परकास 16:14 - मध्‍य पुरविया थारू

¹⁴ उसब अचमके चेन्‍हा देखाइबला आत्‍मासब चियै। उसब पिरथिबीके जम्‍मे रजासब लग जाइछै आ सरबसक्‍तिमान परमेस्‍वरके महान दिनमे जुध करैले ओकरासबके जमा करैछै।

परकास 16:14 Referans Kwoze

परकास 17:14

उसब थुमाके बिरोधमे लराइ करतै महज थुमा आपनसङे बोल्‍याल, छानल आ बिस्‍बास योग्‍यसबके ल्‍याके ओकरासबके जित्‍तै कथिलेत उ परभुसबके परभु आ रजासबके रजा चियै।

१ तिमोथी 4:1

पबितर आत्‍मा साफ-साफ कहैछै कि अन्‍तके दिनसबमे अहिनङो लोकसब हेतै जेसब बिस्‍बाससे पछा हटतै। उसब छल करैबला आत्‍माके आ भुतसबके देल सिक्‍छा मान्‍तै।

परकास 20:8

तब पिरथिबीके चारुदिसनसे लोकसबके बहकाइले या गोग आ मागोगके लराइके लेल जम्‍मा करैले निकल्‍तै। उसबके सङख्‍या समुन्‍दरके बालु सरह हेतै।

१ युहन्‍ना 5:19

हमसब परमेस्‍वरके बेटा-बेटी चियै आ पुरे सन्‍सार दुस्‍ट सैतानेके बन्‍धनमे छै कैहके अपनासब जानैचियै।

याकुब 3:15

एहेन बुइध स्‍वरगसे नै आबैछै, महज यि त सन्‍सारसे, लोकके आपन चाहनासे आ सैतानसे आबैछै।

परकास 16:16

तब हिबरु भसामे आर-मागेड्‍डोन कहैबला ठाउमे उ असुध आत्‍मासब रजासबके जमा करल्‍कै।

परकास 12:9

अहिनङे उ अजेगर, जे पहिन्‍का साँप चियै, जकर नाम दुस्‍ट आत्‍मा आ सैतान सेहो चियै, जे पुरे सन्‍सारके भरमाके राखने छेलै, ओकरा आ ओकर दुतसबके सङे स्‍वरगसे पिरथिबीमे फेक्‍नेछेलै।

युहन्‍ना 8:44

तोरासबके पिता त सैतान चियौ आ तुसब आपन पिताके इक्‍छा पुरा करैले चाहैचिही। उ त सुरुवेसे हतियारा छौ, सत चिजसे ओकरा कोनो मतलब नै छै, कथिलेत ओकरमे कोनो सत नै छै। जब उ झुठ बोलैछै, उ आपन स्‍वभाब अनुसार बोलैछै, कथिलेकी उ झुठ चियै आ उ झुठके पिता चियै।

२ थेसलोनिकी 2:9

उ ब्‍यबस्‍था भङ करैबला सैतानके सक्‍ती ल्‍याके एल रहैछै, तब सब तरहके झुठा चेन्‍हा आ अजगुत-अजगुतके कामसबके चेन्‍हा देखाइतौ।

मरकुस 13:22

कथिलेत झुठा खिरिस्‍ट आ झुठा अगमबक्‍तासब देखा परतौ। सम्‍भब त अचमके कामसब आ चेन्‍हासब देख्‍याके परमेस्‍वरके छानल लोकसबके बहकाके लजेतौ।

मतीके लिखल सुसमाचार 24:24

कथिलेत झुठा खिरिस्‍ट आ झुठा अगमबक्‍तासब देखा परतौ। सम्‍भब त अचमके कामसब आ चेन्‍हासब देख्‍याके परमेस्‍वरके छानल लोकसबके बहकेतौ।

परकास 3:10

पिरथिबीके सब जातीसबके जाँचैले अइ सन्‍सारमे आबैबला दुख कस्‍टसे हम तोरा बचाइबौ, कथिलेकी तुसब बहुत बात सैहके हमर आग्‍यापालन करनेचिही।

रोमी 1:8

सबसे पहिने, तोरासबके लेल येसु खिरिस्‍ट दुवारा हम आपन परमेस्‍वरके धन्‍यबाद चरहाइचियै, कथिलेकी खिरिस्‍टमे करल तोरासबके बिस्‍बासके बारेमे सारा दुनियामे फैललछै।

परकास 16:7

तकरबाद हम बेदीलगसे एकटा एहेन अबाज सुनलियै, “हे सरबसक्‍तिमान परभु परमेस्‍वर, अहाँके नियाइ ठिक आ सत छै!”

परकास 13:3

ओकर एकटा मुरीमे मरैले लागैबला बहौत गैहर चोट लागल छेलै, महज उ गैहर चोट निक भेलै। अहै खातिर सारा सन्‍सारके लोकसब आस्‍चरजमे पैरके ओइ जानबरके पछा लागे लाग्‍लै।

परकास 6:17

कथिलेत ओइसबके नियाय आ सजायके बरका दिन आइबगेल छै, के ओइ दिनके सहन करैले सक्‍तै?”

लुका 2:1

ओइ बखत रोमी महराज अगस्‍टस हुकुम करैत कहल्‍कै राज भैरके सबलोकके नाम लिखाके दरता करैले परतौ।

मतीके लिखल सुसमाचार 24:14

परमेस्‍वरके राजके यि सुसमाचार परचार सन्‍सार भैर करलजेतै, ताकि सब जातीके लोकसब सुनैके मौका पाबे, तकरबादे यि सन्‍सारके अन्‍त हेतै।