परकास 12:10 - मध्‍य पुरविया थारू

¹⁰ तब हम स्‍वरगमे एहेन कहैत एकटा बरका अबाज सुनलियै, “आबसे अपनासबके परमेस्‍वर उधार करल्‍कै आ उ आपन राजकिय सक्‍ती देखेल्‍कै। आब ओकर खिरिस्‍ट अधिकार देखाइने छौ। आब अपनासबके भाइ-भैयासब दिन-रात परमेस्‍वरके अगा दोख लगाइबला सैतान स्‍वरगसे निकाइलके फेक देल्‍कै।

परकास 12:10 Referans Kwoze

लुका 22:31

तब येसु कहल्‍कै, “सिमोन, ए सिमोन देख! सैतान तोरासबके गहुमे जखा फटकैले आग्‍या माङनेछौ,

परकास 11:15

सातम स्‍वरगदुत आपन तुरही फुकल्‍कै त स्‍वरगमे बरका अबाज एहेन कहल्‍कै, “पिरथिबीमे राज करैके अधिकार आबसे अपनासबके परभु आ ओकर खिरिस्‍टके चियै आ उ जुगो-जुगतक राज करतै।”

मतीके लिखल सुसमाचार 28:18

तखने येसु ओइसबलग आइबके कहल्‍कै, “स्‍वरगके आ पिरथिबीके सब अधिकार हमरा देल गेल छै।

परकास 2:26

जे जित्‍तै आ अन्‍ततक हमर इक्‍छा पुरा करैतजेतै, तकरा हम जाती-जाती उपर अधिकार देबै।

२ कोरन्‍थी 12:9

महज परभु हमरा कहल्‍कै, “हमर अनुगरह तोहर लेल परसस्‍त छौ, कथिलेत हमर सक्‍ती कमजोरीमे पुरा हैछै।” तैखातिर खिरिस्‍टके सक्‍ति हमरमे रहे कैहके कमजोरीमे हम औरो खुसीसे घमन्‍ड करैचियै।

लुका 11:2

येसु ओकरासबके कहल्‍कै, “तुसब परथना करैतखिना अनङ कह, ‘हे हमरासबके परमेस्‍वर पिता, अहाँके पबितर नामके आदर हेबे, अहाँके राज आबे,

मतीके लिखल सुसमाचार 26:64

येसु ओकरा कहल्‍कै, “से बात अहि कैहदेलियै। तैयो हम तोरासबके कहैचियौ, एक दिन तुसब मानबके बेटाके सक्‍तीसाली परमेस्‍वरके देहना हाथ कातमे बैठल आ अकाससे बादलमे आबैत देखबिही!”

मतीके लिखल सुसमाचार 6:10

अहाँके राज आबे, अहाँके इक्‍छा जनङ स्‍वरगमे छै, तैहनङे पिरथिबीयोमे पुरा हेबे।

तितस 2:3

तहिनङे, बुढ जनिसबके परमेस्‍वरके आदर हैबला असल चालचलनके जिबन जियैके लेल सिखा। उसब बिना कारन ककरो निन्‍दा नै करे आ निसाबला चिजके बसमे नै परे बरु जे चिज असल छै उ औरो दोसर गोराके सिखाबे।

१ कोरन्‍थी 5:4

जब तुसब अपनासबके परभु येसुके नाममे भेला हैचिही त हमर आत्‍मा तोरेसबसङे रहैछौ आ परभु येसुके सक्‍तीयो ओतै रहैछै।

परकास 7:10

उसब जोर-जोरसे एहेन कहल्‍कै, “सिंहासनमे बिराजमान हैबला अपनासबके परमेस्‍वर आ थुमासे मुक्‍ती आबैछै।”

१ पतरुस 5:8

होसियार रह आ जागल रह, कथिलेकी तोरासबके दुस्‍मन सैतान ककरा भेटाइबै आ ख्‍यालेबै कैहके गरजैबला सिंह जखा खोजैत घुमैछै।