परकास 13:3 - मध्‍य पुरविया थारू

³ ओकर एकटा मुरीमे मरैले लागैबला बहौत गैहर चोट लागल छेलै, महज उ गैहर चोट निक भेलै। अहै खातिर सारा सन्‍सारके लोकसब आस्‍चरजमे पैरके ओइ जानबरके पछा लागे लाग्‍लै।

परकास 13:3 Referans Kwoze

परकास 17:8

तु जे जानबर देखलिही उ एक समयमे जिबित छेलै महज अखुन मरल छै। उ गैहर खाइदसे बाहर निकैलके एतै आ नासमे जेतै। सन्‍सारके सिरिस्‍टी हैसे पहिने जकर नाम जिबनके किताबमे लिखल नै छै, उसब उ जानबरके देखके छक परतै, कथिलेत एक समयमे उ जिबित छेलै अखुन मरल छै। महज उ पाछे फेरसे जिबित हेतै।

परकास 13:14

पहिन्‍का जानबरके लेल देखाइबला अजगुतके चेन्‍हासब दुवारा उ सन्‍सारके सब लोकसबके बहकेल्‍कै। तरबारके बहौत गैहर चोटसे निक भेल ओइ जानबरके सम्‍मानमे एकटा मुरती बनाबैके आदेस दोसर जानबर सन्‍सारके लोकसबके देल्‍कै।

परकास 17:17

कथिलेत परमेस्‍वर आपन उदेस्‍य पुरा करैबला मन ओकरासबके देनेछै आ परमेस्‍वरके कहल बचन पुरा नै हैतक उसब एकेमन भ्‍याके काम करतै, राज करैबला आपन अधिकार उ जानबरके देतै।

परकास 17:10

उसब सातटा रजा सेहो चियै, ओइमेसे पाँच गोरे नास भ्‍यागेलछै। एक गोरे छेबेकरै आ एक गोरे आबैले बाकी छै। उ आइबके कुछ समयके लेल मातरे राज करतै।

परकास 17:13

उ दस रजासबके एके उदेस्‍य छै आ उसब आपन सक्‍ति आ अधिकार उ जानबरके सोइपदेतै।

परकास 13:12

दोसरका जानबर पहिल्‍का जानबरके लेल ओकर पुरे अधिकार चलाइ छेलै। पिरथिबी आ ओइमे भेल सब लोकसबके पहिन्‍का जानबरके पुजा करैले कर लगाइछेलै, जकर बहौत गैहर चोट निक भेल छेलै।

परेरित 8:13

सिमोन सेहो बिस्‍बास करल्‍कै आ बप्‍तिस्‍मा लेल्‍कै। तब उ फिलिप सङे रहेलाग्‍लै, फिलिपके करल चेन्‍हासब आ अचमके काम करैत देखके ओकरा आस्‍चरज लाग्‍लै।

लुका 2:1

ओइ बखत रोमी महराज अगस्‍टस हुकुम करैत कहल्‍कै राज भैरके सबलोकके नाम लिखाके दरता करैले परतौ।

परकास 17:6

तब हम उ जनीके परमेस्‍वरके पबितर जनसब आ येसु खिरिस्‍टके साक्‍छी दैबलासबके लहु पिके मातल देखके हम एकदम छक परलियै।

युहन्‍ना 12:19

ओहैसे फरिसीसब एक-दोसरके एहेन कहेलाग्‍लै, “आब तुसब कुछो करे नै सकैचिही। देख, सारा दुनिया ओकर पछा लाइग गेलछै!”

परकास 17:11

उ जानबर, जे पहिने जिबित छेलै महज अखुन मरलछै, उ आठम रजा चियै। सातममेसे एक चियै महज ओकर नास हेतै।