फिलिप्‍पी 4:8 - मध्‍य पुरविया थारू

⁸ अन्‍तमे, भाइ-भैयासब, जे बात सत छै, जे बात असल छै, जे बात नियाय संगत छै, जे बात पबितर छै, जे बात परेम योग्‍य छै, जे बात किरपाके योग्‍य छै, अरथात जे आदरके योग्‍य छै आ परसन्‍साके योग्‍य छै तैमे मन लगा।

फिलिप्‍पी 4:8 Referans Kwoze

याकुब 3:17

महज स्‍वरगसे आबैबला बुइध त सबसे पहिने असल हैछै, तकरबाद उ सान्‍ती दैबला, नम्‌र, बिचारसिल आ दयासे भरल रहैछै आ असल कामसे परकट हैछै। अइमे पक्‍छपात करैबला बात आ छलकपट करैबला बात नै रहैछै।

तितस 2:7

तुसब आपन सब काममे ओइसबके अगा अपने-आपके असल नमुना बैनके देखा। तु इमान्‍दार आ गम्‍भीर भ्‍याके सिक्‍छा दहै।

२ कोरन्‍थी 8:21

कथिलेत हमसब परभुके नजरमे मातरे नै, बल्‍की लोकोसबके नजरमे जे ठिक छै ओह्‍या करैके लक्‍छ राखैचियै।

गलाती 5:22

महज पबितर आत्‍माके फलसब- परेम, आनन्‍द, सान्‍ती, धिरज, दया, भलाइ, बिस्‍वस्‍तता,

१ पतरुस 2:12

परमेस्‍वरमे बिस्‍बास नै करैबला लोकसबके बिचमे तोरासबके चालचलन निक हेबे। उसब तोरासबके खराब काम करैबला कैहके दोख लगाइतौ तैयो तोरासबके असल काम देखे आ परमेस्‍वर नियाय करैले आबैतखिना ओकर महिमा करे।

हिबरु 13:18

हमरासबके लेल निरन्‍तर परथना करैतरह। हमरासबके बिस्‍बास छै कि, हमरासबके बिबेक सुधछै कथिलेकी हमसब सबकाम इमान्‍दारसे करैले चाहैचियै।

१ तिमोथी 4:12

जबान भेलाके कारन कोइ नै तोरा निच ठाने। बरु तु बोलि-बचनमे, चाल-चलनमे, परेममे, बिस्‍बास आ पबितरतामे बिस्‍बासीसबके अगा एकटा नमुना बन।

एफिसी 5:9

कथिलेत इजोतके फल त सब किसिमके भलाइ, धारमिकता आ सत्‍यता चियै।

तितस 1:8

महज उ लोक मेजवानके स्‍वागत-सत्‍कार करैबला, भलाइके काममे मन लगाइबला, ग्‍यानी, इमान्‍दार, पबितर आ आपनके बसमे राखैबला हैकेचाही।

१ युहन्‍ना 3:3

खिरिस्‍टमे एहेन आस करैबला, उ आपनोके खिरिस्‍टे जखा पबितर कैरके राखैछै।

१ पतरुस 1:22

आब तुसब सतके माइनके आपन मन सुध कैरलेने चिही तहैलेल एक दोसर कोनो छलकपट नै कैरके भाइ-भैया आ दिदी-बहिन जखा परेम कर। हिरदयसे एक दोसरके परेम कर।

तितस 3:14

आपन लोकसब असल काममे लागल रहे, ताकी आवसयक परल समयमे सहायता देबे सके आ बेरथमे जिबन नै जिये।

रोमी 13:13

अपनासब दिनके इजोतमे रहल जखा असल काम कर। रातके अन्‍हारमे करल खराब काम जखा मोजमजा, मातैबला काम, बेबिचार, भरस्‍टाचार, लराइ-झगरा आ डाह करैले छोर।

याकुब 1:27

परमेस्‍वर पिताके मनपरैबला साँचोके धरम-करम एह्‍या चियै दुखमे परल बिधुवा आ टुगर-टापरसबके देखभाल करनाइ आ सन्‍सारके अधलाह बातसे अलग रहनाइ चियै।

१ युहन्‍ना 3:18

हे हमर धियापुतासब, अपनासब खाली मुह आ बातसे मातरे परेम नै कर, महज अपनासब काम आ सत्‍यतासे परेम करैजो।

तितस 2:2

बुढबासबके परहेज करैले, गहन आ अपने आपके बसमे राखैले सिखा। ओइसबके बिस्‍बासमे, परेममे आ सहनसिलमे बौकार हैलेपरतै कैहके सिखा।

२ कोरन्‍थी 13:7

महज तुसब असल जिबन जि कैहके हमसब परमेस्‍वरमे परथना करैचियै। हमसब आपने निक देखाबैके लेल परथना नै करैचियै, महज हमसब असफल जखा हेबै तैयो तुसब निक काम कर।

कलस्‍सी 4:5

येसु खिरिस्‍टके बिस्‍बास नै करैबलासबसङे बेबहार करैतखिना बुइध पुगाके कर आ तोरासबके भेटल सब मौकाके पुरा रुपसे परयोग कर।

१ पतरुस 4:8

सबसे मुख बात यि चियै कि तुसब एक दोसरके पुरा मनसे परेम कर, कथिलेकी परेमसे बहुतो पापसबके झाइपदैछै।

रोमी 13:3

कथिलेत सासकसबसे असल काम करैबलासब नै महज खराब काम करैबलासब डर मानैछै। ओहैसे तुसब सासकसबसङे निडर भ्‍याके रहैले चाहैचिही त असल काम कर तब उसब तोरासबके चाबसी देतौ।

तितस 2:14

येसु खिरिस्‍ट अपनासबके सब पापसबसे मुक्‍तीदैले आ सब खराबिसबसे छुटकारा दैले आपन परान निछावर करल्‍कै। उ यि चाहल्‍कै कि हमसब असल काममे उत्‍सुक हेबी आ ओकर अपने निज लोक हेबेसकी।

फिलिप्‍पी 3:1

अन्‍तमे भाइ-भैयासब, परभुमे आनन्‍द कर। यि बात तोरासबके घरी-घरी लिखैके लेल हमरा झनझट नै लागैछै आ तोरेसबके सुरक्‍छाके लेल चियौ।

रोमी 2:29

साँचो यहुदी त हिरदयके भितरसे परमेस्‍वरके अगा सत ठहरैले परतै। तब साँचो खतना त देहके बाहरमे लगाइबला खतना नै महज परमेस्‍वरके आत्‍मा पाइबके हिरदय भितरेसे परिबरतन होनाइ चियै। एहेन लोक, लोकसबसे नै महज परमेस्‍वरसे आदर पाबैछै।

१ तिमोथी 2:2

रजा आ हाकिमसबके लेल परथना कर ताकि हमसब सुख सान्‍तीसे परमेस्‍वरके भक्‍ति करे आ आदरके जिबन बिताबे सकी।

१ तिमोथी 5:10

अतबे नै उ असल काम करलाके खातिर सब दिसनसे आदर पावलके हैकेचाही। उ आपन बेटा-बेटीके निक जखा लालन-पालन करने आ मेजमानसबके सेबा-सत्‍कार करने रहल हैकेचाही। उ परमेस्‍वरके पबितर जनसबके टाङ धुवाइने आ दुखमे परलहासबके मदत करने रहल हैकेचाही। अहिने औरो असल असल काम करने रहल हैकेचाही।

एफिसी 6:14

अहै कारन आब तैयार भ्‍याके ठारभेल रह। सतके डरकसना डारहमे बाइन्‍हके राख, छाति बचाइबला धारमिकताके कबज लगा।

१ थेसलोनिकी 4:12

अनङ करबिही त, खिरिस्‍टमे बिस्‍बास नै करैबला लोकसब सेहो तोरासबके आदर करतौ आ तोरासबके ककरो उपरमे भर नै परे परतौ।

एफिसी 4:25

अहै खातिर आब झुठ बाजैले छोइरदहै। एक-दोसरसङे सच-सच बोल कथिलेत अपनासब सबगोरा खिरिस्‍टके देहके अङसब चियै।

२ कोरन्‍थी 6:8

लोकसब हमरासबके आदर करतै तैयो अनादर करतै तैयो, जस करतै तैयो अबजस करतै तैयो हमसब परमेस्‍वरके सेबा करैचियै। हमसब इमानदार चियै महज लोकसब ठगहा कहैछै।

परेरित 10:22

उसब जबाब देल्‍कै, “हमरासबके कप्‍तान करनेलियस पठाइनेछै। उ धरमी आ परमेस्‍वरके डर मानैबला लोक चियै। ओकरा यहुदियो जातीसब आदर करैछै। एकटा स्‍वरगदुतसे आदेस मिलल छै जे तोरा आपने घरमे बजाके तोहरसे उपदेस सुन्‍तौ।”

युहन्‍ना 7:18

जे कोइ आपन मनसे बोलैछै, उ आपने महिमा ताकैछै, महज जे अपना पठाइबलाके आदर खोजैछै, उ सत लोक चियै आ ओइमे कोनो कपट नै रहैछै।

लुका 2:25

यरुसलेममे सिमियोन नामके एकटा लोक छेलै। उ इजराएलके बचाबैबला लोकके आसमे रहै आ उ धरम-करम करैबला लोक रहै, पबितर आत्‍मा ओकरसङे छेलै।

मरकुस 6:20

कथिलेत युहन्‍ना एक धरमी आ पबितर लोक चियै थाह पाइबके हेरोद ओकरसे डराइछेलै आ सुरक्‍छित राखने छेलै। युहन्‍नाके सिक्‍छा सुनैबखत उ बहुत घबराल छेलै महज तैयो ओकर बातसब धियान द्‍याके सुनैछेलै।

लुका 16:15

तब येसु ओइसबके कहल्‍कै, “लोकसबके अगामे आपनके धरमी देखाइबला तुहिसब चिही, महज परमेस्‍वर तोरासबके हिरदयके बातसब जानैछौ, कथिलेत लोकसबके बिचमे जे बरका कहाइछै, परमेस्‍वरके नजरमे उ सबसे तुच्‍छ हैछै।

१ कोरन्‍थी 4:5

तैखातिर परभु नै आबैतक ककरो दोस नै लगा। आब अन्‍हारमे घोसरल बातसब उ इजोतमे लाबतै आ लोकके मनभितरके बिचारसब परकट करतै। तब सबलोक परमेस्‍वरसे आपन परसन्‍सा पाबतै।

परेरित 22:12

“दमस्‍कसमे हननिया नामके एक गोरे हमरसे भेटघाट करैले एलै। उ मोसाके नियमके पालन करैबला धरमी लोक रहै आ दमस्‍कसमे रहैबला सब यहुदीसब ओकरा बहुत आदर करैतरहै।

१ युहन्‍ना 4:1

हमर पिरिय भाइ-भैयासब, हमरसङे पबितर आत्‍मा छै कहैबला जकरे-तकरेमे बिस्‍बास नै कर, महज ओइसबसङे परमेस्‍वरके आत्‍मा छै कि नै छै, जाँचके देख कथिलेत बहौत झुठा अगमबक्‍तासब सन्‍सारमे एलछै।

१ तिमोथी 5:2

ओहिनङके बुढ जनिसबके आपन माँ जखा आ छोटसबके पबितर मनसे बहिन जखा बेबहार कर।

लुका 23:50

योसेफ नामके एक गोरा महासभाके सदस छेलै, उ असल आ इमान्‍दार लोक रहै।

१ तिमोथी 3:4

उ आपन घर परिबार असलसे चलाबैबला, ओकर धियापुता असलसे आदर करैबला आ अरह्‍याल काम मानैबला हैकेचाही।

परेरित 6:3

तहैले हौ भाइसब, तोरासबमेसे पबितर आत्‍मासे भरल, असल बुइधके आ आदर पाबैबला सातटा लोक छान जकरा अपनासब यि कामके जिम्‍मा देबै।

मतीके लिखल सुसमाचार 22:16

उसब आपन कुछ चेलासब आ हेरोद रजाके दलके कुछ लोकसबके येसुलग एहेन कहैले पठेल्‍कै, “हे गुरु जी, हमसब जानैचियै कि अहाँ सत चियै आ परमेस्‍वरके साँचे सत बाट देखाइचियै। लोकसब कथी कहतै तैके कोनो बास्‍ता नै राखैचियै कथिलेकी अहाँ ककरो पक्‍छपात नै करैचियै।

हिबरु 11:2

ओइसबके ओहिनङे बिस्‍बासके कारन पहिनेके लोकसबके परमेस्‍वर गरहन करल्‍कै।

१ तिमोथी 3:11

तहिनङ कैरके ओकरासबके घरबालीसब सेहो आदर पाबैबाली हैके चही। उसब दोसरके बदनाम नै करैबली, आपनके बसमे राखैबाली आ सब बातसबमे बिस्‍बास योग्‍य हैलेपरतै।

२ कोरन्‍थी 8:18

हमसब तितससङे एकटा भाइके पठाबैचियौ, जकर नाम सुसमाचार परचारके काममे सब मन्‍डलीके बिचमे चललछै।

२ पतरुस 3:1

हे हमर पिरियसब, यि तोरासबके लेल लिखल दोसर चिठी चियौ। यि दुनु चिठीमे कतहेक बात सम्‍झना कराके तोरासबके ठिकसे बिचार करैके लेल उत्‍साहित करैले कोसिस करनेचियौ।

रोमी 14:18

जे एहेन किसिमसे खिरिस्‍टके सेबा करैछै, उ परमेस्‍वरके खुस करैछै आ लोकसबसे आदर पाबैछै।