परकास 2:19 - मध्‍य पुरविया थारू

¹⁹ तुसब कि-कि करैचिही हमरा थाहछै। तोरासबके करल परेम, बिस्‍बास, सेबा आ तोरासबके करल धिरज हमरा थाहछै। तुसब पहिने जे करने छेल्‍ही ओहौसे बेसी अखैन करैचिही से हमरा थाहछै।

परकास 2:19 Referans Kwoze

१ तिमोथी 1:5

हमर कहैके उदेस्‍य त यि चियै कि बिस्‍बासीसब एक दोसरके परेम करे, जे परेम सुध हिरदय, असल बिबेक आ साँचोके बिस्‍बाससे मातरे आबैछै।

२ पतरुस 1:7

भक्‍तीमे भाइ-भैयाके इसनेह, भाइ-भैयारीके इसनेहमे परेम थप।

युहन्‍ना 15:2

हमरमे रहल सब ठाइर जे फल नै फराइछै, उ ओइसबके काइटदैछै आ फल फराइबला सब ठाइर औरो बेसीसे फराबे कैहके उ ओइसबके काटछाट करैछै।

२ थेसलोनिकी 1:3

भाइ-भैयासब, तोरासबके खातिर हरदम परमेस्‍वरके धन्‍यबाद देनाइ जरुरी छै। यि फेर योग्‍यकेभी चियै, कथिलेत तोरासबके बिस्‍बास परसस्‍त बरहैत ज्‍यारहलछौ आ तोरासबके परेम एक-दोसरमे बैढरहल छौ।

२ पतरुस 3:18

महज अपनासबके परभु आ मुक्‍ती दैबला येसु खिरिस्‍टके अनुगरह आ ग्‍यानमे बरहैत जो। ओकर महिमा अखैन आ सबदिन हेबे। आमेन।

१ पतरुस 4:8

सबसे मुख बात यि चियै कि तुसब एक दोसरके पुरा मनसे परेम कर, कथिलेकी परेमसे बहुतो पापसबके झाइपदैछै।

१ थेसलोनिकी 3:6

महज तिमोथी भरखरे तोरासब लगसे हमरासबलग एलछै आ तोरासबके बिस्‍बास आ परेमके बारेमे असल खबर आन्‍ने छै। तुसब हरदम हमरासबके परेमसे सम्‍झैचिही आ हमरासबके तोरासबसे भेटकरैके जतेक सुरता लागल छै ओतहेक तोरोसबके भेटैके सुरता करनेचिही से बात उ हमरासबके सुनेल्‍कै।

कलस्‍सी 3:14

यि सब गुनसबसे बेसी परेमके धारन कर कथिलेत परेमे सब बातके पुरा एकतामे आनैछै।

परकास 2:13

हमरा थाहछै, तुसब सैतानके सिंहासन भेल ठाममे रहैचिही, तैयो तुसब हमर नाममे अस्‍थिर रहैचिही। तुसब हमर भक्‍त चिही आ हमरा बिस्‍बास करैले नै छोरनेचिही से हमरा थाहछै। हमर बिस्‍बासी साक्‍छी एन्‍टिपास सैतान रहैबला ठाममे मारलगेलै, ओहु समयमे बिस्‍बास करैले नै छोरलिही।

परकास 2:9

हमरा तोहर कस्‍ट आ तोहर गरिबी थाहछै। महज बास्‍तममे तु धनिक चिही। हम ओकरासबके चिन्‍हैचियै, जे आपनके यहुदी त चियै कहैछै, महज बास्‍तममे नै चियै। उसब तोहर बिरोध करल निन्‍दा हम जानैचियै। उसब त सैतानके लोकसब चियै।

लुका 1:23

ओकर सेबाके काम ओरियागेलाके बाद उ आपन घर घुइमके गेलै।