परकास 20:12 - मध्‍य पुरविया थारू

¹² हम बरका आ छोटका सब मरलसबके सिंहासनके सामने ठारभेल देखलियै आ किताबसब खोलल्‍कै। दोसर किताब खोलल्‍कै, जे जिबनके किताब छेलै। उ किताबमे लिखल अनुसार, ओकरासबके काम अनुसार मरलसबके नियाइ भेलै।

परकास 20:12 Referans Kwoze

२ कोरन्‍थी 5:10

कथिलेकी हम सबगोरा खिरिस्‍टके नियाय आसनके सामने खरा हैलेपरतै। ताकी हमसब अइ देहमे करल असल या खराब काम अनुसारके परतिफल पाब्‍बै।

मतीके लिखल सुसमाचार 16:27

कथिलेत जब मानबके बेटा आपन पिताके महिमामे स्‍वरगदुतसबके सङे एतै तब ओइ बखत सब लोकसबके आपन-आपन काज अनुसारके इनाम देतौ।

परकास 22:12

“देख, हम जल्‍दिए आइबरहल चियौ। हरेक लोकके ओकरासबके करल आपन-आपन काम अनुसारके दैबला इनाम हमरसङे छै।

परकास 2:23

ओकर पछा लागैबला बेटा-बेटीसबके हम खतम करबै। तब सब मन्‍डलीसब थाह पाबतै कि हम वहे चियै जे सबके मन आ हिरदयके जाँच करैचियै। हम तोरासबके काम अनुसारके इनाम देबौ।

परकास 11:18

जाती जातीके लोकसब करोधसे भरलछै, महज आब अहाँके आपन करोध देखाबैबला समय एलछै, मरलहासबके नियाय करैबला समय एलछै आ अहाँके सेबकसब, अगमबक्‍तासब आ पबितर जनसब आ अहाँके डर मानैबला छोट-बरका सबके इनाम दैबला समय आ पिरथिबीके बिनास करैबलासबके नास करैके समय एलछै।”

परकास 3:5

जे सैतानके जित्‍तै, उ अनङ उजर बस्‍तर लगाइतै आ ओकर नाम हम जिबनके किताबसे कहियो नै मिटकाइबै। उ हमर लोक चियै कैहके आपन पिता आ ओकर स्‍वरगदुतसबके अगा हम सुइकार करबै।’

परकास 20:13

जे सब समुन्‍दरमे मरल छेलै ओइसबके समुन्‍दर ओकरा देल्‍कै। मिरतु आ पताल सेहो ओइमे भेल मरलसबके देल्‍कै। तब ओकरासबके करल काम अनुसार सबके नियाइ भेलै।

परकास 21:27

महज असुध चिज, घिरनित काम करैबला आ झुठ बोलैबलासब उ सहरके भितर जाइले नै पाबतै। थुमाके जिबनके किताबमे नाम लिखलहासब मातरे ओते जाइले पाबतै।

परेरित 24:15

हम्‍हु उसब जखा परमेस्‍वरमे धरमी आ अधरमी दुनु मरलाके बाद फेनो जिबित हेतै तैमे आसा राखैचियै।

परकास 20:11

तकरबाद हम एकटा बरका उजर सिंहासन आ ओइमे बैठैबलाके देखलियै। पिरथिबी आ अकास ओकर सामनेसे भाग्‍लै आ उसब फेनसे कहियो नै देखा परलै।

परकास 19:5

तब सिंहासनसे बरका जोरसे एहेन कैहरहल एकटा अबाज एलै, “हे परमेस्‍वरके सेबकसब, ओकर डर मानैबलासब, छोट आ बरका, सबकोइ परमेस्‍वरके परसन्‍सा कर।”

फिलिप्‍पी 4:3

हमर बिस्‍बास योग्‍य सुजुगे, हम तोरा बिन्‍ती करैचियौ, कि अइ जनिसबके मदत कर, कथिलेकी यिसब हमर सङे-सङे सुसमाचारके काममे क्‍लेमेससङे आ हमर औरो सहकरमीसङे मेहनत करल्‍कै, जकर नाम जिबनके किताबमे लिखलछै।

लुका 10:20

तैयो भुतआत्‍मासब तोरासबके अधिनमे छौ कैहके खुसी नै मना, महज स्‍वरगमे तोरासबके नाम लिखलछौ तैमे खुसी मना।”

परकास 13:8

मारलगेल थुमाके जिबनके किताबमे सन्‍सारके सिरिस्‍टी हैसे पहिने नाम लिखल लोकसब बाहेक पिरथिबीमे रहैबला सबकोइ ओइ जानबरके पुजा करतै।

रोमी 2:6

परमेस्‍वर हरेक लोकके ओकर करल करम अनुसारके फल देतै।

परकास 17:8

तु जे जानबर देखलिही उ एक समयमे जिबित छेलै महज अखुन मरल छै। उ गैहर खाइदसे बाहर निकैलके एतै आ नासमे जेतै। सन्‍सारके सिरिस्‍टी हैसे पहिने जकर नाम जिबनके किताबमे लिखल नै छै, उसब उ जानबरके देखके छक परतै, कथिलेत एक समयमे उ जिबित छेलै अखुन मरल छै। महज उ पाछे फेरसे जिबित हेतै।

१ कोरन्‍थी 4:5

तैखातिर परभु नै आबैतक ककरो दोस नै लगा। आब अन्‍हारमे घोसरल बातसब उ इजोतमे लाबतै आ लोकके मनभितरके बिचारसब परकट करतै। तब सबलोक परमेस्‍वरसे आपन परसन्‍सा पाबतै।

मतीके लिखल सुसमाचार 11:22

महज हम तोरासबके कहैचियौ, नियाइके दिनमे टुरोस आ सिदोनके लोकसबके दुखसे बेसी तोरासबके दुख बेसी हेतौ।

परकास 20:15

जकर-जकर नाम जिबनके किताबमे लिखल नै भेटलै, ओकरासबके आइगके भठिमे फेकदेल्‍कै।