परकास 13:4 - मध्‍य पुरविया थारू

⁴ लोकसब उ अजेगरके पुजा करैछेलै कथिलेत अजेगर आपन अधिकार जानबरके देनेछेलै। लोकसब उ जानबरके सेहो जयजयकार करैत अनङ कहल्‍कै, “ओइ जानबर जखा औरो के छै से? ओकरसङे लराइ करे सकैबला के छै से?”

परकास 13:4 Referans Kwoze

परकास 13:2

उ जानबर चितुवा जखा लागैछेलै। ओकर टाङ भालु जखा छेलै आ मुह सिंह जखा छेलै। उ अजेगर आपन सक्‍ती, सिंहासन आ बरका अधिकार ओहै जानबरके देल्‍कै।

परकास 18:18

तब उ सहर जैरके निकलल धुवाँ देखके एहैन कहैत जोरसे कहल्‍कै, “यि महानगरी जखा त कोनो सहर नै छेलै।”

परकास 13:15

पहिन्‍का जानबरके मुरती बोले आ उ मुरतिके पुजा नै करैबला लोकसबके माइरदेबे कैहके ओइ जानबरके मुरतिमे साँस फुइकदैके अधिकार अजेगर दोसर जानबरके देल्‍कै।

परकास 12:3

तकरबाद अकासमे औरो एकटा अचमके चेन्‍हा देखा परलै, ओकर सातटा मुर आ दसटा सिङ भेल्‍हा एकटा बरका लाल अजेगर छेलै। ओकर सातटा मुरमे सातटा मुकुट रहै।

२ थेसलोनिकी 2:4

बेबस्‍था भङ करैबला लोक आपने बरका भ्‍याके लोकसब परमेस्‍वर मानैबला सब चिजसबके आ पुजा-पाठ करैबला सब चिजके बिरोध करतै। उ त परमेस्‍वरके मन्‍दिरमे बैठके उ आपनेके परमेस्‍वर चियै कहतौ।

परकास 17:14

उसब थुमाके बिरोधमे लराइ करतै महज थुमा आपनसङे बोल्‍याल, छानल आ बिस्‍बास योग्‍यसबके ल्‍याके ओकरासबके जित्‍तै कथिलेत उ परभुसबके परभु आ रजासबके रजा चियै।

परकास 9:20

उ बिपतसे बचलहा लोकसब आपन हाथके कामसबसे पस्‍चाताप नै करल्‍कै। उसब भुत-परेतसबके, देखैले नै सकैबला, सुनैले नै सकैबला आ चलै-फिरै नै सकैबला सोना, चानी, काँस, पथल आ काठके मुरतीसबके पुजैलै नै छोरल्‍कै।

२ कोरन्‍थी 4:4

सैतान, जे अइ सन्‍सारके देबता चियै से महिमीत सुसमाचारके इजोतके नै देखे कैहके खिरिस्‍टमे बिस्‍बास नै करैबला लोकसबके बुझैबला सक्‍तीके आन्‍हर बन्‍यादेनेछै।

परकास 12:4

ओकर नङरिसे स्‍वरगके एक तिहाइ तरासबके बरहाइरके पिरथिबीमे फेक देल्‍कै। तब जलमेलागल बच्‍चा जलमैत मातर खाइके लेल जलम दैबाली जनीके अगा उ अजेगर ठारभेल छेलै।

परकास 13:11

तकरबाद हम पिरथिबीसे निकलैत दोसर एकटा जानबर देखलियै। जकरा थुमा जखा दुइटा सिङ छेलै आ ओकर बोली अजेगर जखा छेलै।