परकास 13:13 - मध्‍य पुरविया थारू

¹³ यि दोसर जानबर अजगुत-अजगुतके चेन्‍हासब देखाइल्‍कै। सबलोकके अगा उ अकाससे पिरथिबीमे आइग बरसेल्‍कै।

परकास 13:13 Referans Kwoze

मतीके लिखल सुसमाचार 24:24

कथिलेत झुठा खिरिस्‍ट आ झुठा अगमबक्‍तासब देखा परतौ। सम्‍भब त अचमके कामसब आ चेन्‍हासब देख्‍याके परमेस्‍वरके छानल लोकसबके बहकेतौ।

परकास 19:20

महज उ जानबर आ ओकर अगा अचमके चेन्‍हा देखाइबला झुठा अगमबक्‍ता दुनु पकराउमे परलै। एहैन अचमके कामसे झुठा अगमबक्‍ता ओइ जानबरके छाप लगाइबला आ मुरती पुजा करैबलासबके बहकाइने छेलै। दुनुके जिबिते आइगके धिधरामे फेक देल्‍कै।

परकास 16:14

उसब अचमके चेन्‍हा देखाइबला आत्‍मासब चियै। उसब पिरथिबीके जम्‍मे रजासब लग जाइछै आ सरबसक्‍तिमान परमेस्‍वरके महान दिनमे जुध करैले ओकरासबके जमा करैछै।

परकास 20:9

उसब पुरे पिरथिबीमे गेलै आ परमेस्‍वरके जनसबके रहैबला ठामके चारुकात आ ओकर परेम करल सहरके घेरल्‍कै महज स्‍वरगसे आइग बरैसके ओकरासबके नास करल्‍कै।

मरकुस 13:22

कथिलेत झुठा खिरिस्‍ट आ झुठा अगमबक्‍तासब देखा परतौ। सम्‍भब त अचमके कामसब आ चेन्‍हासब देख्‍याके परमेस्‍वरके छानल लोकसबके बहकाके लजेतौ।

परकास 11:5

यदि कोनो लोक ओकरासबके नास करैले खोज्‍तै त, ओकरासबके मुहसे आइग निकैलके दुस्‍मनसबके नास करतै। तहिनङे कोनो लोक ओकरासबके बिगार करैके इक्‍छा करतै त, उ ओहै किसीमसे मारलजेतै।

२ तिमोथी 3:8

जनङ यान्‍नेस आ याम्‍बरेस मोसाके बिरोध करने रहै, तैहनङ यि लोकसब सत्‍यताके बिरोध करैछै। अकरौरके बुइध भरस्‍ट भ्‍यागेल्‍छै आ बिस्‍बास हराएल छै।

मतीके लिखल सुसमाचार 16:1

कुछ फरिसीसब आ सदुकीसब एलै आ येसुके परमेस्‍वर दिसनसे एलछै कि नै कैहके जाँच करैके लेल पुछल्‍कै, “हमरासबके स्‍वरगसे एकटा चेन्‍हा देखाबु।”