै त आइगे बुताइछै।]