परकास 17:17 - मध्‍य पुरविया थारू

¹⁷ कथिलेत परमेस्‍वर आपन उदेस्‍य पुरा करैबला मन ओकरासबके देनेछै आ परमेस्‍वरके कहल बचन पुरा नै हैतक उसब एकेमन भ्‍याके काम करतै, राज करैबला आपन अधिकार उ जानबरके देतै।

परकास 17:17 Referans Kwoze

परकास 10:7

महज जब सातमा स्‍वरगदुत आपन तुरही फुक्‍तै तब परमेस्‍वर आपन सेबक अगमबक्‍तासबके कहल रहसके योजना पुरा हेतै।”

२ कोरन्‍थी 8:16

परमेस्‍वरके धन्‍यबाद हेबे, परमेस्‍वर तोरासबके लेल हमरे जखा इक्‍छा तितसके हिरदयमे राइखदेल्‍कै।

युहन्‍ना 13:2

तब येसु आपन चेलासबसङे साँझके भोजन खाइछेलै। सैतान पहिनेसे सिमोनके बेटा यहुदा इस्‍कोरियोतके मनमे ओकरा पकरादैके बिचार राइखदेने छेलै।

परकास 17:13

उ दस रजासबके एके उदेस्‍य छै आ उसब आपन सक्‍ति आ अधिकार उ जानबरके सोइपदेतै।

युहन्‍ना 13:18

“हम तोरासबके बारेमे नै कैहरहल चियौ, जकरा-जकरा हम चुन्‍ने चियै ओकरासबके जानैचियै। महज पबितर धरमसास्‍तर पुरा हेबे कैहके ‘जे हमर रोटी खाइछै ओह्‍या हमर बिरोधमे आपन एरी उठाइनेछै।’

लुका 22:22

कथिलेत परमेस्‍वरके इक्‍छामे मानब पुतरके त मरैए परतै, महज धिक्‍कार ओइ लोकके, जे कोइ मानब पुतरके धोखा देतै।”

परकास 15:1

अकासमे हम फेनसे एकटा औरो महान आ अदभुतके चेन्‍हा देखलियै। सातटा स्‍वरगदुतसब एक एकटा बिपत बोक्‍ने छेलै। उ त परमेस्‍वरके करोधके सातटा आखिरी बिपत चियै।

युहन्‍ना 19:28

जब येसु सबकाम पुरा भेलै कैहके थाह भेलै से जाइनके पबितर धरमसास्‍तर पुरा हैके उदेस्‍यसे “हमरा पियास लाग्‍लै” कहल्‍कै।

युहन्‍ना 19:24

यि देखके उसब आपसमे कहल्‍कै, “एकरा नै फारु, महज यि ककर भागमे परतै से चिठा लगबु।” पबितर धरमसास्‍तरमे लिखल बात अनङके पुरा भेलै, “उसब हमर बस्‍तरसब आपसमे बाटल्‍कै आ हमर बस्‍तरके लेल चिठा लगेल्‍कै।” तैल्‍याके सिपाहीसब ओहिनङे करल्‍कै।

युहन्‍ना 10:35

तब पबितर धरमसास्‍तर कहियो नै झुठ हैले सक्‍तै आ जे परमेस्‍वरके बचन पाबल्‍कै, ओकरासबके उ इस्‍वरसब कहल्‍कै।

लुका 22:37

हम तोरासबके कहैचियौ, ‘उ अपराधीसबसङे गनल गेलै’ यि पबितर धरमसास्‍तरमे लिखलाहा बातसब हमरमे पुरा हेबैये परतै। कथिलेत हमर बारेमे लिखल बातसब पुरा भ्‍यारहलछै।”

लुका 22:3

तहै बखत बारहो चेलामे एकटा इस्‍करयोती कहाइबला यहुदाके मनमे सैतान ढुकलै।

परकास 6:11

परमेस्‍वर ओइसब हरेकके एकटा-एकटा उजर बस्‍तर देल्‍कै आ ओकरासबके अनङ कहल्‍कै कि तोरासबके सङी सेबक आ भाइसबके तोरेसबके गन्‍ती जतहेक नै मारैतक बिसराम कर।

परकास 19:9

तब स्‍वरगदुत हमरा अनङ कहल्‍कै, “यि लिख, उसब धैनके चियै, जेसब थुमाके बियाहके नौता पाबल्‍कै।” उ हमरा फेनसे कहल्‍कै, “एह्‍या परमेस्‍वरके सत बचनसब चियै।”