परकास 19:15 - मध्‍य पुरविया थारू

¹⁵ जाती-जातीके लोकसबके नास करैले ओकर मुहसे धारबला तलबार निकलल छेलै। उ ओइसबके लोहाके डन्‍टासे सासन करतै आ कोल्‍हुमे अङगुरके रस निकालल जखा सरबसक्‍तिमान परमेस्‍वरके करोध ओइसबके गुन्‍डीमिसान करतै।

परकास 19:15 Referans Kwoze

परकास 1:16

ओकर दहिना हाथसे सातटा तरा पकरने रहलै आ ओकर मुहसे चोखगर दुधारके तलबार निकलल छेलै। ओकर चेहरा दुपहरके सुरुजके रौद जखा चम्‍कैत छेलै।

परकास 2:27

तकरबाद उसब लोहाके डन्‍टासे सासन करतै आ जाती जातीके लोकसबके माटीके बरतन जखा चकनाचुर करतै, जनङ हम आपन पितासे अधिकार पाबनेचियै तहिनङे ओकरा सबके देबौ।

२ थेसलोनिकी 2:8

उ ब्‍यबस्‍था भङ करैबला लोक परकट हेतै। जकरा परभु येसु आपन मुहके एक साँसमे नास करतै। परभु येसुके आपन आगमनके चमकके तेजसे ओकरा नास करतै।

परकास 19:21

बाकी लोकसब घोरामे सबार हैबलाके मुहसे निकलल तलबारसे मारलगेलै आ अकासके चिरै-चुरगुनसब ओइसबके मासु अग्‍हा-अग्‍हाके खेल्‍कै।

परकास 12:5

वह्‍या जनि सारा जातीके लोहाके डन्‍टासे सासन करैले एकटा बेटा जलमेल्‍कै। ओकर बेटाके उठाके परमेस्‍वर आपनलग आ आपने सिंहासनमे ल्‍यागेलै।

परकास 2:16

ओहै खातिर पापसे पस्‍चाताप कर, नै त हम जल्‍दिए तोरासबलग एबौ आ हमर मुहसे निकलल तलबारसे उ दुस्‍ट काम करैबलासबसङे लराइ करबौ।

परकास 2:12

“परगामममे भेल मन्‍डलीके देख-भाल करैबला दुतके यि लिख, जकरसङे दुइ दिसन धार भेल तलबार छै, उ अनङ कहैछै।

परकास 14:10

तकरा परमेस्‍वरके करोधके बाटीमे बिना मिलाबटके तयार करल परमेस्‍वरके करोधके करा दाखमध पियैले परतै। उसब पबितर स्‍वरगदुतसब आ थुमाके अगा आइग आ गन्‍धकमे कस्‍ट भोग्‍तै।