परकास 21:22 - मध्‍य पुरविया थारू

²² हम सहरके भितरमे कोनो मन्‍दिर नै देखलियै। कथिलेत सरबसक्‍तिमान परभु परमेस्‍वर आ थुमे ओइ सहरके मन्‍दिर छेलै।

परकास 21:22 Referans Kwoze

युहन्‍ना 4:23

महज समय आइबरहल छै आ समय एह्‍या चियै। साँचोके आराधना करैबलासब पबितर आत्‍माके अगुवाइमे आ सत बात अनुसार पिताके आराधना करतै। कथिलेत अहिनङे आराधना करैबलासबके आपन आराधना करैले ताकैछै।

परकास 1:8

सरबसक्‍तिमान परभु परमेस्‍वर कहैछै, “सुरु आ अन्‍त हम्‍ही चियै।” हम उहे चियै, जे छै, जे छेलै आ जे एतै।

परकास 16:7

तकरबाद हम बेदीलगसे एकटा एहेन अबाज सुनलियै, “हे सरबसक्‍तिमान परभु परमेस्‍वर, अहाँके नियाइ ठिक आ सत छै!”

परकास 5:6

तकरबाद हम चारटा जिबित परानी आ धरमगुरुसबसे घेरल सिंहासनके बिचमे एकटा थुमा ठारभेल देखलियै। उ थुमा मारल जखा देखाइछेलै। ओकरा सातटा सिङ आ सातटा आँख छेलै। सातटा आँख पुरे पिरथिबीमे पठाल परमेस्‍वरके सात आत्‍मा चियै।

कलस्‍सी 2:9

कथिलेत परमेस्‍वरके सारा परिपुर्‌नता खिरिस्‍टके देहमे बास करैछै।

युहन्‍ना 4:21

येसु ओकरा जबाब देल्‍कै, “हे जनि, हमरा बिस्‍बास कर, उ समय आइबरहलछौ, जब तुसब नै त यि पहारमे नै त यरुसलेममे पिताके आराधना करबिही।

परकास 15:3

उसब अनङ कैहके परमेस्‍वरके दास मोसाके भजन आ थुमाके भजन गाबैछेलै, “हे सरबसक्‍तिमान परभु परमेस्‍वर! अहाँके काम कतेक महान आ अदभुत छै, हे जाती जातीके रजा! अहाँके बाट धारमिक आ सत छै।

परकास 11:17

“हे सरबसक्‍तिमान परभु परमेस्‍वर, अहाँ जे चियै आ छेलियै, हमसब अहाँके धन्‍यबाद चरहाइचियै, कथिलेत अहाँ आपन महान अधिकार हाथमे लेनेचियै आ आपन सासन करैले सुरु करल्‍कै।

परकास 4:8

उ चारु परानीके छ-छटा डेन छेलै आ डेनके बाहर आ भितरमे आँखसे झापल छेलै। दिनरात उसब नै थाकैत पिराइत अनङ गाबैत रहैछै। “सरबसक्‍तिमान परमेस्‍वर पबितर, पबितर, पबितर चियै। उ छेलै, उ छै आ उ रहतै।”

कलस्‍सी 1:19

कथिलेत परमेस्‍वरके निरनयसे ओकर आपन सब स्‍वभाव खिरिस्‍टमे मिलल छै।

युहन्‍ना 10:30

पिता आ हम एके चियै।”

परकास 19:15

जाती-जातीके लोकसबके नास करैले ओकर मुहसे धारबला तलबार निकलल छेलै। उ ओइसबके लोहाके डन्‍टासे सासन करतै आ कोल्‍हुमे अङगुरके रस निकालल जखा सरबसक्‍तिमान परमेस्‍वरके करोध ओइसबके गुन्‍डीमिसान करतै।

परकास 16:14

उसब अचमके चेन्‍हा देखाइबला आत्‍मासब चियै। उसब पिरथिबीके जम्‍मे रजासब लग जाइछै आ सरबसक्‍तिमान परमेस्‍वरके महान दिनमे जुध करैले ओकरासबके जमा करैछै।

मतीके लिखल सुसमाचार 24:2

तब येसु ओइसबके कहल्‍कै, “तुसब देखरहलचिही कि नै? साँचे हम तोरासबके कहैचियौ, एक पथल दोसर पथल उपर नै रहतौ, यि सब भहैरके गिरतौ।”

परकास 7:15

अहैकारनसे, उसब परमेस्‍वरके सिंहासनके अगामे छै आ दिन रात परमेस्‍वरके मन्‍दिरमे परमेस्‍वरके सेबा करैछै। सिंहासनमे बिराजमान हैबला आपनेसे परगट हैत ओइसबके सुरक्‍छा करतै।

परकास 7:17

कथिलेत सिंहासनके बिचमे रहैबला थुमा ओकरासबके चरबाहा हेतै, ओकरासबके डोरियाइत जिबनके पानीके मुलमे लजेतै आ परमेस्‍वर ओकरासबके आँखके सब लोर पोइछदेतै।”

परकास 14:4

उसब कहियो नै जनिसबसङे देहके समबन्‍ध राखने छेलै आ आपनेके सुध राखने छेलै। थुमा जते जते जाइछेलै ओकर पछा लागैबला वहेसब छेलै। परमेस्‍वर आ थुमाके लेल पहिल्‍का फलके रुपमे लोकसबके बिचसे ओकरासबके मोल तिरके छुटाइने छेलै।

युहन्‍ना 13:32

यदि परमेस्‍वरके महिमा बेटासे भेलछै त, परमेस्‍वरो ओकरा आपनलग महिमीत करतै आ उ ओकरा जल्‍दीए महिमीत करतै।