परकास 17:9 - मध्‍य पुरविया थारू

⁹ यि बातसब बुझैले ग्‍यान आ बुइध चाही। उ सातटा मुरीके मतलब सात पहार चियै, जैमे उ जनी बैठलछै।

परकास 17:9 Referans Kwoze

परकास 13:18

अइठाम बुइधके आबसेक छै, जकरा सोचैके सक्‍ति छै, उ ओइ जानबरके सङख्‍या जोरे कथिलेत उ एकटा लोकके नामके सङख्‍या चियै आ उ सङख्‍या ६६६ चियै।

परकास 17:7

महज स्‍वरगदुत हमरा कहल्‍कै, “तु कथिले छक परलिही?” हम तोरा उ जनी आ ओकरा बोकैबला सातटा मुरी आ दसटा सिङ भेल जानबरके रहस बतेबौ।

परकास 17:18

तु जे बेबिचारी जनिके देखलिही उ महानगरी चियै आ सन्‍सारके सब रजासब उपर राज करैछै।”

परकास 17:3

तब हम पबितर आत्‍मासे भरलियै आ स्‍वरगदुत हमरा उजार जगहमे ल्‍यागेलै। ओते हम लाल रङके जानबरके उपरमे एकटा जनीके बैठल देखलियै। उ जानबरके सातटा मुरी आ दसटा सिङ छेलै आ ओकर पुरे देहमे परमेस्‍वरके निन्‍दा करैबला नामसब लिखल छेलै।

परकास 13:1

हम समुन्‍दरके बालु उपर ठारभेल छेलियै तकरबाद समुन्‍दरसे निकैलके आबैत एकटा जानबर हम देखलियै। उ जानबरके दसटा सिङ आ सातटा मुरी छेलै आ सब सिङमे एकटा-एकटा मुकुट छेलै आ ओकर सब मुरीमे परमेस्‍वरके अपमान करैबला नाम लिखल छेलै।

मतीके लिखल सुसमाचार 24:15

“जब तुसब बिनास करैबला घिरनित चिज पबितर ठाममे ठारभेल देखबिही, जकर बारेमे परमेस्‍वरके अगमबक्‍ता दानिएल कहनेछै (परहैबलासब बुझे),

मतीके लिखल सुसमाचार 13:11

उ आपन चेलासबके जबाफ देल्‍कै, “तोरासबके त स्‍वरगके राजके भितरी भेद जानैले देने छौ, महज ओकरासबके नै देने छै।