परकास 11:3 - मध्‍य पुरविया थारू

³ हमर दुइटा साक्‍छीसबके एक हजार दुइ सय साइठ दिनतक बोराके बस्‍तर लगाके अगमबानी बोलैके सक्‍ती हम देबै।”

परकास 11:3 Referans Kwoze

परकास 12:6

तब ओकर माँ उजार जगह दिसन भाग्‍लै, जते एक हजार दुइ सय साइठ दिन तलिक ओकरा पालन-पोसन करैले परमेस्‍वर ठाम तयार करने छेलै।

परकास 11:2

महज मन्‍दिर बाहरके अङनाके नै नाप कथिलेकी उ त गैर-यहुदी लोकसबके देलगेलछै आ उसब बयालिस महिनातक पबितर सहरके लतम-लत करतै रहतै।

परकास 13:5

उ जानबरके बरका बरका बात कैरके परमेस्‍वरके अपमान करैबला मुह देनेछेलै। ओइ जानबरके बियालिस महिना तलिक काम करैके अधिकार देनेछेलै।

परेरित 13:31

गालिल इलाकासे ओकरसङे यरुसलेममे एल्‍हासब लग बहौत दिनतक ओकर देखाब दैत रहलै। अखुन्‍तो उसब इजराएलके लोकसबलग ओकर साक्‍छी छेबेकरै।

परेरित 1:8

महज पबितर आत्‍मा तोरासबके उपर एतौ तब तुसब सक्‍ती पाबबिही आ यरुसलेममे, सरा यहुदिया इलाकामे, सामरिया इलाकामे आ पिरथिबीके अन्‍ततक हमर साक्‍छी हेब्‍ही।”

लुका 24:48

तुहिसब यि बातके साक्‍छी चिही।

२ कोरन्‍थी 13:1

हम तेसर बेर तोरासबलग आइबरहल चियौ। पबितर धरमसास्‍तर अनुसार, “दुइ वा तिन साक्‍छीसबके कहल बातसे मातरे कोनो बात सत कैहके साबित हैछै।”

परेरित 2:32

“अहै येसुके परमेस्‍वर जिबित करल्‍कै। यि हम सबकोइ अकर साक्‍छी चियै।

युहन्‍ना 15:27

तुहुसब हमर बारेमे गबाही देब्‍ही, कथिलेकी तुसब सुरुवेसे हमरसङे चिही।”

मतीके लिखल सुसमाचार 18:16

महज उ तोहर बात नै सुन्‍तौ त, दुइ या तिन गोरेके आपन साथमे ल्‍याके सम्‍झाइले जो। कथिलेत धरमसास्‍तरमे कहल जखा दुइ या तिन साक्‍छीके अगा सब बात पक्‍का हेबे।

परकास 19:10

तब हम ओकरा आराधना करैले ठेङहुनिया देलियै महज उ हमरा कहल्‍कै, “तु एहेन नै कर। हम त तोहर आ तोहर भाइ-भैयासबसङे येसुके गबाही दैबला परमेस्‍वरके सेबक मातरे चियै। परमेस्‍वरके मातरे आराधना कर। कथिलेत जे कोइ परभु येसु खिरिस्‍टके गबाही दैछै ओकरा परमेस्‍वरसे अगमबक्‍तासबके हौसला दैछै।”

परकास 1:5

बिस्‍बास योग्‍य साक्‍छी आ मिरतुसे सबसे पहिन्‍का बेर जिबित भेल सन्‍सारके रजा सबके रजा, येसु खिरिस्‍टके तरफसे तोरासबके अनुगरह आ सान्‍ती मिले। उ अपनासबके परेम करैछै आ आपन लहुसे अपनासबके पापसे छुटकरा देनेछै।

परेरित 3:15

अहिनङे जिबन दैबलाके तुसब मारलिही, जकरा परमेस्‍वर मरलसे जियाइल्‍कै। हमसब यि बातके गबाही चियौ।

परकास 20:4

तब हम सिंहासनसब आ ओइमे बैठलसबके देखलियै, जकरा नियाइ करैके अधिकार परमेस्‍वर देनेछेलै। तकरबाद हम येसुके गबाही आ परमेस्‍वरके बचन परचार करलासे मुरी कटलहासबके आत्‍मासब देखलियै। उसब जानबर या मुरतिके पुजा नै करनेरहै, नै त आपन कपार या हाथमे ओकर चेन्‍हा बनाइनेरहै। उसब फेरसे जिबित भेलै आ खिरिस्‍टसङे एक हजार बरिसतक राज करल्‍कै।

एफिसी 4:11

वह्‍या ककरो आपन परेरितसब, ककरो अगमबक्‍तासब, ककरो परचारकसब, ककरो मन्‍डलीके देख-भाल करैबला पास्‍टरसब आ ककरो सिक्‍छकसब नियुक्‍त करल्‍कै।

१ कोरन्‍थी 12:28

परमेस्‍वर मन्‍डलीमे सबसे पहिने परेरितसब, दोसर अगमबक्‍तासब, तेसर गुरुसब, तब अचमके काम करैबलासब, बिमारसबके निक करैबलासब, दोसरके सहायता करैबलासब, परसासन चलाइबलासब आ आन भसा बोलैबलासबके नियुक्‍त करने छै।

युहन्‍ना 3:27

युहन्‍ना जबाफ देल्‍कै, “जाबेतक परमेस्‍वरसे नै देतै ताबे तक लोकके कुछो नै मिल्‍तै।

मतीके लिखल सुसमाचार 11:21

“धिक्‍कार तोरा खोराजिनके बासिसब! आ धिक्‍कार तोरा बेथसेदाके बासीसब! कथिलेत तोरासबके बिचमे करलाहा अजगुतके कामसब टुरोस आ सिदोन सहरमे करनेरहतीयै त ओतेका लोकसब आपन-आपन पाप माइनके बोराके बस्‍तर लग्‍याके छौरमे बैठके पस्‍चाताप करतियै।

लुका 10:13

“धिक्‍कार तोरा खोराजिनके बासिसब! आ धिक्‍कार तोरा बेथसेदाके बासिसब! कथिलेत तोरासबके बिचमे करलाहा अच्‍चमके कामसब टुरोस आ सिदोन सहरमे करनेरहतीयै त ओतेका लोकसब आपन-आपन पाप माइनके बोराके पहिरन लगाके छौरमे बैठके पस्‍चाताव करतियै।

परकास 11:6

उसब परमेस्‍वरके बचन सुनाबैतक पानी नै परे कैहके ओकरासबसङे अकास बन्‍द करैबला सक्‍तीछै। ओकरासबसङे पानीके भबसबके लहु आ इक्‍छा लागल बखत पिरथिबीमे हर तरहके बिपत आनैबला सक्‍तीछै।