परकास 12:3 - मध्‍य पुरविया थारू

³ तकरबाद अकासमे औरो एकटा अचमके चेन्‍हा देखा परलै, ओकर सातटा मुर आ दसटा सिङ भेल्‍हा एकटा बरका लाल अजेगर छेलै। ओकर सातटा मुरमे सातटा मुकुट रहै।

परकास 12:3 Referans Kwoze

परकास 17:12

तु जे दस सिङ देखलिही, से दस रजासब चियै, उसब अखुनतक राज नै करने छै। महज उसब कुछ समयके लेल उ जानबर सङे राज करैके अधिकार पाबतै।

परकास 12:9

अहिनङे उ अजेगर, जे पहिन्‍का साँप चियै, जकर नाम दुस्‍ट आत्‍मा आ सैतान सेहो चियै, जे पुरे सन्‍सारके भरमाके राखने छेलै, ओकरा आ ओकर दुतसबके सङे स्‍वरगसे पिरथिबीमे फेक्‍नेछेलै।

परकास 17:16

तु जे जानबर आ दसटा सिङके देखलिही, उ ओइ बेबिचारनी जनिके घिरना करतै। उसब ओकर सब चिज लुइटके नङटे बनाइतै आ ओकर मासु खेतै आ ओकरा आइगसे नास कैरदेतै।

परकास 17:7

महज स्‍वरगदुत हमरा कहल्‍कै, “तु कथिले छक परलिही?” हम तोरा उ जनी आ ओकरा बोकैबला सातटा मुरी आ दसटा सिङ भेल जानबरके रहस बतेबौ।

परकास 20:2

उ स्‍वरगदुत अजेगरके पकैरके एक हजार बरिसतक बाइन्‍हके राखल्‍कै। उ अजेगर सुरुके साँप या दुस्‍टके रजा आ सैतान चियै।

परकास 12:4

ओकर नङरिसे स्‍वरगके एक तिहाइ तरासबके बरहाइरके पिरथिबीमे फेक देल्‍कै। तब जलमेलागल बच्‍चा जलमैत मातर खाइके लेल जलम दैबाली जनीके अगा उ अजेगर ठारभेल छेलै।

परकास 12:1

तकरबाद अकासमे एकटा अचमके बरका चेन्‍हा देखा परलै। एकटा जनि देखा परलै, जे सुरुज पिन्‍हने छेलै, जकर टाङके निचामे चान आ मुरमे बारहटा तराके मुकुट लगेने छेलै।

परकास 16:13

तब हम अजेगरके मुहसे, जानबरके मुहसे आ झुठा अगमबक्‍ताके मुहसे बेङ जखा तिनटा असुध आत्‍मासबके निकलैत देखलियै।

परकास 19:12

ओकर आँख त आइगके धिधरा जखा छेलै आ ओकर मुरीमे बहुत मुकुटसब छेलै। ओइमे एकटा लया नाम लिखल छेलै, महज उ नाम ओकर बाहेक औरो ककरो थाह नै छेलै।

परकास 12:17

तब उ अजेगर ओइ जनीसङे औरो खिस्‍याइलै आ ओकर सन्‍तान, परमेस्‍वरके आग्‍या मानैबलासब आ येसुके साक्‍छी दैबलासब सङे लराइ करे गेलै।

परकास 12:7

तकरबाद स्‍वरगमे लराइ सुरु भेलै। मिखाएल आ ओकर औरो स्‍वरगदुतसब उ अजेगर सङे लराइ करल्‍कै। तब ओइ अजेगर आ ओकर दुतोसब ओइसबके बिरोधमे लराइ करल्‍कै।

परकास 12:13

तब उ अजेगर आपनके पिरथिबीमे फेकल चियै से बात थाह पाइबके बेटा जलमाइबाली जनिके खिहारैले लाग्‍लै।

परकास 13:1

हम समुन्‍दरके बालु उपर ठारभेल छेलियै तकरबाद समुन्‍दरसे निकैलके आबैत एकटा जानबर हम देखलियै। उ जानबरके दसटा सिङ आ सातटा मुरी छेलै आ सब सिङमे एकटा-एकटा मुकुट छेलै आ ओकर सब मुरीमे परमेस्‍वरके अपमान करैबला नाम लिखल छेलै।

परकास 13:2

उ जानबर चितुवा जखा लागैछेलै। ओकर टाङ भालु जखा छेलै आ मुह सिंह जखा छेलै। उ अजेगर आपन सक्‍ती, सिंहासन आ बरका अधिकार ओहै जानबरके देल्‍कै।

परकास 13:4

लोकसब उ अजेगरके पुजा करैछेलै कथिलेत अजेगर आपन अधिकार जानबरके देनेछेलै। लोकसब उ जानबरके सेहो जयजयकार करैत अनङ कहल्‍कै, “ओइ जानबर जखा औरो के छै से? ओकरसङे लराइ करे सकैबला के छै से?”

परकास 15:1

अकासमे हम फेनसे एकटा औरो महान आ अदभुतके चेन्‍हा देखलियै। सातटा स्‍वरगदुतसब एक एकटा बिपत बोक्‍ने छेलै। उ त परमेस्‍वरके करोधके सातटा आखिरी बिपत चियै।